சமூகத்தின் சட்ட விழிப்பறிவுணர்வுக்கான தளம்

நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Saturday, August 17, 2019

மனு எழுதத்தெரியாத மடையர்களே, ‘‘வக்கீழ்ப் பொய்யர்கள்’’



தொழிலின் அடிப்படை நோக்கம் லாபமே! ஆகையால், தொழில் செய்பவர்களிடம் 100க்கு 99.99% நியாயத்தை எதிர்ப்பார்க்கவே முடியாது. ஆனாலும், இவர்களைத்தான் மக்கள் மலைபோல நம்புகிறார்களே ஒழிய, தன் திறனை நம்புவதில்லை.

இதுவே மக்களின் மடத்தனமாக இருப்பதால்தான், தொழில் செய்பவர்கள் கொடிகட்டி பறக்கிறார்கள். அதாவது இவர்களை அடிமைப்படுத்தி, இவர்களின் உழைப்பை சுரண்டி, கொழுக்கிறார்கள். உழைப்பவர்களோ வறுமையிலேயே வாடுகிறார்கள்.

இதையே இவர்கள் தன் திறன் மீது நம்பிக்கை வைத்து உழைத்தால், அடிமை, வறுமை என்ற இருநிலைகளும் நீங்கி ஆனந்த வாழ்வு வாழ்வார்கள். 

ஒரு பிரச்சினையை தீர்ப்பதற்காக எழுதப்படும் மனு, அந்தப் பிரச்சினையை சரியான முறையில் தீர்ப்பதோடு, வேறு பல பிரச்சினைகள் தீரும் வண்ணமும், வேறு சிக்கல்கள் எதுவும் எழாத வண்ணமும் இருக்க வேண்டும். 

இதற்கு சொல்ல வேண்டிய சங்கதிகளை மிகவும் நேர்த்தியாகவும், படிப்பவர்களுக்கு இடையில் கேள்விகள் எதுவும் எழாத வண்ணமும் தெளிவான நீரோடை போல. தெள்ளத் தெளிவான எழுத்து நடையில் இருக்க வேண்டும்.

ஆகையால், நம்ம பிரச்சினையை நம்மைத் தவிர வேறு யாரும் சரியாக சொல்ல முடியாது என்ற அடிப்படை தத்துவத்தின்படி, பிரச்சினையில் தொடர்புள்ள அக்கறையுள்ள அந்தந்த நபர்களே மனுவை எழுதும் போதுதான் அம்மனு மிகச் சிறப்பாக இருக்கும். 

இதற்கு நாமேதான் எழுத வேண்டுமென்கிற எண்ணமும், முயற்சியும் இருந்தால் போதும். இதைத்தான் ‘‘மநு வரையுங்கலை!’’ நூல் முழுவதிலும் நம் ஆசிரியர் திரு. வாரண்ட் பாலா எழுதி நிரூபித்து காட்டியுள்ளார்.

அதாவது அந்த நூலில் தொகுக்கப்பட்ட குற்றவியல், உரிமையியல், நுகர்வோர், திருமண விவாகரத்து, உரிமையியல் வழக்கிற்கு பதிலடி தரும் பதிலுரை, இப்பதிலுரையிலேயே எதிர்க்கோரிக்கை, குற்றவியல் மேல்முறையீட்டு மனுக்கள் என எல்லாமே நிதிபதிகளிடம் தாக்கல் செய்யப்பட்டு, அம்மனுவில் எழுதியது போலவே தீர்ப்பும் பெறப்பட்டவை ஆகும்.  

ஆகையால், இப்படியெல்லாம் மனுவை எழுத முடியுமா என்று அனைத்து மட்டத்தில் உள்ளவர்களையும் ஆச்சரியப்பட வைக்கும் அளவிற்கு குடியரசுத் தலைவர், ஆளுநர் ஆகியோருடன் நட்பு ரீதியாக நேரடி தொடர்பில் உள்ளோருக்கு கூட, இவரே மனு எழுதி பிரச்சினையை தீர்த்து வைத்திருக்கிறார். அதையும் அந்நூலிலேயே சொல்லி இருக்கிறார் என்றால் பார்த்துக் கொள்ளுங்கள். 

ஆகையால், அவர் யாருக்காக மனுவை எழுதுகிறாரோ அவர்கள் பாக்கியவான்கள் என்றே சொல்லலாம். அந்த அளவிற்கு நியாயம் இருக்கிறது என்று உணர்ந்தால் மட்டுமே மனுவை எழுதுவார். இதுக்கும் சிந்தனைகள் தானாக வரவேண்டும். ஆகையால், சில நேரங்களில் இரண்டு பக்கம் எழுதுவதற்கு, இருபது நாட்கள் கூட ஆகி விடும் என்பது எங்களுக்கே கிடைத்துள்ள அனுபவம். 

இது மனுவிற்கு மட்டுமல்ல; அவர் எழுதும் கட்டுரைகள் நூல்கள் உள்ளிட்ட அனைத்துக்கும் பொருந்தும். ஆகையால்தான், நூல்களை எழுத சாதாரணமாக ஓரிரு வருடங்கள் ஆகிறது. அதற்கு மேலும் ஆகிறது. இதனால்தான், அவர் கணித்து சொன்னது சொன்ன படியேயும், எழுதியது எழுதிய படியேயும் நடக்கிறது.  

மற்றபடி, உறவு, நட்பு, பணம், புகழ் என்று எதற்காகவும் மனுவை எழுதிவிடவோ, ஆலோசனையை சொல்லி விடவோ மாட்டார். எந்தவொரு நிர்ப்பந்தத்துக்கும் ஆளாக கூடாது. அப்படி ஆளானால், அடிமையாகி விடுவோம் என்று ‘‘கடமையைச் செய்! பலன் கிடைக்கும்’’ நூலில் தெளிவுபட எழுதியுள்ளார்.

கர்மவினை

இது புரியாமல் பலர், அவரிடம் ஏடாகூடமாக பேசி எதையாவது செய்து தங்களுக்கு கிடைக்க வேண்டிய நியாயத்தை  இழந்து, மேலும் பல சிக்கல்களில் சிக்கி தவியாய் தவிப்பர். பரிதவிப்பர். இதுதான் அவரவர்களும் அனுபவித்தாக வேண்டிய கர்மவினை. இதையெல்லாம் அவரது நூலிலேயே படிக்கலாம்.

