சமூகத்தின் சட்ட விழிப்பறிவுணர்வுக்கான தளம்

நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Sunday, May 20, 2018

நீதியைத்தேடி... கட்டுரைகளை மின்னஞ்சலில் பெற விருப்பமா?!



சட்ட விழிப்பறிவுணர்வைப் பெற விரும்புவோருக்கு என்று நாங்கள் வாட்ஸ்அப் குழு எதையும் உருவாக்க வில்லை. விரும்பினால், நீதியைத்தேடி... இணையப் பக்கத்தில் அவ்வப்போது வெளியிடப்படும் கட்டுரைகளை உங்களுடைய மின்னஞ்லுக்கு பெற முடியும்.

ஆமாம், சமூகத்தின் சட்ட விழிப்பறிவுணர்வுக்கான நீதியைத்தேடி... இணையப் பக்கத்தில் சமூக மற்றும் சட்டஞ் சார்ந்த கட்டுரைகள் மட்டுமல்லாமல் பல்வேறு விதமான கட்டுரைகளும் வெளியிடப்படுகின்றன. 

சூழ்நிலைக்கு தக்கவாறு அல்லது வாசகர்கள் கேட்ட கேள்விக்கு தக்கவாறு இந்தக் கட்டுரைகளின் இணையப்பக்க முகவரி இணைப்பை (யுஆர்எல்) முகநூல் உள்ளிட்டவைகளில் பதிவு செய்தால், அந்த இணைப்பைப் சொடுக்கி படிக்க வேண்டும் என்பது கூட பலருக்கு தெரிவதில்லை.

ஆமாம், இது கூடவா தெரியாமல் இருப்பார்கள் என்ற சந்தேகத்தில் 14-05-2018 அன்று முகநூலில் ஒரு பதிவை பதிவு செய்தேன். அதில் ‘பதிவு செய்யத் தெரியாதவர்கள் அல்லது பதிவு செய்வதில் பிரச்சினை இருக்கிறது என்பவர்கள் மட்டும் மின்னஞ்சல் முகவரியை உள்பெட்டிக்கு செய்தியாக அனுப்புங்கள்’’ என சொல்லி இருந்தேன். 

ஆனால், என்னுடைய தொடர் வழிகாட்டுதலில் ஒருவர் மட்டுமே பதிவு செய்துக் கொள்ள முடிந்ததே தவிர, மற்றவர்கள் எல்லாம் அவரவர்களது மின்னஞ்சல் முகவரியை பதிவு செய்து தரக்கோரி பின்னூட்டமாக கொடுத்து விட்டனர்.  

இப்படி கொடுத்தவர்களின் எண்ணிக்கை சுமார் 49 பேர். ஆனால், நான் நினைத்ததோ, இரண்டு மூன்று பேர் மட்டுந்தான். இதில் பலருக்கு தங்களுடைய மின்னஞ்சல் முகவரியில் சிறிய எழுத்து, பெரிய எழுத்து ஆகியவற்றை கூட சரியாக பதிவிடத் தெரியவில்லை என்பது கொடுமை.

இவர்கள் ஒவ்வொருவரும் தங்களுடைய மின்னஞ்சல் முகவரியைக் கொடுத்து பதிவு செய்ய சிரமப்படுகிறார்கள் என்றால், இவர்களுக்கெல்லாம் செய்துதர நான் எவ்வளவு சிரமப்பட வேண்டும்? என்ற சுய சிந்தனை இல்லாமல் போனதேன்?? என்ற இயல்பான கேள்வியை தவிர்க்க முடியவில்லை.  

ஆனாலும், ஒவ்வொன்றாக சுமார் இருபதுக்கும் மேற்பட்டவர்களுடைய மின்னஞ்சலை கொடுத்து பதிவு செய்தேன்.  ஆனால், இதற்கு அடுத்ததாக அவரவர்களும் என்ன செய்ய வேண்டும் என்பது தெரியாததால், அப்படியே விட்டு விட்டார்கள் போலும்! 

எனவேதான், இதனை பதிவு செய்வது எப்படி என்பது பற்றி அடிப்படையில் இருந்து விவரிக்கும் இந்தப் பதிவை பலருக்கும் பயன்படும் என்ற வகையில் பதிவு செய்கிறேன்.  

இதேபோலவே, நீதியைத்தேடி... இணையப் பக்கத்தில் தங்களின் மின்னஞ்சல் முகவரியை கொடுத்து விட்டால் பதிவிடப்படும் ஒவ்வொரு கட்டுரையும், அவரவர்களது மின்னஞ்சலுக்கே வந்து விடும் என்பதும், ஓய்வு நேரத்தில் பொறுமையாக படித்துக் கொள்ளலாம், சேமித்தும் வைத்துக் கொள்ளலாம் என்பதும் தெரியவில்லை. இம்மின்னஞ்சலை யாருக்கேனும் அனுப்ப விரும்பினாலும் அனுப்பலாம்.

