சமூகத்தின் சட்ட விழிப்பறிவுணர்வுக்கான தளம்

நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Sunday, August 26, 2018

குற்றவாளிகளை உருவாக்கும் கூட்டுக்களவாணிகள்!




சரியான சட்ட அறிவைப் பெற வேண்டுமென நினைப்பவர்கள், இதுபோன்ற குற்றச் செய்திகளை, செய்திகளாகப் படிக்காமல், ஏன் நடந்தது என சிந்திக்க வேண்டும். ஆனால், யாருமே சிந்திக்க தயாராக இல்லை போலும்! 

ஆமாம், இந்த செய்தியோடு, வேறு எதையாவது தொடர்பு படுத்தி பார்க்க முடியுதா? என முகநூலில் சில நாட்களுக்கு முன்பு பதிவிட்டேன். ஆனால், ஏனோ யாருமே பதில் அளிக்கவில்லை. எப்படி சட்ட அறிவை வளர்த்துக் கொள்வார்கள் என்பது தெரியவில்லை.

அதாவது, ஆறு இலட்சம் மோசடி செய்தவர் மீது, சட்டப்படி முதல் தகவல் அறிக்கையைப் பதிவு செய்து, கைது செய்து சிறையில் அடைக்காமல், உயர்மட்ட காவலூழியர், கட்டப்பஞ்சாயத்து செய்து இருக்கிறார். 

இதுபோன்ற நிகழ்வுகளில், மோசடி செய்தவரின் பின் புலத்தில், உயர்மட்ட அரசூழியர்கள் யாரோ இருக்கிறார்கள் என்றும், இது அதிகபட்சம் காவலூழியர்களாகவே இருப்பார்கள் என்றுமே அனுமானிக்க வேண்டும்.

இதுபற்றி ‘‘மநு வரையுங்கலை!’’ நூலில், கோடிக் கணக்கில் சுருட்டிய குற்றச் சம்பவத்தோடு ஒப்பிட்டு நிகழ்ந்தவற்றை சொல்லி உள்ளேன். 

அதாவது, இந்த கோடிக்கணக்கான மோசடி குற்றத்தை குற்றவியல் நடவடிக்கை எடுத்து குற்றவாளிகளை தண்டிக்காமல், உயர்நீதிமன்ற சமரச தீர்வு மையத்தில் வைத்து கட்டப்பஞ்சாயத்து செய்தார்கள். ஆகையால், இதன் பின்புலத்தில், கூட்டுக்களவாணி நிதிபதிகள் இருக்கிறார்கள் என்று அனுமானிக்க வேண்டும். 

மேலே கண்ட செய்தியில் உள்ள ஆறு இலட்சத்தை இழந்த பாதிக்கப்பட்டவர்கள் மோசடி நபரை கடத்திச் சென்று நம் வழிக்கு வர வைத்தால்தான் உண்டு என்று முடிவெடுக்க வைத்து, சட்டப்படி தடுக்க வேண்டிய ஊழியர்களாலேயே திட்டமிட்டு குற்றவாளிகள் ஆக்கப்பட்டு உள்ளனர். 

இப்படித்தான் பல குற்றவாளிகள், வெவ்வேறு காரணங்களின் அடிப்படையில் உருவாக்கப் படுகின்றனர். சரியான அடிப்படை சட்ட விழிப்பறிவுணர்வு இல்லாததால் மக்கள் தங்களின் பொருட்களை இழப்பதோடு மட்டுமல்லாமல், திட்டமிட்டு குற்றவாளிகளாகவும் ஆக்கப்பட்டு, சீரழிக்கப்படுகின்றனர். 

இந்த செய்தியோடு ஒப்பிட்டு பார்க்க சொன்னது என்னவென்றால், ‘‘சுகப் பிரசவத்துக்கு ஹீலர் பாஸ்கர் ஐந்தாயிரம் கேட்டதாக ஒருவர் சொன்னதற்கே, அவர் மீது மோசடி வழக்கு போட்ட, அதே காவல்துறை காவலூழியர்கள்தான், உண்மையிலேயே ஆறு இலட்சத்தை மோசடி செய்தற்கு வழக்கு போடாமல், பாதிக்கப்பட்டவர்களை கடத்தல் குற்றம் புரியத் தூண்டி, அவர்களையை குற்றவாளிகள் ஆக்கி விட்டனர்’’. 