இதில், அவர் பணத்துக்கு ஆசைப்படலாம் என்று அற்பத்தனமாக நினைத்து, மனு எழுத அல்லது ஆலோசனை சொல்ல இலட்சக் கணக்கில் பணம் தருவதாக கூறி, வாங்கிக் கட்டிக் கொண்டவர்களும் பலருண்டு.

ஆமாம், எப்படி தெரியுமா?

இலட்சம் இல்லை; நீ கோடி கொடுத்தாலும் கூட உனக்காக ஒரு எழுத்தை கூட எழுத மாட்டேன் என்று, கோடான கோடியில் ஒரு நபராக உள்ள இவரைத் தவிர வேறு யாராலும் உறுதியாக சொல்ல முடியாது.

இதனை வேறு விதமாக சொல்ல வேண்டுமென்றால், ‘‘நான் ஒரு தடவ சொன்னா நூறு தடவ சொன்ன மாதிரி’’ மற்றும் ‘‘நான் ஒருமுறை முடிவெடுத்துட்டா என் பேச்சை நானே கேட்கமாட்டேன்’’ என்ற சினிமா வசனங்களுக்கு அப்படியே மிகவும் பொருத்தமானவர். 

ஆமாம், ஒருமுறை சிக்கியவன் எத்தனைப் பிறவி எடுத்தாலும், மறக்க மாட்டான் என்கிற அளவிற்கு அவ்வளவு அன்பாக அர்த்தத்தோடு திட்டி தீர்ப்பார் என்பதை, நூல்களில் நிதிபதிகளை எழுதுவதை வைத்தே புரிந்துக் கொண்டிருப்பீர்கள். ஆகையால், இதற்குமேல் விளக்க வேண்டியதில்லை.

நம் கடமையும், உரிமையும்!

நம்முடைய வரிப்பணத்தில் கூலி பெரும் அரசூழியர்கள் நமக்கு சரியான நேரத்தில் வேலையை செய்துதர வேண்டிய ஊழியர்களே! ஆகையால், அவர்களை சட்டப்படி எப்படி வேலை வாங்க வேண்டுமோ அப்படி வேலையை வாங்க வேண்டியதே நம் கடமை!! 

ஆமாம், காமராஜர் தமிழ் திரைப்படத்தில், கண் அறுவை சிகிச்சை மேற்கொள்வதற்காக வெளிநாடு செல்ல வேண்டிய பிரச்சினை ஒன்று அவரது கவனத்திற்கு வந்ததும், மருத்துவதுறை தலைவரை நேரில் அழைத்து, ‘‘மக்களுக்கு தேவையான நல்லதை செய்யத்தானே சட்டம். அதைச் செய்யாமல் கண் நாசமா போறத்துக்கா சட்டம்?’’ என்று அவரு பாணியில் நாலு ஏத்து ஏத்தி தலை குனிய வைப்பாரே!

அதுபோல, நமக்கு அவசரமாக ஒரு செயல் நடைபெற வேண்டி இருக்கிறது என்றால், அதனை மிகவும் அவசரம் / நேரில் சார்வு என்று மனுவின் தலைப்பில் குறிப்பிட்டே கொண்டு செல்லலாம். அப்படி வரும் மனு மீது ஊழியர்கள் உடனடியாக நடவடிக்கை எடுக்க வேண்டும்.

நம் மனு மீது நடவடிக்கை எடுக்க எனக்கு இத்தனை நாட்கள் அல்லது மாதங்கள் கால அவகாசம் இருக்கிறது என்று அரசூழிய அய்யோக்கியர்கள் அலட்சியமாக சொன்னால், ‘‘அடிமை முட்டாளே, உனக்கு எப்படி அதிகபட்ச உரிமை இருக்கோ அப்படியே உடனே செய்து தரவேண்டும் என கேட்க எனக்கும் சட்ட உரிமை இருக்கு’’ என்று தெளிவாக பதில் சொல்ல வேண்டும்.

அப்படி செய்யவில்லை என்றால், செய்ய முடியாத அளவிற்கு அத்தனை நாட்கள் என்னென்ன வேலைகளை செய்தாய் என்று சான்று நகலை தர வேண்டி இருக்கும் அல்லது இது தொடர்பான வழக்கில்  உன்னை சாட்சியாக அழைத்து, கூண்டில் ஏற்றி நான் விசாரிக்கும் போது பதில் சொல்லி சட்ட விளைவுகளுக்கு உள்ளாக வேண்டி இருக்கும் என சட்டப்படியே எச்சரித்தாலே போதும். 

இதில் முக்கியமாகவும், மறைமுகமாகவும் சொல்லப் பட வேண்டியது, ‘‘பொய்யர்கள் இன்றி நாமே வாதாடுவோம்’’ என்பதைத்தான். இல்லையெனில், பொய்யனை வைத்துதான் வாதாடுவோம் என்றும், அவனை சரிகட்டி விடலாம் என்றும் நினைப்பாய்ங்க. 

இப்படி சொல்லி விட்டால், எப்படி எப்படியோ சீறிய எந்தவொரு அரசூழிய அய்யோக்கியனும் பல் பிடுங்கப்பட்ட பாம்பாக அடங்கிடுவாய்ங்க. நாம் சொன்னபடி சிக்கினால், காலில் விழுந்து விடுவாய்ங்க என்பது, ஆசிரியர் உட்பட நம் வாசகர்கள் பலருக்கும் கிடைத்த அனுபவம். இப்படியொரு அனுபவம், இனி இவ்வாசகிக்கும் கிடைக்கலாம். 

கிராமத்து வாசகியின் சாதனை!

இதனை, பள்ளிப் படிப்பே படித்துள்ள நம் கிராமத்து வாசகிக்கு நேற்று சொன்னதும், மாவட்ட ஆட்சியர் அலுவலகத்தில் இயங்கும், தபால் பிரிவில் மனுவை கொடுத்து ஒப்புதல் கேட்க, அங்கிருந்த முட்டாள் ஊழியனோ கொடுக்க முடியாது என்று சொல்லவே, மாவட்ட ஆட்சியரை நேரடியாக சந்தித்து மனுவை கொடுத்து சுருக்கமாக செய்தியையும் சொல்லி விட்டாள்.