எனவே நீதியைத்தேடி... பதிவுகளைப் பெற விரும்புவோர் முதலில் நீதியைத்தேடி... தளத்தில் இந்த முகப்புப் பக்கத்திற்கோ அல்லது வேறு ஏதோவொரு பக்கத்திற்கோ செல்க.  


அங்கு மேலே என்னுடைய மின்னஞ்சல் முகவரியை கொடுத்திருக்கும் இடத்தில், உங்களுடைய மின்னஞ்சல் முகவரியை கொடுத்து, Submit என்பதை அழுத்தினால், கீழே கண்டபடி ஒரு சிறியதும், புதியதுமான பக்கம் ஒன்று திறக்கும்.


இதில் நீங்கள் இயந்திரம் இல்லை; மனிதர்தான் என்பதை தெளிவுபடுத்தும் வகையில் I'm not a robot என்ற பகுதியில் சொடுக்கினால் டிக் மார்க் விழும். இதன் பிறகு இதற்கும் கீழேயுள்ள, "Complete Subscription Request" என்பதை அழுத்தினால் கீழேயுள்ளபடி செய்தி ஒன்று தோன்றும்.


இதில் "Close Window" என்பதை சொடுக்கினால், இந்தத்திரை மூடிக்கொள்ளும். இதன் பின் உங்களது மின்னஞ்சலை திறக்க வேண்டும். அதில் கீழே உள்ளபடியான செய்தி ஒன்று வந்திருக்கும்.


இதில் கட்டமிட்டு காட்டப்பட்டு உள்ளபடி ஒரு இணையப் பக்க முகவரி இணைப்பு இருக்கும். அதனை சொடுக்கினால் கீழேகண்டபடியான உறுதிச் செய்தி கிடைக்கும்.


இந்தச் செய்தியின் மூலம், நீங்கள் நீதியைத்தேடி... தளத்தில் உறுப்பினராகி விட்டீர்கள். ஆகையால், இந்த நேரத்தில் இருந்து, பதிவிடப்படும் எதுவும் உங்களுடைய மின்னஞ்சலுக்கு தானாகவே வந்து சேரும் என்பதை அறிந்து கொள்ளலாம்.

இதனை மேலும் உறுதி செய்து கொள்ள விரும்பினால், மீண்டும் நீதியைத்தேடி... தளத்தின் ஏதோவொரு பக்கத்தை திறந்தால், நீங்கள் முதலில் மின்னஞ்சல் முகவரியை பதிவிட்ட பகுதியின் கீழ், உங்களுடைய மின்னஞ்சலுக்கு என்று நீங்கள் வைத்துள்ள முகப்புப் படம் முதல் நபராக தோன்றும்.

உங்களுக்கு முன்பாக சேர்ந்தவர்கள் என அடுத்தடுத்து பதினான்கு பேரின் படம் மட்டுமே வெளியில் தெரியும். மற்றவர்களின் படம் மறைந்து விடும்.

மேலும் உறுதி செய்ய விரும்பினால், ஏற்கெனவே சேர்ந்து உள்ளவர்களின் படங்களுக்கு கீழே உள்ள "Follow"  என்பதை அழுத்தினாலும், உங்களது பெயர் பதிவு செய்யப்பட்டு விட்டது என்பதை தெரிவிக்கும். அவ்வளவே!

இது தகவல் தொழில் நுட்ப காலம் என்பதால், எதையும் உலாப்பேசியிலேயே செய்யலாம் என நினைக்கிறார்கள். உலாப்பேசியில் இதனை சரியாக செய்ய முடியுமா என்பதை நான் சோதிக்கவில்லை. இதனை கணினி அல்லது மடிக்கணினி வழியாக எளிதில் செய்ய முடியும்.

மின்னஞ்சல் மூலம் பதிவுகள் வராமல் தடுக்க, நீதியைத்தேடி... தளத்தில் இருந்து உங்களுடைய மின்னஞ்சலுக்கு வரும் ஒவ்வொரு மின்னஞ்சலின் இறுதியில் வரும் "To stop receiving these emails, you may unsubscribe now" என்பதை சொடுக்கி வெளியேறி விடலாம்.

முக்கிய குறிப்பு: இது நீதியைத்தேடி... தளத்துக்கு மட்டுமல்ல; இப்படி வேறு எந்தவொரு இணையப் பக்கத்தில் இருந்து பதிவுகளைப் பெற விரும்பினாலும், இதுதான் வழிமுறை. பதிவு செய்துக் கொள்ளுங்கள்.