ஆமாம், வழக்கு போடக்கூடாத பாஸ்கர் மீது வழக்கு போட்டதுபோல, போட வேண்டியவர்கள் மீது போடாமல், போடக்கூடாதவர்கள் மீது போட காரணமாக காவலூழியர்கள் இருந்திருக்கிறார்கள்.

இதுபுரியாத முட்டாள்தான், ‘‘சட்டத்தில் ஆயிரத்தெட்டு ஓட்டை என்று தங்களின் அறிவில் உள்ள ஓட்டையை வெளிப்படுத்துவார்கள்’’.  

மேற்கண்ட செய்தியில் உள்ள குற்றம் சாற்றப்பட்டவர்கள் இந்த வகையில், வழக்கை எதிர்க் கொண்டால் காவலூழியர்களின் கூட்டுக்களவாணித் தனத்தை வெளிக் கொண்டு வரமுடியும் என்பதோடு, குற்றம் புரிய தூண்டியதாக காவலூழியர்களையும் சேர்த்து தண்டனைக்கு ஆளாக்க முடியும். 

இப்படி செய்தால்தான் இதுபோன்ற காவலூழியர்களின் திட்டமிட்ட குற்றவாளிகளை உருவாக்கத்தையும் தடுக்க முடியும். இந்த செய்தியைப் படிக்கும் எனக்கு இதெல்லாம் புரியும் போது, இதுபோன்ற வழக்குகளை நடத்தும் குற்றம் சாற்றப்பட்டவர்களது தரப்பு பொய்யர்கள், அரசுத் தரப்பு பொய்யர்கள் மற்றும் விசாரணை செய்யும் நிதிபதிகளுக்கெல்லாம் தெரியாதா? 

ஆனாலும், அவர்களும் கூட்டுக்களவாணிகள் தானே... ஆகையால், இதையெல்லாம் கேட்க மாட்டார்கள் என்பதால் தான்,  ‘‘குற்றவாளிகளை உருவாக்கும் கூட்டுக் களவாணிகள்!’’ என மிகப் பொருத்தமாக தலைப்பை கொடுத்து உள்ளேன்.

ஆமாம், இதுவரை இப்படி செய்யப்படவில்லை என்பதாலேயே இதுபோன்று, காவலூழியர்கள் உருவாக்கிக் கொண்டு இருக்கிறார்கள் என்பதற்கு இந்த செய்தியே ஆதாரம்.

எனவே, இந்த வழக்கில் சிக்கி உள்ளவர்களை, உங்களில் யாருக்கேனும் தெரிந்திருதால், இதை எல்லாம் எடுத்துச் சொல்லுங்கள். விரும்பினால், தேடிச் சென்று கூட சொல்லி உதவுங்கள். 

ஆனால், சட்ட விரோத தொழில் செய்யும் பொய்யர்கள் தங்களின் வழக்கு வருமானத்துக்காக சட்டப்படி செய்ய வேண்டிய இதையெல்லாம் செய்யவே மாட்டார்கள்.

மொத்தத்தில், சட்டப்படி நடக்க வேண்டிய அரசூழியர்கள், காவலூழியர்கள், அரசுப் பொய்யர்கள், பொய்யர்கள் நிதிபதிகள் என எல்லோருமே கூட்டுக் களவாணிகள்தான். 

இவர்களை எல்லாம் சட்டப்படி சந்திக்க, ஒவ்வொருவருக்கும் அடிப்படை சட்ட விழிப்பறிவுணர்வு மிக அவசியம் என்பதோடு, அவரவர்களே வாதாடுவது மிகமிக அவசியம்.

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Thursday, August 9, 2018

நீங்க எவ்வளவு பெரிய அறிவாளி?!



நீங்க எதில் எவ்வளவு பெரிய அறிவாளியாக இருந்தாலும், அதில் எவ்வளவுதான் (உணர், புர)ச்சிகரமான வேலையைச் செய்தாலும் உங்களின் மூளையை முடக்கி ஒரு மூலையில் உட்கார வைக்க முடியும்.