அதனைப் பெற்ற மாவட்ட ஆட்சியர், அந்த மனுவின் நகலில், மனுவை பெற்றதுக்கான கையெழுத்து ஒப்புதலை போட்டுக் கொடுத்து விட்டு, உடனே உதவியாளரை அழைத்து இதனை இன்றே நடவடிக்கைக்கு அனுப்பு என்று சொல்லி விட்டார்.

ஆமாம், மனு எழுதுவது எவ்வளவு முக்கியமோ, அதைவிட மிகமிக முக்கியம் அதனை அந்தந்த அரசூழியர்களிடம் கொடுத்து, அப்படி அவர்களிடம் கொடுத்ததற்கான உரிய கையெழுத்து ஒப்புதலைப் பெறுவது. இப்படி பெற்று விட்டால், பின்னர் அதற்கு பதில் சொல்ல வேண்டிய பொறுப்பு, அந்த நிமிடமே அவ்வூழியர்களுக்கு வந்து விடுகிறது. இல்லையெனில், மனுவை கிடப்பில் அல்லது குப்பையில் கூட போட்டு விடுவார்கள்.

போலி உயில்கள்: ஓர் எச்சரிக்கை!

அதாவது பத்தொன்பது வருடங்களாக இவளது அனுபவத்தில் இருந்து வரும் அப்பா வழி தாத்தா சொத்தை, திடீரென இவளது சித்தப்பா மகனான தம்பி, தாத்தா என் பேருக்கு உயில் எழுதி வைத்திருப்பதாக கூறி பொய்யான உயிலின் மூலம் கைப்பற்ற முயற்சிக்கிறான்.

சொத்து தனக்கு உரிமையான போதே பட்டாவையும் சேர்த்து மாற்றாது விட்டது இவளது தவறு. இவளைப்போன்றுதான் பலரும் பட்டா பிரச்சினையில், சொத்துப் பிரச்சினையை சந்திக்கிறார்கள். ஆகையால், இதற்கும் விரைவில் தீர்வு தரும் நடவடிக்கையை அரசு எடுத்துள்ளது.



‘‘பல நாள் திருடன் ஒரு நாள் அகப்படுவான்’’ என்பது போல, இப்படி பொய்யான உயிலை தயாரித்து ஏற்கெனவே சில சொத்துக்களை மற்றவர்களிடம் இருந்து கைப்பற்றி இருக்கிறான் என்பது, இவளிடம் பிரச்சினை செய்ததன் மூலம் தெரிய வந்துள்ளது. ஆகையால், ஏற்கெனவே சொத்தை இழந்தவர்களும் விழித்துக் கொண்டார்கள்.

இக்குற்ற புத்தியுள்ள படித்த முட்டாள், அண்ணா பல்கலை கலகத்தில் விரிவுரையாளராக இருக்கிறான் என்கிறாள் நம் வாசகி. இவனிடம் படிக்கும் மாணவர்கள் எப்படி யோக்கியர்களாக இருப்பார்கள்?

ஆகையால், இந்த போலி உயிலை வைத்தே அடுத்த கட்டமாக இவனது விரிவுரையாளர் வேலையை காலி செய்ய வேண்டும்; இதற்காக குற்றவியல் வழக்கு நடவடிக்கையை எடுக்க வேண்டுமென்ற முனைப்பில் இருக்கிறாள்.

படிக்காதவர்களால், அவர்கள் படிக்கவில்லை என்பதை தவிர, சமூகத்தில் வேறு பிரச்சினை இல்லை. ஆனால், படித்த முட்டாள்களால்தான் அத்தனை பிரச்சினையும் வருகிறது என்பதற்கு இவனெல்லாம் உண்மைச் சான்று.

இத்திருடனுக்கு அந்த கிராம நிர்வாக ஊழியனான இளைஞனும் ஏனோ துணை நின்று, அவனது பட்டா மாற்றி தர கோரும் மனுவை தாசில்தாருக்கு அனுப்பி விட்டான். இதை தடுக்கவே நம் வாசகி மாவட்ட ஆட்சியரிடம் மனுவை கொடுத்து, பெரிய சொத்துப் பிரச்சினையை சிறிய அளவிலேயே தடுக்க முயற்சித்து இருக்கிறாள் என்பது பாராட்ட வேண்டிய விசயம். கிராம நிர்வாக ஊழியனும் இவளது சட்ட நடவடிக்கைக்கு உள்ளாகப் போகிறான்.

ஆனால், வாசகர்கள் பலரும் கொடுத்த மனுவிற்கு உரிய ஒப்புதலை சட்ட உரிமையோடு வாங்கவே சங்கடமாக இருக்கிறது. அப்படி இருந்தால், பிரச்சினையை பெரிதாக்கிக் கொண்டு சந்தியில் நிற்க வேண்டியதுதான்!

இதெல்லாம், நம் ஆசிரியரைப்போல நல்லதொரு கொள்கைவாதிக்கும், நம் வாசகியைப் போல பிரச்சினையை உடனே தீர்க்க வேண்டும் என்ற முனைப்போது செயல்படும் வாசகர்களுக்கான செயல் இலக்கணம்.

வக்கற்ற வக்கீழ்ப் பொய்யர்கள்’’ 

இதையே தொழில் செய்யும், வக்கீழ்ப் பொய்யர்கள், எப்படி பொறுப்பில்லாமல் இருப்பார்கள் என்பதற்கு இந்த பத்திரிகை செய்தியே நல்லதொரு சான்று.

காஷ்மீர் விவகாரத்தில், இந்தியா எடுத்துள்ள சிறப்பு அந்தஸ்து நீக்கம் என்ற நிலைப்பாட்டை உலக நாடுகள் அனைத்தும் உற்று நோக்க, அரசின் நிலையை எதிர்த்து பொய்யர்களால் தாக்கல் செய்யப்பட்டுள்ள ஆறு மனுக்களிலும் ஏகப்பட்ட கருத்துப் பிழைகள், தவறான தகவல்கள்  உள்ளதாக, நிதிபதிகள் புலம்பி உள்ளனர்.