பிற்சேர்க்கை நாள் 21-05-2018 

இவ்வளவு விளக்கமாக எழுதிய பின்னருங்கூட, ஓரிருவரைத் தவிர பலரால் தங்களின் மின்னஞ்சலை பதிவு செய்துக் கொள்ள முடியவில்லை என்பதை அறிந்தேன். மேலும், இருவர் தங்களின் மின்னஞ்சல் முகவரியை நானே சேர்க்க வேண்டும் என்பதுபோல, இந்த கட்டுரையின் பின்னூட்டத்தில் பதிவு செய்திருப்பதையும் பார்க்கலாம்.

எனவே, வழக்கம் போலவே எனது ஆராய்ச்சி புத்தியானது வேறு எளிய வழி எதுவும் இருக்கிறதா என ஆராயத் தொடங்கியதில், கை மேல் பலனும் கிடைத்தது.

ஆமாம், இதற்கு முன்பாக சொன்ன எதையுமே செய்யாமல், ஏற்கெனவே சேர்ந்து உள்ளவர்களின் படங்களுக்கு கீழே உள்ள "Follow"  என்பதை அழுத்தினால் கீழேயுள்ள படத்தில் உள்ளபடி தகவல் கிடைக்கிறது.


இதில் "Follow" என்பதை அழுத்தினால் நம்முடைய மின்னஞ்சலை சேர்த்து விடுகிறது. சேர்த்தால் என்ன நடக்கும் என்பதையும் சொல்கிறது. இதெல்லாம், சொந்த கணினியில் செய்தது என்பது நினைவிருக்கட்டும். நீங்களும் செய்து பார்த்து விட்டு கருத்தை சொல்லுங்கள். 
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Thursday, May 17, 2018

கட்சித்தாவல் தடை சட்டம் வாழ்நாள் தடையாக வேண்டும்!


அரசியல் வியாதிகள் தங்களுக்கு பெரும்பான்மை கிடைக்காமல், மக்களால் தேர்ந்தெடுக்கப்பட்ட பிரிதிநிதிகளை விலைக்கு வாங்கும் குதிரை பேரம் நடக்கும்போது மட்டும், கட்சித்தாவல் தடைச் சட்டத்தைப் பற்றிப் பேசுகிறார்கள்.
2018 கர்நாடக சட்டமன்றத் தேர்தலில் யாருக்கும் பெரும்பான்மை கிடைக்காமல் ஏற்பட்ட இழுபறியை அடுத்து இவ்விசயம் மீண்டும் தலைதூக்கி உள்ளது. ஏனெனில், பெரும்பான்மை கிடைத்து ஆட்சி அமைக்க முடியாமல் இழுபறி ஏற்படும்போது தன் கட்சிப் பிரதிநிதிகள் கட்சித் தாவலில் ஈடுபட மாட்டார்கள் என்ற நம்பிக்கை எந்தவொரு கட்சிக்கும் இல்லை.
ஆகையால் தங்களது பிரதிநிதிகள் பேரம் பேசப்படுகிறார்கள் என்று அவர்களின் தலைவர்களே வெட்கமில்லாமல் சொல்கிறார்கள்.
இதற்கு ஒரே தீர்வாக மக்கள் பிரதிநிதியாக தேர்ந்தெடுக்கப்பட்ட பின், எந்தவொரு காரணத்துக்காகவும் கட்சித் தாவலில் ஈடுபட முடியாது. அப்படி ஈடுபட்டால், மக்கள் பிரதிநிதித்துவமே இரத்தாகி விடும் என்பதோடு, வாழ்நாள் முழுவதும் மக்கள் பிரிதிநிதியாக போட்டியிட முடியாது என்ற சட்டத்தை கொண்டு வந்தாலே போதுமானது. ஆனால், இதற்கு எந்த அரசியல் வியாதியும், தங்களின் சுயநலத்துக்காக ஒத்துவரவே மாட்டார்கள். ஆகையால், சட்டமாகாமல் சங்கடமாகத்தான் இருக்கும். இதுதவிர மகத்தான மக்களாட்சி மலர...! என்னென்ன செய்ய வேண்டும் என்ற கட்டுரையில் சொல்லியுள்ள கருத்துக்களும் சட்டமாக நடைமுறைக்கு வரவேண்டும். அப்போதுதான் மக்களாட்சியைப் பற்றி சிந்திக்கவே முடியும்.

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Monday, May 14, 2018

நூல்: ஆரோக்கியமே ஆனந்தம்



மாமிசந்தின்னும் மனிதனும் தன்இனமே யென
எண்ணுமாம் பிணந்தின்னி கழுகு

என்று எனது பாணியில் நியாக் கு(ற, ர)ளாக சொல்வதைத் தவிர, அசைவ உணவை உண்பது குறித்து வேறு எதுவுமே சொல்லத் தேவையில்லை. 