ஆமாம், இதற்கு ஒரேயொரு பொய்யான குற்றவியல் வழக்கை தொடுத்தாலே போதும். மெய்யான வழக்கெல்லாம் தேவையே இல்லை. எவ்வளவு பெரிய அறிவாளியாக இருந்தாலும், அனைத்தும் வீணாகி, சட்டந் தெரியாத அறிவிலி ஆகி விட்டோமே என வருந்துவீர்கள். 

எனவே, உங்கள் வேலைகளை சற்றே ஒதுக்கி வைத்து விட்டு, சட்ட விழிப்பறிவுணர்வே பிரதானம் என்பதை உணர்ந்து அதனை அடைய முயற்சி செய்யுங்கள்.

இதனை அடைந்து விட்டால், எதை செய்ய வேண்டும்... எதை செய்யக்கூடாது என்ற தெளிவான முடிவுக்கு வந்து விடலாம். 

இதையும் மீறி சட்டப் பிரச்சினைகள் வந்தால், அதனை நியாயத்தின் வழியில் எளிதில் (ச, சி)ந்தித்து தவிடு பொடி ஆக்கலாம். 

மேலும், நீங்கள் அடைந்தால் மட்டும் போதாது. உங்களைச் சார்ந்து இயங்குபவர்களும் அடைய வேண்டும். இல்லையேல், உங்களை முடக்க அவர்களை முடக்குவார்கள். உங்களை முடக்கி விட்டால், அவர்களே முடங்கி விடுவார்கள். 

இதெல்லாம் புரியாமல், பலபேர் நாமே பெரிய அறிவாளி என்ற எண்ணத்தில், எதாவது செய்யப் போய் சொந்த செலவில் சூனியம் வைத்துக் கொண்ட கதையாக பொதுத்தளங்களில் புலம்புகிறார்கள். 

இவர்களின் புலம்பல், புறம்போக்கு தனமான செயல்களை செய்பவர்களை மீண்டும் மீண்டும் செய்ய ஊக்குவிப்பதோடு, நல்ல செயல்களை செய்ய வேண்டுமென நினைப்பவர்களுக்கு அச்சத்தை ஏற்படுத்துகிறது. 

எனவே, அடிப்படை சட்ட விழிப்பறிவுணர்வு இல்லாத எவராக இருந்தாலும், மற்றதில் எவ்வளவு அறிவாளியாக இருந்தாலும்  (அனைத்தையும் மூடிக்கொண்டு) சும்மா இருப்பதே சமூகத்திற்கு செய்யும் பெரிய நன்மை!

எழுதப்படிக்க தெரியாதவர்கள் கூட, அடிப்படை கணக்கை தெரிந்து வைத்திருக்கிறார்கள். காரணம், தெரியவில்லை என்றால், ஏமாற்றி விடுவார்கள்; தினந்தினம் ஏமாந்து வாழ்வையே இழந்து விடுவோம் என்பதே!

இதுபோலத்தான், பாமரர்கள் முதல் படித்தவர்கள் வரை அடிப்படை சட்டத்தையும் தெரிந்து வைத்திருக்க வேண்டியது அவசியமாகி விட்டது. இதனை நேற்று உணராதவர்கள் இன்று உணர்ந்ததைப் போல, இன்று உணராதவர்கள் நாளை நிச்சயம் உணர்வீர்கள். 

சரி, சட்ட விழிப்பறிவுணர்வைப் பெறுவது என்று முடிவெடுத்து விட்டால், அதனை இளைஞர் என்ற பருவம் தொடங்கும் போது பெற்றுவிட்டால் மிகவும் நல்லது. அந்த வயதில் பெற முடியாமல் போனால், இளைஞர் பருவம் முடிவதற்கு உள்ளாக பெற்று விட வேண்டும். இதுவே சரியான பருவம். இல்லையேல், கடினம். 