இந்தப் புலம்பல் மனுக்களை விசாரிக்க முடியாததால், கிடைக்க வேண்டிய நிதி கிடைக்காமல் போய் விட்டதே என்ற புலம்பலாக கூட இருக்கலாம். யாருக்கு தெரியும்?

clip

ஏனெனில், இதற்கு முன் நிதிபதிகள் இப்படி புலம்பியதில்லை. மனுவில் தவறு இருந்தால், அதனை திருத்தி கொடுக்க வலியுறுத்தி திருப்பி கொண்டுக்க வேண்டியதே நிதிபதிகளின் சட்டப்படியான வேலை.

இதை விட்டுவிட்டு, தள்ளுபடி செய்ய முடியும். ஆனால் செய்யவில்லை என்று புலம்புகிறார்கள் என்றால், வட போச்சே, வருமானம் போச்சே என்று எண்ணியதாகத் தான் கருத வேண்டி உள்ளது.

கழுதை திண்ணா காகிதம்!

மேலும், வக்கீழ்ப் பொய்யர்கள் வழி வந்த நிதிபதிகள் என்னமோ உலக மகா யோக்கியர்கள் போலவும் தவறான தீர்ப்பை எழுதியதே இல்லை என்பது போலவும் ஒரு கர்ப்பனையை மக்கள் மத்தியில் உண்டாக்க முயற்சித்து இருக்கிறார்கள் என்றும் சொல்லலாம்.

ஒரு பாணை சோற்றுக்கு ஒரு சோறு பதம் என்ற பழமொழிக்கு இணங்க,  ‘‘நிதிபதிகள் தீர்ப்பு எழுதிய காகிதம் என்று கழுதைக்கு தெரிந்தால், கழுதை கூட அக்காகிதத்தை திண்ணாது’’  என்று ‘‘நீதியைத்தேடி... சாட்சியங்களைச் சேகரிப்பது எப்படி?’’ நூலில் எழுதி இருக்கிறார் என்றால், இதை விட கேவலமாக விமர்சிப்பதற்கு வேறென்ன இருக்கு?!

எது எப்படி இருப்பினும், உலகமே உற்று நோக்கும் மிக மிக வரலாற்று முக்கியத்துவம் வாய்ந்த வழக்கு மனுவிலேயே, நீங்களெல்லாம் பெரீய கறுப்பங்கி காரியப் புடுங்கிகள் என்று நினைக்கும் உச்சநீதிமன்றப் பொய்யர்களின் தகுதியே இவ்வளவு தான் என்றால்.., 

உங்களது வழக்கில் வாதாடும் உள்ளூர் வக்கீழ்ப் புடுங்கிகள் எல்லாம் எப்படிப்பட்ட தகுதியில் இருப்பார்கள் என்பதை சற்றே யோசித்தால், ‘‘இப்பொய் புடுங்கிகளை விட, நீங்களே மேலானவர்கள்’’ என்பதை புரிந்து கொள்வீர்கள்.

பிற்சேர்க்கை நாள் 19-09-2019

நமக்கு அஞ்சல் பெட்டி எண்ணை வாங்கியுள்ளோம். இந்த எண்ணை குறிப்பிட்டு தபால் எதுவும் வந்தால், அந்தப் பெட்டியில் போட்டு விடுவார்கள். ஆகையால், அவ்வப்போது சென்று தபால் எதுவும் வந்திருக்கா என பார்க்க வேண்டும். அப்படி இன்று சென்று பார்த்தால் எதுவும் வரவில்லை. 

ஆனால், அருகில் இருந்த அஞ்சல் பெட்டிகளில் பல கடிதங்கள் இருந்தன. அதெல்லாம் நகராட்சிக்கும், வட்டார வளர்ச்சி ஊழியர்களுக்கும் சாதாரண அஞ்சலில் அனுப்பப்பட்டவை என்பது அந்தந்த பெட்டியின் மேலே நகராட்சி, வட்டார வளர்ச்சி என்றும் குறிப்பிடப்பிட்டு உள்ளதன் மூலம் தெரிந்தது. 

அரசு அலுவலகங்களுக்கு இதுபோன்று, அஞ்சல் பெட்டி எண்களை வாங்க சட்டப்பூர்வ அனுமதி இருப்பதாக தெரியவில்லை. இருக்கவும் முடியாது. 

ஆனால், அந்த அய்யோக்கிய ஊழியர்கள் தங்களுக்கு வரும் கடிதங்களை குறைத்து, வேலையை குறைத்துக் கொள்ள சொந்த செலவில் அஞ்சல் பெட்டி எண்ணை வாங்கி விட்டு, அவர்களுக்கு மக்கள் அனுப்பும் கடிதங்களை சட்டத்துக்கு விரோதமாக அப்பெட்டியில் போட சொல்லி விடுகிறார்கள் போலிருக்கு. 

ஆகையால், நாம் மேற்சொன்ன கிராமத்து வாசகியைப் போல, மனுக்களை நேரில் கொடுத்து உரிய ஒப்புதலைப் பெற்றால் மட்டுமே பிரச்சினைக்கு முற்றுப்புள்ளி வைக்க முடியும்.  இல்லையெனில், அப்பிரச்சினை நம் வாழ்க்கைக்கே கூட முற்றுப்புள்ளி வைத்து விடும். 

பிற்சேர்க்கை நாள்: 10-09-2019

இதில் சொல்லியுள்ள நம் வாசகியின் பிரச்சினை அடிமை அய்யோக்கிய அரசூழியர்களின் அலட்சியத்தால் பெரிதாகி விட்டது. பெரிதாகி விட்டது என்றால், இரண்டு தரப்புக்குமே என்றாலும், சட்டப்படி நடக்கும் நம் வாசகிக்கு பிரச்சினை பெரிதல்ல; மாறாக, சட்ட விரோதமாக நடந்த அய்யோக்கிய அரசூழியர்களுக்கே.