ஒரு சட்ட ஆராய்ச்சியாளனாக பலரின் திறனை கண்டறிந்து அவர்களை அதற்கேற்ற வகையில் செல்ல அறிவுறுத்தி உள்ளேன். இந்த வகையில், 2009 ஆம் ஆண்டின் இறுதியில் அறிமுகமான இரதியையும் இப்படியொரு வழிகாட்டு நூலையெழுத அறிவுறுத்தியதை அடுத்து எழுதப்பட்டு, என்னால் பூர்த்தி செய்யப்பட்டது.  

இச்சிறு வழிகாட்டி கையேட்டை முதலில் 2010 ஆம் ஆண்டில் நன்கொடை ரூ 20 க்கு பொதுவுடைமையாக வெளியிட்டோம். அதன் பிறகு, 2012 முதல் மதுரை காந்தி மியூஸிய வளாகத்தில் இயங்கும் தமிழ்நாடு இயற்கை மருத்துவச் சங்கம் சில கூடுதல் செய்திகளுடன் வெளியிட்டு நல்ல முறையில் விற்பனை செய்து வருகிறது. 

இந்த வகையில் இதற்காக நான் மேற்கொண்ட முயற்சிகளும், பொதுவுடைமை அடிப்படையில் நாம் வெளியிட்ட நோக்கமும் நிறைவேறி இருப்பதில் மகிழ்ச்சியே!

ஆனால், இரதியின் உரையில் பொதுவுடைமை என கூடுதலாக சொல்லப்பட்டு இருந்தாலும் வெளியீட்டாளர் சொல்ல வேண்டிய இடத்தில் உரிமைப்பற்றி எதுவுமே சொல்லவில்லை என்பதோடு நாம் வெளியிட்ட தகவலும் சொல்லப்பட வில்லை. 

ஆகையால் ‘இதனை நாமே முதலில் பொதுவுடைமை அடிப்படையில் வெளியிட்டோம்’ என்பது (தெ, பு)ரியாமல், அவர்களுடையதை எடுத்து கூட்டிக்குறைத்து நாம் வெளியிட்டு இருக்கிறோம் என்று யாரும் தவறாக எண்ணி விடக்கூடாது என்பதற்காகவே இதனைச் சொல்ல வேண்டியதாயிற்று! 

இந்த நூலுக்கான அர்ப்பணிப்பு உரையில், ‘மரங்களை அழித்துத்தான் காகிதத்தை உற்பத்தி செய்கிறார்கள் என்பதற்காக, நூல்களை எழுதாமல் வாழ்ந்த மு. இராம கிருஷ்ணன் அவர்களுக்கு’ என்று இரதி சொன்னது தவறு. 

ஆமாம், 01-01-1901 அன்று பிறந்து விடுதலைப் போரில் பல்லாண்டு காலம் சிறைத்தவ வாழ்வை ஏற்றத் திரு. ம.கி. பாண்டுரங்கம் என்பவர் இயற்கை உணவு குறித்து ஆராய்ந்து "Man's Food Unveiled" என்றத் தலைப்பில் ஆங்கிலத்தில் எழுதிய நூலை, அவரே தமிழில் சொல்ல அதனை தமிழில் செம்மைப்பட எழுதியவர் திரு.மு. இராமகிருஷ்ணன் அவர்களே என்பது எனக்கு 2017 ஆம் ஆண்டில்தான் தெரிந்தது. 

ஆம், ‘எது மனிதனின் உணவு?’ என்றத் தலைப்பில் மூன்று நூல்களாக வெளியிட்டு உள்ளார்கள். இவை நான் காணவும் கிடைத்தன. முதல் பகுதியில் மு. இராம கிருஷ்ணன் ‘இயற்கை இனிய வாழ்வின் இயக்கம்’ என்றத் தலைப்பில் தனது உரையை எழுதியுள்ளார். 

இதில், ‘தங்களின் ஆங்கில நூலைத் தமிழ்ப்படுத்தி தமிழக மக்களுக்கு வழங்க வேண்டுமென வேண்டினேன். அதற்கு இசைந்தார்கள். அவர்கள் மொழி பெயர்த்துக் கூற இதனைச் செம்மையாகத் தமிழாக்கம் செய்யும் பேறு பெற்றேன்’ என்று சொல்லி இருப்பதன் மூலமே மு. இராமகிருஷ்ணனே தமிழில் மொழியாக்கம் செய்து உள்ளார் என்பதும், இவர் பாண்டுரங்கம் அவர்கள் சென்னையில் நடத்தி வந்த கன்யா குருகுலப் பள்ளியில் தமிழாசிரியர் என்பதும் குறிப்பிடத்தக்கது.