ஆமாம்,  உங்கள் விருப்பப்படி சுகப் பிரசவத்தில் குழந்தையை பெறுவது கூட கடினம். எனவே தற்சார்பு வாழ்க்கை வாழத் தேவையான சட்ட விழிப்பறிவுணர்வைப் பெற்றால்தான், திருமணம் செய்து கொள்வேன் என்ற நிலைப்பாட்டுக்கு இருபால் இனத்தவரும் வந்து விட்டால், எல்லாமே சாத்தியமாகி விடும். 

மேலும், இது மட்டுமே உங்களது வாழ்க்கைக்கு மிகுந்தப் பயனை அளிக்கும் என்பதை உறுதியாகச் சொல்ல முடியும். ஏனெனில், உங்களது குடும்பத்து பெரியவர்கள் மீது வம்பு வழக்கு எதுவும் இருந்தால் வாரிசு உரிமை அடிப்படையில், எளிதில் தீர்க்க முடியும். இல்லையெனில், அவர்களைப் போலவே தடுமாறி, தடம் மாறி, தடமே இல்லாத நிலையும் உருவாகி விடும்.

சரி, இதெல்லாம் ஒருபுறம் இருக்கட்டும்.

பொய் வழக்கில் எதிர்ப்பாராத விதமாக கைது செய்யப்பட்டால், அதனை சட்டப்படி மிகவும் திறமையாக எதிர்க் கொண்டு கைது செய்த காவலூழியர்களையும், நிதிபதிகளையும் கலங் கடிப்பது எப்படி என்பதைப் பற்றி அறிய விரும்புகிறீர்களா?! 



ஆம் எனில், ‘‘கடமையைச் செய்! பலன் கிடைக்கும்’’ நூலில் 210 ஆம் பக்கத்தில் உள்ள, ‘‘நிதிபதிகளை வறுத்தெடுப்பது எப்படி?’’ என்ற கட்டுரையைப் படிக்கவும். ஏன் தெரியுமா?

நம் அப்பாவி வாசகர் ஒருவரை ‘‘காவலூழியர்கள் பொய் வழக்கில் கைது செய்ய, அவர் நிதிபதியையே எப்படியெல்லாம் கதிகலங்க வைத்தார்’’ என்பதை விளக்கிச் சொல்லி உள்ளேன்.

இது அவசரத்துக்காக சொல்லும் வழிகாட்டுதல் மட்டுமே. முழுமையான சட்ட விழிப்பறிவுணர்வைப் பெற்றால்தான் மிகவும் நல்லது என்பதையும் எச்சரித்துக் கொள்கிறேன்.

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Tuesday, August 7, 2018

கடமையைச் செய்! சமூக அவலங்கள் சமாதியாகும்!!




பொதுவாக தங்களுக்கு உள்ள ஒரு பிரச்சினை தீர்த்துக் கொள்வதற்கு வழி கேட்டு நடையாய் நடப்பார்கள். பிரச்சினை தீர்ந்து விட்டால், கண்டு கொள்ள மாட்டார்கள். கண்டு கொள்ள வேண்டும் என்ற அவசியம் கூட இல்லை. 

ஆனால், பிரச்சினை தீர்ந்ததைக்கூட நமக்கு சொல்ல மாட்டார்கள். சட்டம், மருத்துவம் உள்ளிட்ட எல்லாவற்றிலுமே இதே நிலைதான். இதற்கு முக்கிய காரணம், அப்படி தீர்த்துக் கொண்டவர்களது சமூகத்தைப் பற்றிய அக்கறை இன்மையும், அலட்சியமும், சுயநலமுமே!

ஆமாம், வெகுசிலர் மட்டும், தங்களது பிரச்சினை என்ன என்பதை வெளியில் சொல்லவே தயங்குவார்கள். ஆனால், இவர்கள் பிரச்சினை என்ன, அதற்கான ஆதாரங்கள் என்ன என்பதை திரட்டி நாமே செய்தி வெளியிட முடியும். ஆனால், அதில் அவர்களே சொல்வது போன்ற  நம்பகத்தன்மை இருக்காது. 

பொது நோக்கத்திற்காக, இப்படி நாம் திரட்டியோ அல்லது நம்மிடம் கேட்ட ஆலோசனையின் அடிப்படையிலோ வெளியிட்டு விட்டால், அது அவர்களுக்கு தன்மானப் பிரச்சினை என்று கருதி, நம்மோடே மல்லுக்கு நிற்க ஆரம்பித்து விடுவார்கள்.