ஆமாம், அவ்வூழியர்களின் வேலைக்கே முற்றுப்புள்ளி வைக்கும் நிலையில், பிரச்சினை பெரிதாகி போய்க் கொண்டு இருக்கிறது. ஆகையால், நம் வாசகி வேறு சில மனுக்களையும், நினைவூட்டல் மனுவையும் கொடுக்க வேண்டி இருந்தது.

அப்படி கொடுக்கப் போனால், முன்பு மனுவைப் பெற்றுக் கொண்டு, நகலில் ஒப்புதல் கொடுத்ததை போல, இப்போது கொடுக்க மறுக்கிறார்கள். அப்படி கொடுத்தால், கீழ்நிலை ஊழியர்கள் செய்து விட்ட தவறுகளுக்கு, நாம் பதில் சொல்ல வேண்டி இருக்கும் என்பது அவர்களது எண்ணம்.

சட்ட விரோதமான காரியங்களை செய்து விட்ட கீழ்நிலை ஊழியர்கள் மீது நடவடிக்கை எடுக்க பயம். நாம் நடவடிக்கை எடுக்கப் போய் அவர்கள் எல்லாம் நமக்கு எதிராக போராட ஆரம்பித்தால், நம் நிலை மிகவும் மோசமாகி விடும் என்பது ஐ.ஏ.எஸ் அடிமைகளாக உள்ள மேல்நிலை ஊழியர்கள்.

ஆமாம், ஐ.ஏ.எஸ், ஐ.பி.எஸ் ஆகிவிட்டால் அவர்களெல்லாம் பெரிய பருப்பு போல சட்டப்படி நினைத்ததை எல்லாம் செய்து விட முடியாது என்பதற்கு சகாயத்திற்கு எதிராக கிராம நிர்வாக ஊழியர்கள் போராடியதாக, அவரே சொன்ன வாக்குமூலமே நல்லதொரு சான்று.

ஆகையால், வாங்க மறுத்த நினைவூட்டல் மனுவை மின்னஞ்சலில் அனுப்பி வைக்க அறிவுறுத்தினோம். அதன்படியே அனுப்பி விட்டு, நேற்று (09-09-2019) நேரில் போனால் மாவட்ட ஆட்சியரே, ‘‘உங்களுக்கு யார் இப்படியெல்லாம் (கடமை, தற்காப்பு உரிமை, குற்றம்) சட்டப் பிரிவுகளைப் போட்டு மனு எழுதிக் கொடுக்கிறார்கள்’’ என்று அலருகிறாராம்! உடனே விசாரிக்க உத்தரவு போடுகிறேன் என்று சொல்லி இருக்காராம்!!

நானும் சட்டம் படிக்கிறேன். நான்தான் எழுதினேன் என்று நீதியைத்தேடி... நூலை எடுத்துக் காட்டியும் கூட நம்பவில்லையாம். ஆள் பாதி, ஆடை பாதி என்பது போல ஆடையையும், ஆளையும் பார்த்தாலே ஓரளவு முடிவு செய்து விடலாம் அல்லவா? அதான்!



பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Thursday, August 8, 2019

நீ வாழ, நீயே வாதாடு! - தன் வேலையை மீட்ட வாசக தொழிலாளி!!



உலகின் ஈடு இணையற்ற உழைப்பாளிகள் ஆன தொழிலாளர்கள், தொழிற்சங்க வியாதிகளை நம்பி இருக்காமல், சரியான சட்ட விழிப்பறிவுணர்வோடு உங்களை நீங்களே தற்காத்துக் கொள்ளுங்கள் என்பதை நீதியைத்தேடி... உள்ளிட்ட நூல்களில் ஆங்காங்கே வலியுறுதித்தி உள்ளதை காணலாம்.

இதற்கு ஏற்ப பல்வேறு தொழிலாளர்கள் தங்களின் சட்ட விழிப்பறிவுணர்வோடு சாதித்து வருகிறார்கள். இதில் வீண் பிரச்சினை ஏற்படுவதற்கு முன்பே, அதனை மிகவும் புத்திசாலித்தனமாக தடுத்து நிறுத்தியவர்களும் உண்டு என்பதற்கு, எங்களோடு பணி புரியும் ஒருவர் நிகழ்த்திய சாதனையைப் பற்றி, ஆட்சேபனையில் ஆரம்பித்து அடுத்தடுத்து அதிர்ச்சி தருவது எப்படி? என்ற கட்டுரையில் அறியலாம்.

தொழிலாளிகள் எப்படி சரியான சட்ட விழிப்பறிவுணர்வோடு இருக்க வேண்டும் என்பதற்கு ஓர் உண்மை!

இந்த வகையில் நாம் சட்டப்படி அரைகுறை நிறுவனம் என்று சொல்லும் போக்குவரத்து கலகத்தில் உள்ள நம் வாசகர் ஊழியர் ஒருவர், தன் வேலையை மீட்டெடுத்தது தொடர்பாக அனுப்பியுள்ள செய்தி இது!

*****************


ஐயா வணக்கம்.

நான் தமிழ்நாடு அரசு போக்குவரத்துக் கழகம் கும்பகோணம் கோட்டம், புதுக்கோட்டை மண்டலம், புதுக்கோட்டை நகர் கிளையில் ஓட்டுனராக பணியாற்றி வந்தேன்.

கடந்த 06-11-2018 அன்று ஏற்பட்ட விபத்தின் காரணமாக என்னால் ஓட்டுநர் பணி செய்ய இயலாமல் போனது.  நான் எனது நிர்வாகத்தில் எனது உடல் தகுதிக்கு உரிய பணி வேண்டிய போது அவர்கள் தர மறுத்து வந்தனர்.

நமது சட்ட நூல்களை படித்ததன் விளைவாக எனக்கு தெரிந்தவரை அவர்களுக்கு கடிதம் மூலமாக பணி கேட்டு வந்தேன். 

அதன்  காரணமாக அவர்கள் வேறு வழியின்றி என்னை மருத்துவ குழுவிற்கு சென்னை ராஜீவ்காந்தி அரசு மருத்துவமனை மருத்துவ குழுவிற்கு பரிசோதனைக்காக அனுப்பி வைத்தனர். 

அங்கு என்னைப் பரிசோதித்த மருத்துவர்கள் எனது உடல்தகுதியை பற்றி நிர்வாகத்திற்கு தெரிவித்தும் எனக்கு எனது உடல் தகுதிக்கு உரிய பணி வழங்க மறுத்து வந்தனர். 