முதல் நூலுக்கு திரு.வி.க மற்றும் இதே போன்றதொரு நூலை எழுதியதாக சொல்லியுள்ள தமிழக முன்னாள் முதல மைச்சர் திரு. பக்தவச்சலம் அவர்களும் அணிந்துரை எழுதி உள்ளனர். மற்ற இரு நூல்களிலும் இம்மூவரது உரைகள் எதுவுமே இல்லை, ஏனோ?  

பொதுவாக ஒரு நூலை மொழியாக்கம் செய்பவரின் பெயரும் ஆசிரியரின் பெயரோடு இடம்பெற வேண்டும். ஆனால், இம்மூன்று நூல்களிலும் மூல ஆசிரியரின் பெயர் மட்டுமே கொடுக்கப்பட்டு உள்ளது. 

மேலும் முதல் நூல் எந்த ஆண்டில் அச்சிடப்பட்டது என்ற விபரங்கூட இல்லை. ஆனால், இந்நூலுக்கு பத்திரிகைகள் எழுதிய மதிப்புரையில் இருந்து 1980 இல் வெளியிட்டு இருக்க வேண்டுமென நம்புகிறேன். இரண்டு மற்றும் மூன்றாவது நூல்கள் முறையே ஏப்ரல் 1984 மற்றும் ஜீன் 1984 இல் வெளிவந்து உள்ளன. 

காப்புரிமை பற்றி எதுவுமே குறிப்பிடப்படாத பெரும் மதிப்பு மிக்க இம்மூன்று நூல்களையும் சுமார் முப்பது ஆண்டுகளாக யாருமே மறுபதிப்பு செய்யவில்லை என்பது கொடுமை. ஆனால், அவர்களோ இதனைப் பின்பற்றுபவர்களால் இந்நூல் இந்தி போன்ற பிற மொழிகளில் மொழி பெயர்க்கப்படும் என்ற தங்களின் நம்பிக்கையை 3 வது நூலின் இறுதிப் பகுதியில் பதிவு செய்துள்ளார்கள்.  

அந்த அளவிற்கு ஒவ்வொன்றையும் ஆராய்ந்தும், அதன்படி வாழ்ந்தும் அனுபவத்தை எழுதி இருக்கிறார்கள் என்பதை தவிர வேறெதையும் இங்கு சொல்லி மாளாது. 

ஆமாம், மொத்தம் சுமார் 550 பக்கங்களுக்கு மேலுள்ள இம்மூன்று நூல்களைப் பற்றியும் இந்த உரையில் எப்படி என்னால் உரைத்திட முடியும்? 

ஆமாம், இன்றைய தமிழகத்தில் இயற்கை வாழ்வியல் குறித்து பேசும் அல்ல அல்ல பேசி பிழைத்துக் கொண்டு இருக்கும் மு. இராமகிருஷ்ணனின் தம்பி மு. வ. அப்பன் மற்றும் மகன் நல்வாழ்வு உள்ளிட்ட பெரும்பாழானோ ருக்கு, மு. இராமகிருஷ்ணனும் அவரெழுதிய இம்மூன்று நூல்களுமே வழிகாட்டி என்பது சொல்லித் தெரிய வேண்டியது அல்ல. 

ஆனால், அவரவர்களும் எழுதி உள்ள நூல்களில்கூட, இந்நூலைப் பற்றி ஓரிரு வார்த்தைகளில் பட்டும்படாமலும், தொட்டுந் தொடாமலும் சொல்லி இருக்கிறார்கள். இவர்களது நூல்கள் ஒருசில வருடங்களுக்கு ஒரு பதிப்பு என்ற வகையில் மிக குறுகிய காலத்தில் பத்துப் பதினைக்கும் மேற்பட்ட பதிப்புகளாக வெளிவந்துள்ளன.  

முன்னோர்களின் நூல்களை எல்லாம் மறு பதிப்பாக வெளியிட்டால் நம் பிழைப்பு நாறிவிடும் என்று அஞ்சும் நிலை ஒருபக்கம் என்றால், மறுபுறமோ நானும் நூலெழுதி இருக்கிறேன் என்று பெருமைக்கு பீற்றிக் கொள்ள வேண்டுமே!

இதற்காக, பத்துப் பக்க(காகித)த்தை கூட அச்சடித்து நூலென சொல்லிக் கொள்கிறார்களே ஒழிய, இது போன்ற மகத்துவம் நிறைந்த நூல்களை வெளிக்கொண்டு வருவதில்லை. இது நம்மை நம்பி அரிய பொக்கிஷங்களை விட்டுச் சென்ற நம் முன்னோர்களுக்கு செய்யும் பச்சை துரோகம். இதனை பச்சையாகவே சாப்பிடுங்கள் என்று ஊருக்கு உபதேசம் செய்பவர்களே செய்யலாமா?