பகிரங்க மன்னிப்பு கேட்கவில்லை என்றால், வழக்கு போடுவேன் என்று கூட மிரட்டல் விடுப்பார்கள். 

இப்படி மல்லுக்கு நிற்பது, மிரட்டல் விடுப்பது எல்லாம் ‘‘வரங் கொடுத்தவன் தலையில் கை வைப்பது போன்றது’’ என்பதால், அது இயலாத காரியம்.

ஆகையால், அவர்களைப் பற்றி தங்களுக்கு தெரிந்த அதாவது தான் பின்பற்றும் கேவலமான வழி முறைகளில் எல்லாம் அவதூறு செய்ய ஆரம்பிப்பார்கள்.  

இப்படிப் பட்டவர்களைப் போல் இல்லாமல், ‘‘தன் பிரச்சினையை தீர்த்துக் கொண்ட வழியில் மக்களும் தீர்த்துக் கொள்ள வேண்டும் என்ற சமூகப் பொறுப்புணர்வோடு அவர்கள் வழிகாட்டுவதால் தானே நாம் பலனை அடைந்தோம்’’ என்ற நற்சிந்தனை மட்டும் மக்களுக்கு இருந்து விட்டால் சமூக அவலங்கள் எல்லாமே சமாதியாகி விடும்.

ஆனால், இப்படியொரு நற்சிந்தனையோடு மக்கள் செய்ய முன்வருவதே இல்லை என்பதும், சமூக அவலங்கள் தொடர காரணமாக இருக்கிறது.

ஆமாம், இதற்கு என்னுடைய அனுபவங்களே போதும். ஆனால், இன்றைய நிலையில் இதற்கு நல்லதொரு உண்மையைச் சொல்ல வேண்டுமானால், ஹீலர் பாஸ்கரின் வழிகாட்டுதலால் தங்களின் பிரச்சினைகளை தீர்த்துக் கொண்டோர் பலரும், அதுபற்றி உலகலாவிய மக்களுக்கு தெரியும் வகையில் பொதுவெளியில் பரப்பவில்லை.

விதி விலக்காக விரல்விட்டு எண்ணக்கூடிய சிலர் பொது வெளியில் பரப்பி இருக்கலாம். இன்னுஞ் சிலர் தங்களுக்கு தெரிந்தவர்களுக்கு மட்டும் சொல்லி இருக்கலாம்.

ஆனால், ஹீலர் பாஸ்கர் கைது செய்யப்பட்ட பின்பு, பலரும் தாங்கள் அடைந்த பயனை காணொலியாக வெளியிட்டு வருகிறார்கள். இப்படி இதுவரை வெளியிடப்பட்டுள்ள நூற்றி ஐம்பதுக்கும் மேற்பட்ட காணொலிகளை, இந்த இணைப்பில் சொடுக்கிப் பார்க்கலாம்.

நான் முன்பே சொன்னது போல, இவர்களும் முன்பே வெளியிட்டு இருந்தால், இப்போது வெளியிட தேவையே இல்லையே!

இப்படி வெளிவர வேண்டும்; இதுபற்றி தெரியாத மக்களுக்கும் தெரிய வேண்டும் என்ற காலத்தின் கட்டாயத்தினாலே, ஹீலர் பாஸ்கரின் கைது நடந்து உள்ளதோ என்றே நம்ப வேண்டி இருக்கிறது. இது எனது நம்பிக்கை மட்டுமல்ல; பலரின் நம்பிக்கையாகவே இருக்கிறது என்பதால், இதையும் பதிவு செய்கிறேன்.

சரிங்க, இதுபற்றி எங்களை குற்றங்குறை சொல்லும் நீங்க என்ன செஞ்சிருக்கிங்க என்ற கேள்வி உங்களுக்கு கட்டாயம் வந்திருக்க வேண்டும். வரவில்லை என்றாலும், நானே கேள்வியை கேட்டு பதில் சொல்வதுதான் நியாயமானது என்பதால் சொல்கிறேன்.