இதனால் நான் தொழிலாளர் நல ஆணையர் சமரசம் அவர்களிடம் முறையிட்டு அதனை வழக்காக மாற்றி, சமரசம் செய்து வைக்கும் முயற்சியில் ஈடுபட்டனர். ஆனால் நிர்வாகம் வேலை தருகிறேன்; தருகிறேன் என்று கூறிக் கொண்டே இருந்ததே தவிர, வேலையும் தரவில்லை, ஊதியமும் தரவில்லை. 

நான் உடனடியாக எனது சமரச முடிவு அறிக்கையினை கொடுங்கள் எனக்கு இங்கு நீதி கிடைக்கவில்லை. நான் நீதிமன்றத்தில் முறையிட்டு நீதியினை பெற்றுக் கொள்கிறேன் என்று  கேட்டேன். 

அதைக் கேட்ட உடனே நிர்வாக தரப்பு அதிகாரி பதறிப் போய் அவருடைய உயரதிகாரியிடம் உடனடியாக அலைபேசியில் தொடர்பு கொண்டு வேலை தருவதாக கூறி அடுத்த வாய்தா வாங்கினார். 

தொழிலாளர் நல ஆணையரும் அடுத்த முறை வேலை வழங்க வில்லை என்றால் உங்களது கிளை மேலாளருக்கும், நிர்வாக இயக்குனருக்கும் சம்மன் அனுப்பி விடுவேன் என்று கூறினார். 

வேறுவழியின்றி தற்சமயம் எனக்கு காசாளர் பிரிவில் பணியினை நேற்று 06-08-2019 நாளன்று பணியில் சேர்ந்து பணி பார்த்து வருகிறேன். 

எனக்கு ஒரே ஒரு வருத்தம் தங்களது நூல்களில் தொழிலாளர்களுக்கு உண்டான பிரச்சனைகளுக்கு விரிவாக தீர்வு இருந்திருந்தால் நன்றாக இருந்திருக்கும்.




*****************

இதில் நாம் மிக முக்கியமாக கவனிக்க வேண்டியது இவ்வாசகர் கடிதம் மூலமே நிர்வாகத்திடம் நடவடிக்கை மேற்கொண்டது. 

இவரும் ஒரு தொழிற் சங்கவாதிதான் என்றும், தொழிற் சங்கவாதிகள் எப்படி நடந்து கொள்வார்களோ, அப்படித்தான் இவரும் நடந்து கொண்டார் என்ற குற்றச்சாற்றுகளும் நமக்கு வந்தது உண்டு. 

அனைவருக்கும் தேவையான அடிப்படை சட்ட விழிப்பறிவுணர்வுக்கான நூல்களை மட்டுமே ஆசிரியர் திரு. வாரண்ட் பாலா அவர்கள் எழுதி உள்ளார். இதெல்லாமே உச்சநீதிமன்ற நிதிபதிகளுக்கு கூட தெரியாதவை என்பதை, பொது அறிவுள்ள எவரும் படிக்கும் போதே உணர முடியும். 

பொதுவாக சட்டத்தை அனைவரும் புரிந்துக் கொள்ளும்படி சாதாரணமாக எழுதமாட்டார்கள். இதற்காக சொல்ல வேண்டியதை நேராக சொல்லாமல் சுத்தி சுத்தி சொல்லுவார்கள். ஏனெனில், முதலில் எழுதுபவர்களுக்கு புரிந்தால்தானே தெளிவாக எழுதுவதற்கும், சொல்லுவதற்கும் முடியும். 

இதனை சரியாகப் புரிந்து, எளிமையாக எடுத்து சொல்லி இருப்பது, யாருக்கும் இல்லாத ஆசிரியரின் தனித்திறன். 

இந்த எளிய அடிப்படை புரிதலோடு, உங்களின் பிரச்சினைக்கு தக்கவாறு சட்டத்தைப் படித்துக் கொள்ளுங்கள் என்றும், எப்படி பயன்படுத்தலாம் என்பதை சிந்தியுங்கள் என்றும் குறிப்பிட்டும் உள்ளார். 

மேலும், ஆசிரியர் அடிப்படை இல்லாத, ஆனால் வாழ்க்கைக்கு தேவையான அனைத்து விதமான திருணம் விவகாரம், தொழிலாளர் நலன், நுகர்வோர் பாதுகாப்பு, மனித உரிமை உள்ளிட்ட பல்வேறு விசயங்களையும் தேவையான அளவிற்கு, வழக்கு அனுபவங்களோடு எழுதியுள்ளார். இதைக் கொண்டு சாதிக்கத் துடிப்பவர்கள் சாதித்துக் கொண்டேதான் இருக்கிறார்கள் என்பதற்கு எத்தனையோ ஆதாரக் கட்டுரைகளை கொடுத்துள்ளோம்.

தொழிலாளர்களுக்கு ‘‘மநு வரையுங்கலை!’’ நூலில் மனுவை தவிர்த்து நிறையவே எழுதி இருக்கிறார். ஆனால், வாசகர்கள் நூல்களை சரியாகவும், முழுவதுமாகவும் படிப்பதில்லை என்பதற்கு இத்தொழிலாளி வாசகரும் ஓர் உண்மை!

இதே நேரத்தில் ஆசிரியர் சொன்னபடி ஓரளவேனும் முயன்றதன் விளைவாகத்தான், இவ்வாசகர் தன் வேலையை மீட்டெடுத்துள்ளார் என்பதையும் சொல்ல வேண்டியதில்லை. சிறு முயற்சிக்கே இவ்வளவு பலனென்றால், பெரும் முயற்சி செய்தால், ஆசிரியரைப்போல என்னென்னவோ சாதித்து இருக்கனும்; அவரைப் போல இன்னும் பலர் உருவாகி அனுபவ நூல்கள் பற்பல வந்திருக்கனும். 