ஆமாம், இப்படி எந்தவொரு உண்மைகளை மறைக்க முயற்சிக்கும்போது, அவை மீண்டும் வெளிப்பட வேண்டும் என்பதற்காகவே எப்படியாவது என் கண்களில் படுகிறது போலும். எனவே, இதன் மூலம் வேறுவழியில் மறு(ம, ப) திப்பாக வெளி வருவதற்கான நிலையை காலங்கனிந்து உருவாக்கட்டும் என்று கருதி இதற்கான ஏற்பாடுகளை 18-04-2018 அன்று முன்னெடுத்து பேசினேன். 

அடுத்தநாளே இதன் மறு(ம, ப)திப்பு நூல் வெளிவந்து இருக்கு என அன்பர் ஒருவர் கொடுத்தார். 

ஆமாம், நான் ஏற்கெனவே சொன்னது போன்று, சுமார் முப்பது ஆண்டுகள் கழித்து இந்த வெளியீடு 2013 ஆம் ஆண்டில் இரண்டாவது பதிப்பாகவும், மூன்று நூல்களும் சேர்த்து ஒரே நூலாகவும், ஆயிரம் பிரதிகள்  வெளியிடப்பட்டு இதுவே இன்றுவரை கி(டை, ட)க்கிறது.

இதனை தியாகி ம. கி. பாண்டுரங்கம் அவர்களின் மகன் வழி தலைப்பெயர்த்தி வெளிக்கொண்டு வந்துள்ளார். ஆனால், ‘தாத்தா சொத்து தனக்கே’ என இந்நூலின் பதிப்புரிமையை உரிமை கொண்டாடி அச்சிட்டு உள்ளார். தாத்தாவே கொண்டாடாத உரிமையை, பெயர்த்தி நிச்சயமாக கொண்டாட முடியாது. ஆகையால், இது சட்டப்படி செல்லாது. மக்களிடம் கொண்டு செல்ல விரும்பும் எவரும் வெளியிடலாம்!     

மேலும், நான் முன்பே சொன்னதுபோல அவர்களே வெளியிட்ட முதல் பதிப்பு நூலில், பதிப்பு உரிமைகள் பற்றி எதுவுமே குறிப்பிடப்படாத நிலையில் மற்றும் பிற மொழிகளிலும் மக்களிடம் கொண்டு செல்லுங்கள் என்ற விருப்பத்தை தெரிவித்து இருப்பதன் மூலமும் ‘தனக்கே பதிப்புரிமை என்பது, இந்நூலைப் பரப்பும் செயலல்ல; பாழ்ப்படுத்தும் செயலே!’ என்பது அச்சடித்த ஆயிரம் பிரதிகளே ஐந்தாண்டுகளாக கி(ட, டை)ப்பதற்கு ஆதாரம்!

மேலும் முதற்பதிப்பு 1980 - 1984 என்று சரியாக குறிப்பிடுவதற்கு பதிலாக 1984 என தவறாக அச்சிட்டு உள்ளார். 1984 இல் வெளியிட்ட நூலுக்கு, எப்படி 1980 - 1981 ஆம் ஆண்டுகளில் நாளிதழ்கள் மதிப்புரை எழுத முடியும் என்பதை, உரிமை இல்லாததை உரிமை கொண்டாடும் பெயர்த்தி யோசிக்கவில்லை போலும்!

பெயர்த்தியின் பதிப்புரையில் இருந்து, தாத்தா இந்நூலை 1939 ஆம் ஆண்டுகளிலேயே இயற்றிவிட்டது போலவும், சுதந்திரப் போராட்ட சிறையில் இருந்தபோது இயற்றியது போலவும், மனித உணவின் விளக்கம் என்ற நூலையும் எழுதி உள்ளார் என்பது போலவும், 85 வயது வரை வாழ்ந்துள்ளார் என்பது போலவும் நாமே அனுமானிக்க வேண்டியுள்ளது. 

தாத்தா சொத்து தனக்கே என்று கூறும் பெயர்த்தி அவரைப்பற்றிய முக்கியச் சங்கதிகளை எல்லாம் தெள்ளத் தெளிவாகச் சொல்லத் தெரிய வேண்டாமா?

தலைப் பெயர்த்தியான இவரும், இவரது தந்தையும், இவரது குழந்தைகளும், தாத்தாவின் கொள்கைக்கு எதிரான ஆங்கில வழி மறுத்துவர்கள் என தெரிகிறது. இவரது தாயின் நினைவாக தொடங்கப்பட்டு உள்ள அன்னை நீலாஞ்சனி அறக்கட்டளை, வசந்தா மருத்துவமனை, வாணியர் தெரு, திருவண்ணாமலை - 606601 இன் மூலம் இந்த நூலை ரூ 300 விலையில் வெளியிட்டு உள்ளார்கள்.