ஆமாம், 2014 ஆம் ஆண்டில் எழுதி வெளியிட்ட  ‘‘கடமையைச் செய்! பலன் கிடைக்கும்’’ என்ற என்னுடைய ஆறாவது நூலில், ‘‘கடமையாளர்கள் ஒரு சிறப்பு ஆய்வுக் கோர்வை’’ என்ற இரண்டாவது அத்தியாயத்தில், சமூகத்திற்கு உழைத்துக் கொண்டிருக்கும் பத்து கடமையாளர்களைப் பற்றி எழுதி உள்ளேன்.

இதில், ‘‘உடலில் ஓர் அகழ்வாராய்ச்சி’’ என்ற தலைப்பில் ஹீலர் பாஸ்கரைப் பற்றி எழுதியுள்ளேன்.

கடமையைச் செய்! பலன் கிடைக்கும் நூலில் கடமையாளர்களைப் பற்றி சொல்லி உள்ளது மட்டுமல்ல; ஒரு நாணயத்தின் இரண்டு பக்கத்தைப் போல, கடமைக்கு எதிரான கயமையாளர்களை எல்லா நூல்களிலும் தோலுரித்து அடையாளங் காட்டி உள்ளேன்.

எனவே, சமூக அவலங்கள் சமாதியாக வேண்டுமெனில், அதற்கென கடமையாற்றும் கடமையாளர்களும், கயமையாளர்களும் பொது மக்களால் ஆடையாளங் காணப்பட வேண்டும்.

இதற்கு, அக்கடமையாளர்களால் பலனடைந்தவர்கள் தாங்கள் அடைந்தப் பலன்களைப் பற்றி பொது மக்களுக்கு பல்வேறு வழிவகைகளில், சமூக வலைத்தளங்களில் கட்டாயம் பகிரும் பழக்கத்தை ஏற்படுத்திக் கொள்ள வேண்டும்.

இதுபோலவே, கயமையாளர்களால் அடைந்த பாதிப்புகளையும் பகிர வேண்டும். அப்போதுதான், அவர்களும் கடமையைச் செய்ய முன்வருவார்கள். இல்லையேல், கயமையை செய்யாமல் ஒதுங்கி விடுவார்கள்.

இதுபோன்ற செய்கைகளால்தான், சமூக அவலங்கள் சமாதியாகும். அவ்வளவே!  

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Monday, August 6, 2018

ஹீலர் பாஸ்கர் அதிர்ஷ்டசாலி!



பொதுவாக சிறை என்றாலே அது போகக் கூடாத இடம் என்ற எண்ணமே பரவலாக இருக்கிறது. ஆனால், இந்த எண்ணம் உண்மையான சமூகப் போராளிகளுக்கு இருக்காது. இருக்கவும் கூடாது. அப்படி இருந்தால், அவர்கள் போராளியே அல்ல. 

ஆம், இந்த உலகத்தில் நாம் நினைக்கும் இடங்களுக்கு எல்லாம், அதற்கான வசதி இருந்தால் செல்ல முடியும். 

ஆனால், நாம் நினைத்தாலும் செல்ல முடியாத ஒரு இடம் இருக்கிறது என்றால், அது சிறைதான்! அதனால்தான் சொல்கிறேன், ஜெயிலுக்கு போகவும் அதிர்ஷ்டம் வேண்டும்!!

அதனால்தான், ‘‘நீதியைத்தேடி... பிணை (ஜாமீன்) எடுப்பது எப்படி?’’ நூலின் தத்துவமாக, ‘‘நீதிமன்றத்தில் வாதாடி பிணையில் வருவது மட்டுமல்ல; சிறைக்குள் செல்வதும் சாதனைதான்’’ என்ற தத்துவத்தை முன்மொழிந்து உள்ளேன். எனக்கு தெரியவே இந்தத் தத்துவம் பல பேரை சிந்திக்க வைத்திருக்கிறது. 

உடனே சிறைக்கு போவதெல்லாம் அதிர்ஷ்டமா, ஒரு குற்றம் புரிந்தால் உடனே போய் விடலாமே என நினைத்தால் அது தவறு. குற்றம் புரியாமல் சிறைக்கு செல்வதற்குதான் அதிர்ஷ்டம் வேண்டும். குற்றம் புரிந்து விட்டு செல்வது துரதிருஷ்டம். இந்த துரதிருஷ்டத்தை தான் விரும்பக் கூடாது.