ஆனால், உருவாகவில்லை; ஆகையால், வாசகர்கள் யாரும் நூல்களும்  எழுதவில்லை. காரணம், ஆசிரியருக்கு இருக்கும் பரந்த சிந்தனையும், பெரும் மனப்பான்மையும், கடமை உணர்வும், வாசகர்களுக்கு சிறிதும் இல்லை என்பதை தவிர, வேறென்ன இருக்க முடியும்?!

இப்படியெல்லாம் கூட, நிதிபதிகள் உள்ளிட்டோரை விமர்சித்து, சட்ட நூல்களை தைரியமாக எழுதி வெளியிட முடியுமா? அவர்களுக்கே கொடுக்க முடியுமா?? என்று பிரபல எழுத்தாளர்களும், சிந்தனையாளர்களுமே ஆச்சரியப் படுகிறார்கள். 

ஆனாலும், உலகத்தில் உள்ள ஒவ்வொருவரும், தங்களுக்கு வரும் பிரச்சினைகளுக்கு தீர்வு சொல்லும் நூலை தேடும் முட்டாள்களாகவே இருக்க விரும்புகிறார்கள் என்றே சொல்ல வேண்டி உள்ளது.  


பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Saturday, August 3, 2019

வேதங்களின் மொழி என்ன?



ரிக், யஸூர், ஸாம, அதர்வன வேதங்கள் எல்லாம் சமஸ்கிருதம் என்று சொல்லக் கூடிய வடமொழியில் இருப்பதாக நாம் எண்ணிக் கொண்டு இருக்கிறோம் அல்லவா? 

உண்மையில் வேதத்திற்கு மொழி என்பதே கிடையாது என்றால், உங்களுக்கு ஆச்சரியமட்டுமல்ல, அதிர்ச்சியாக கூட இருக்கும். 

ஆமாம், வேதம் என்பது முற்றிலும் ஒலி வடிவம் உடையதே; அதே ஒலி வடிவில் உச்சரிக்கப்பட வேண்டியதே!

ஆனால், இந்த விதியை மீறி முதன் முதலில் சமஸ்கிருதத்தை தாய்மொழியாக கொண்டவர்கள் தங்களின் வசதிக்காக வேதங்களின் ஒலி வடிவை தங்களின் தாய்மொழி சமஸ்கிருதத்தில் எழுதி கொண்டதால் வேதங்கள் எல்லாம் சமஸ்கிருதத்திலேயே எழுதப்பட்டுள்ளன என்ற தவறான செய்தி இன்று வரை பதிவாகி இருக்கிறது. அவ்வளவே!

இதனை விளக்கிச் சொன்னவர் திரு. இலங்கை ஜெயராஜ் அவர்கள். இவர் இலங்கை யாழ்ப்பாணத்தைச் சேர்ந்த நேர்மையாக சிந்திக்க கூடிய அறம் சார்ந்த ஆன்மீகச் சொற்பொழிவாளர்.

இவர் மாதந்தோரும் சென்னைக்கு வந்து, உயர் வள்ளுவம் என்ற தலைப்பில் திருக்குறளை வாழ்வியல் நெறியாக்க கற்பித்து வருகிறார். இதில் நூற்றுக் கணக்காணோர் கலந்துக் கொண்டு பயனடைந்து வருகின்றனர். 

இப்பவும் வேதம் என்பது ஒலி வடிவமே என்பதை நம்ப முடியவில்லையா? இந்த வீடியோவில் 8.50 நிமிடத்தில் கேட்டு அறியலாம்.

இன்று வேதத்தைச் சொல்பவர்கள் எல்லாம் சமஸ்கிருதத்தை படித்தவர்கள் அல்ல என்பதை தெளிவாகப் புரிந்துக் கொள்ளுங்கள்.

ஆமாம், நாம் எப்படி காயத்ரி மந்திரம் அல்லது எம்மொழியிலும் உள்ள திரைப்பட பாடலை ஒலி வடிவில் கேட்டுக் கேட்டு திரும்பப் பாடும் தகுதியைப் பெறுகிறோமோ அப்படியே அவர்களும் வேதங்களை ஒலி வடிவில் கேட்டுப் பேசுகிறார்கள், சொல்கிறார்கள்.

எனவே வேதங்களை அறிய முற்படுவது வடமொழி சமஸ்கிருதத்தை அறிவது ஆகாது. வடமொழி எதிர்ப்பு என்றப் பெயரில், எதிர்பாளர்களால் புனையப்பட்ட கட்டுக்கதை. அவ்வளவே!

குறிப்பு: இந்த ஆன்மீக சொற்பொழிவாளர் திரு. சதுர்வேதி அவர்கள் நம் நூல்களால் சட்ட விழிப்பறிவுணர்வை பெற்றவர்; தனக்கு எதிரான குற்றவியல் வழக்கில் தானே வாதாடியவர் என்பதோடு நமக்கு பல விதங்களில் உதவியுள்ளவர் ஆவார். 

இவரது காணொளிகளை பார்த்தால் இவர் ஒரு பன்மொழி புலமையாளர் என்பது விளங்கும்.

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Friday, August 2, 2019

ஆட்சேபனையில் ஆரம்பித்து அடுத்தடுத்து அதிர்ச்சி தருவது எப்படி?



சட்டப்படி நமக்கு கொடுக்கப்படும் எந்தவொரு காகிக தகவலையும் வாங்க மறுக்கக் கூடாது. அப்படி மறுப்பதே சட்ட விரோதமான செயல் என்பதால், அதனால் பாதகங்களே விளையும்.

ஆனால், மக்களின் பிரச்சினையை முதலீடாக வைத்து சட்ட விரோத தொழில் செய்யும் வக்கீழ்ப் பொய்யர்கள் வாங்க கூடாது என்றே சொல்லுவார்கள். மக்களும் இதனை நம்பி வாங்காமல் விட்டு, வழக்கு மூலம் அவ்வக்கீழுக்கு ஆயுள் முழுவதும்  பிழைப்பை தருவார்கள். 

ஆனால், நாமே படித்துப் பார்த்து, அதிலுள்ள சங்கதிகள் தவறாக இருந்தால் ஆட்சேபனையுடன் பெற்றுக் கொள்வதாக எழுதி கையொப்பமிட அறிவுறுத்துவோம். இப்படி செய்தால், பிரச்சினைக்கு முதலிலேயே முற்றுப்புள்ளி வைத்து விடலாம் என்பதற்கு பல சம்பவங்கள் குறித்து எழுதி உள்ளோம். இருந்தாலும், இது புதிது! 