இவ்வளவையும் ஆராய்ந்து சொல்வதற்கு காரணமே ‘எது மனிதனின் உணவு?’ என்ற இந்த நூலே உங்களுக்கு உள்ள அனைத்து சந்தேகங்களையும் போக்கி மிகுந்தப் பயனை அளிக்கும் என நம்புகிறேன். ஆரோக்கியமே ஆனந்தம் என்ற இச்சிறு நூல் அதற்கான வழியைக் (கா, கூ)ட்டும்.

‘இயற்கை உணவு உண்பவர்களுக்கு அவ்வளவாக வக்கிரபுத்தி இருக்காது’ என்பார்கள். ஆனால், இந்த உரையில் சொல்லப்பட்டு உள்ளபடி, ‘ஆரம்பம் முதல் எல்லாமே எதிர்மறையாக இருக்க காரணம் ஊருக்கே உபதேசம் செய்பவர்கள்’ என்றே கருத வேண்டியுள்ளது.

இவர்களுக்கே இவ்வளவு வக்கிரம் என்றால், சமைத்த சைவ அசைவ உணவு உண்பவர்கள் வக்கிரத்தில் எவ்வளவு உக்கிரமாக இருப்பார்கள் என்ற கேள்வியைத் தவிர்க்க முடியவில்லை.
அன்புடன் 
வாரண்ட் பாலா
          20 ஏப்ரல் 2018

இது திரு. வாரண்ட் பாலா அவர்கள் எழுதியுள்ள இரண்டாம் பதிப்பின் உணர்வுரை!

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

தெளிவே துக்கத்தில் இருந்து விடுதலை தரும்!



இந்த நேரத்தில் (03.11) இந்தப் பதிவை எதற்காக எழுதினேன் என்பதை நீங்கள்தான் சொல்வீர்கள் போலுள்ளது. ஏனெனில், எனக்கு இப்படியொரு சிக்கல் இல்லை. உங்களுக்கு இருந்தால், இப்பதிவு தீர்வைத் தருமென்றே நம்புகிறேன்.


அண்மையில் பொறி வைத்து பிடிப்பவர்கள் என்னென்ன சிரமத்துக்கு ஆளாவார்கள் என்பதை, எலிப் பொறியை வைத்து பிடிக்கப்படும் எலியை முன்வைத்து சொல்லி இருந்தேன்.

இந்தக் கதை இந்த இணைப்பின் ஆரம்பத்திலேயே இருக்கிறது. படிக்காதவர்கள் படித்து விட்டு தொடருங்கள். இதில் சொல்லாத விடயம் ஒன்றையே சொல்லப் போகிறேன்.

அதாவது பொறி வைத்துப் பிடிக்கப்படுபவர்கள் எல்லாம் எதிலாவது சிக்கமாட்டானா என அவர்களால், நாம் புகழ்பெற முடியவில்லையே என்று பொறாமைப் படுபவர்களாகவே இருப்பார்கள்.

ஆகையால், அவர்கள் விரித்த வலையில் அல்லது வைத்தப் பொறியில் சிக்கினால் என்னென்ன பாடுபடுத்தனுமோ அதையெல்லாம் படுத்துவார்கள். இதனை பிளாக்மெயில் என்றும் சொல்லலாம்.

இதில் கொடுமை என்னவென்றால், நாம் எவ்வளவு தான் அறிவாற்றல் மற்றும் திறன் மிக்கவராக இருந்தாலும் நம்முடைய சுய மரியாதைக்கு பயந்து அவர்களின் எல்லை இல்லாத கொடுமைகளுக்கு எல்லாம் உட்படுவோம் என்பதுதான்!

இதனாலேயே நம்மை என்ன வேண்டுமானாலும் செய்யலாம் என்ற என்ற முடிவுக்கு வரும் பொறாமைக் காரர்கள், கட்டப்பஞ்சாயத்தில் செய்வதை விடவும் பலமடங்கு கீழ்த்தரமாக நம்மை வைத்து செய்வார்கள் போலிருக்கு. 

இவர்களின் செயலை வேறுவிதமாகச் சொல்ல வேண்டுமென்றால் மிக மோசமான குற்றவாளிகள் கூட, சட்டப்படி அனுபவிக்காத சித்திரவதையாக இருக்கும் போலிருக்கு. 

ஆமாம், இதில் அனுபவம் பெற்றவர்கள் வெளியில் சொன்னால்தானே நமக்கு தெரியும். ஆனால், நடந்ததை எல்லாம் நமக்குச் சொன்னால் நாமும் அவர்களை மிகமிக கேவலமாக நினைப்போம் அல்லவா அதனால் சொல்லவே வாய்ப்பில்லை; நமக்கு தெரியவும் வாய்ப்பே இல்லை! 

ஆகையால், இதைச் சொல்ல தகுதியுள்ள ஒரே நபர் நீதான். ஆகையால் நீயே சொல் என்று காலம் எனக்கு இட்ட உத்தரவாக கருதியே, எனக்கு ஏற்பட்ட அனுபவத்தைச் சொல்கிறேன். 