நம் விடுதலைப் போராட்ட விரர்கள் அனைவரும், மக்களுக்கு விடுதலை வேண்டும் என்பதற்காக சிறைக்கு சென்றார்கள். 

பெருமையாக பேசப்பட வேண்டிய இச்செய்திகளை  நமக்கு பயத்தை உண்டாக்க வேண்டும் என்பதற்காகவே திட்டமிட்டு எதிர்மறை வரலாறாக திரித்து எழுதி வைத்து உள்ளார்கள். 

இந்தியாவின் மீது நம்பிக்கை இழக்காமல் 17 முறை போர் தொடுத்தான் என்று சொல்லும் வரலாறு, அப்படி போர் தொடுத்தவனுக்கு நம்மாளுங்க 16 முறை ஆப்படித்து அனுப்பினார்கள் என்ற பெருமையை சொல்லாதது போல்தான் சிறையைப் பற்றியதும் திரித்து சொல்லப் படுகிறது.



இதற்குப் பிறகு ஹீலர் பாஸ்கருக்கு சிறை செல்லும் வாய்ப்பு கிடைக்கவே கிடைக்காது என்பதே என் கணிப்பு. 

ஆகையால், கிடைத்துள்ள இந்த அரிய வாய்ப்பை நன்றாக பயன்படுத்தி சிறையில் உள்ள கைதிகளுக்கு இருக்கக்கூடிய பல்வேறு உடல் நலக் குறைபாடுகள், மனநல கோளாறுகளுக்கு தீர்வு தந்து விட்டு, பிணையில் வரவேண்டும் என அவரே நினைக்கும் போது வெளியில் வரட்டும்.

அவரே நினைத்தாலும், சட்டப்படி அறுபது நாட்களுக்கு மேல் விசாரணை காலத்தில் சிறையில் இருக்க முடியாது. இதுபற்றி எல்லாம் தெளிடைய விரும்புபவர்கள் நான் இரண்டாவது நூலாக எழுதியுள்ள நீதியைத்தேடி... பிணை (ஜாமீன்) எடுப்பது எப்படி? நூலைப் படித்து தெளிவடைக.

மற்றபடி, ஹீலர் பாஸ்கருக்கு ஆதரவு தருகிறேன் என்றப் பெயரில் அவரவர் இஷ்டம்போல் எதையாவது வீணாக செய்து, அவருக்கு அவப்பெயராக அமையும்படி  எதையும் செய்து விடாதீர்கள்.

ஆமாம், ஹீலர் பாஸ்கரின் மீதுள்ள அன்பால், உணர்ச்சி வசப்பட்ட நிலையில், சரியான சட்ட விழிப்பறிவுணர்வு இல்லாமல், ‘நீங்கள் செய்யும் காரியங்கள், மீம்ஸ் உள்ளிட்ட பதிவிடும் பதிவுகள், பகிரும் பதிவுகள்’ ஆகியவை தேவையில்லாத சட்டப் பிரச்சினைகளை உண்டாக்கி விடும். இதற்காகவே காத்திருப்பார்கள். எச்சரிக்கை!

நேரம்: 17-10

குறிப்பு: கடைசி இரண்டு பத்தியை என்னுடைய அனுமானத்தின் பேரிலேயே எழுதினேன். இதையே இன்று சிறையில் சந்தித்த நபர்களிடமும் ஹீலர் பாஸ்கர் சொல்லி அனுப்பி உள்ளார்.

ஒத்த சிந்தனையில் உள்ளவர்கள் இப்படித்தான் ஒரே மாதிரியாக சிந்திப்பார்கள் என்பதால், இதில் ஆச்சரிப்பட ஒன்றுமில்லை. 

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Follow by Email

Followers

முக்கியப் பக்கங்கள்

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு வாட்ஸ்அப் எண் 09842909190 ஆகும்.

எல்லாப் பதிவுகளும்!

நம் தள வகைகள்

பயின்றோர் (20-08-16)