ஆமாம், எங்களோடு வேலைபார்க்கும் ஊழியரும் நம் வாசகரும் கேர் சொசைட்டி அங்கத்தினரும் ஆன ஒருவருக்கு எங்களது கம்பெனி நிர்வாகம் தன்னிலை விளக்கம் கோரும் அறிவிப்பு ஒன்றை கொடுத்தது. 

இப்படி ஒன்று கொடுக்கப்பட்டால் அந்த ஊழியர்கள் நிர்வாகத்திடம் கெஞ்சுவார்கள் அல்லது தொழிற் சங்கப் பொறுப்பாளர்கள் உள்ளிட்டவர்களை துணைக்கு அழைப்பார்கள். 

அவர்களோ வருவதற்கு ரொம்பவே பிகு பண்ணுவார்கள். அப்படியே வந்தாலும் வர வேண்டியது நமது தொழிற்சங்க கடமை என்பதை மறந்து விட்டு வந்ததை அந்த ஆயுள் முழுவதும் சொல்லிக் காட்டுவார்கள். 

தொழிற்சங்க வியாதிகளைப் பற்றி, நீதியைத்தேடி... சட்ட அறிவுக்களஞ்சியம் மற்றும் கடமையைச் செய்! பலன் கிடைக்கும் ஆகிய நூல்களில் ஆசிரியர் திரு. வாரண்ட் பாலா விரிவாக எழுதி உள்ளார்.


இவர் தான் நம் வாசகர் ஆயிற்றே. இதுபோன்ற அறிவிப்பு அல்வா எதுவும் வராதா என அறிவுக்கு விருந்து படைக்க காத்திருப்பவர்கள் ஆயிற்றே!

ஆகையால் வாங்கிப் படித்துப் பார்த்தார். ஆட்சேபனையுடன் பெற்றுக் கொள்கிறேன் என்ற எழுதி கையொப்பம் போட்டு வாங்கி அவர்களுக்கு முதல் அதிர்ச்சியை தந்தார்!!

ஆமாம், எங்கள் தொழிற்சாலை தொழிலாளிகளில் இப்படி எழுதிப் பெறுவது இவரே முதல் நபர். சபாஷ்!

பின் அதற்கு சட்டப்படி என்ன பதில் கொடுக்க வேண்டுமே! அதையும் ஒரு வார கால அவகாசம் இருந்தும் அடுத்த நாளே கொடுத்து விட்டார்!!  

இப்படித்தான் நமக்கு கிடைக்கும் ஒவ்வொரு வாய்ப்பிலும் சட்டத்தைப் பயன்படுத்தி தனி முத்திரைப் பதிக்க ஆரம்பித்து விட்டால், சாதாரணப் பாமரனுக்கும் கூட சட்டப் புரிதல் சர்வ சாதாரண சங்கதியாகி விடும்.

மற்றத் தொழிலாளிகள் என்றால், பதில் கொடுக்க கூடுதல் கால அவகாசம் கேட்பார்கள். ஆகையால் இவரை நிர்வாகத்தால் ஒன்றும் செய்ய முடியவில்லை. 

இதுபற்றி நிர்வாகத் தரப்பு ஊழியர் ஒருவரிடம் கேட்ட போது... 

நாம் எல்லோருக்கும் சட்டம் சொல்லிக் கொடுப்பதால் அவர்கள் எதற்கும் பயப்படுவதில்லை எதையும் வாங்கத் தயங்குவதில்லை அதற்கு பதில் கொடுக்கவும் தயங்குவதில்லை. ஆகையால் அவர்களை பயமுறுத்த கூட முடியவில்லை என புலம்பினார்களாம்! 

நாம் தரும் ஆட்சேபனை அதிர்ச்சி முதல் அடுத்தடுத்து தரும் அதிர்ச்சி வரை எப்படி இருக்கு? 

முன்னதாக இவரிடம் அந்த அறிவிப்பை வழங்கவே நிர்வாகத்தினர் யோசித்திருக்கிறார்கள். ஆகையால் இவரை வேலை வாங்கும் மேல்நிலை ஊழியர்கள் ஆறு பேரிடம் கொடுக்க சொல்லி இருக்கிறார்கள். 

ஆனால் அவர்களோ அவர் வேலையில் சரியாக இருக்கிறார். உனக்கும் அவருக்கும் பிரச்சனை என்றால் (உள்ளே வரும்போதும், வெளியில் போகும் போதும் வருகையை மின்னனு எந்திரத்தில் பதிவு செய்வதில்) நீயே கொடுத்துக் கொள். வேலையில் என்றால் நாங்கள் கொடுத்து கொள்கிறோம் என்று கூறி விட்டார்களாம்! இது முற்றிலும் சரிதான்!!

இதனைக் கேட்டதும் நம் ஆசிரியர் நீதிமன்றத்திற்கு போனால், அன்று நிதிபதிகள் பயந்து விடுமுறை எடுத்து விடுவார்கள் என்று நூல்களில் எழுதியுள்ள காமெடிதான் நினைவுக்கு வந்தது. 

நம்முடைய நூல்களின் மூலம் சரியான சட்ட விழிப்பறிவுணர்வைப் பெற்றிருந்தால், அதிகார துஷ்பிரயோகிகள் கூட எவ்வளவு பயப்படுகிறார்கள் என்பது இதிலிருந்து புரிகிறதா?!

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

அறவழி நோட்டா

அறவழி நோட்டா
மகாத்மா போதித்த வாக்குரிமை!

நோட்டா: NOTA

நோட்டா: NOTA
விளக்கம்: EXPLANATION

நியாயந்தான் சட்டம்!

நியாயந்தான் சட்டம்!
வக்கற்றவர்களின் கீழான பட்டம்!

நூல்களின் முகப்பு

Follow by Email

Followers

முக்கியப் பக்கங்கள்

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு வாட்ஸ்அப் எண் 09842909190 ஆகும்.

எல்லாப் பதிவுகளும்!

நம் தள வகைகள்

பயின்றோர் (20-08-16)