ஆமாம், என்னுடைய சட்ட விழிப்பறிவுணர்வால் பிழைக்க முடியாத ஆர்வலர்கள் என்ற கட்டப் பஞ்சாயத்து தறுதலைகள் நான் எதில் சிக்குவேன் என எதிர்ப்பார்த்து எனக்கு பொறி வைக்கிறார்கள்.

அவர்கள் வைத்தப் பொறியில் நானும் அகப்பட்டுக் கொண்டேன். இது வெளியில் தெரிந்தால் நமக்கு கேவலம் என்று எண்ணி அத்தறுதலைகளின் அத்தனை அத்தனை கொடுமைகளுக்கும் ஆளாகிறேன். 

முதலில் இது நாம் வழிதவறி செய்துவிட்ட காரியத்துக்கான நட்பு ரீதியான தண்டனை என்றே மனதார ஏற்றுக் கொண்டேன். ஆனால், போகப்போக, அதில் அத்தறுதலைகளின் வன்மம் வெளிப்படுகிறது; இது சகித்துக் கொள்ளவே முடியாததாக இருக்கிறது. 

இந்த நிலையில் எனக்கு திடீர் ஞானோதயம் பிறக்கிறது. அதாவது, நான் செய்த செயல் சட்டப்படி கூட தண்டிக்க முடியாத ஒன்று. ஆனால், ‘‘வெளியில் தெரிந்தால் வெட்கக்கேடு என்பதற்காக சட்டத்துக்குப் புறம்பான கட்டப்பஞ்சாயத்து காரர்களின் கொடுமை களுக்கு ஆளாகிறேன்’’ என்ற ஞானத்தெளிவு வருகிறது.

உடனே, அக்கட்டப் பஞ்சாயத்து தறுதலைகளிடம் ‘‘நீ சட்டப்படி என்ன செய்யனுமோ அதைச் செய்’’ என்று ஒரே வார்த்தையில் சொல்ல, அவர்களோ ஒன்றுஞ் செய்ய முடியாமல் விழிபிதுங்கி நிற்கிறார்கள். 

நானும் (து, தூ)க்கத்தில் இருந்து விடுதலை ஆனேன்.

குறிப்பு: இன்று நான் தூங்க சென்றதே நள்ளிரவு சுமார் 12. 30 க்குதான். (து, தூ)க்கத்தில் இருந்து விடுதலையான போது  மணி சுமார் 02.39! 

இவ்விடைப்பட நேரத்தில் எப்போது எனக்கு பொறி வைத்தார்கள், அதில் எப்போது சிக்கினேன் என்பது உள்ளிட்ட எதுவுமே எனக்கு தெரியாது!! 

ஆமாம், நான் முன்னரே சொன்னதுபோல நான் உங்களுக்கு செல்ல வேண்டும் என்பதற்காக எனக்கு கனவில் வந்த காட்சித் தெளிவிது!

இதனால், உங்களுக்கும் தெளிவு கிடைக்கும் என்ற ஆழ்ந்த நம்பிக்கையிலேயே, கனவாக கிடைத்த காட்சியை கட்டுரையாக்கி உள்ளேன். 

இதனால், உங்களுக்கு தெளிவு எதுவும் கிடைத்ததா?!

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Sunday, May 13, 2018

நூல்: மாவட்ட நிர்வாக நீதிபதி என்கிற மாவட்ட ஆட்சித் தலைவர்




எலி சாதாரணமாக இருக்கும்போது மரத்தால் ஆன பொருட்களை ஓட்டை போட்டு நாசம் செய்யும். அதே எலி அதற்கென வைக்கப்பட்ட மரப்பொறியில் சிக்கிக் கொண்டால், எப்படி தப்பிக்கலாம் என பயத்தில் அங்கும் இங்கும் அலையுமே தவிர, மற்ற மரப்பொருட்களை ஓட்டை போட்டது போல, இம்மரப் பொறியையும் ஓட்டை போட்டு வெளியில் சென்று விடலாம் என யோசிக்கவே யோசிக்காது. 

ஆமாம், இப்படி யோசித்தால், அதிகபட்சம் ஐந்து நிமிடத்தில் பொறியையே ஓட்டை போட்டு வெளியேறி விடும். ஆனால், மரப்பொறியில் சிக்கிய எலியை நீங்கள் ஐந்து நாட்கள் அப்படியே வைத்திருந்தாலும், அது தன்னால் வெளிவர முடியாத ஏதோவொரு பொறியில் அடைத்து வைத்து விட்டது போன்றே அங்கும் இங்கும் அலைபாயும். காரணம், பயம் பற்றிக் கொண்டதே!

எனவே நம்மை யாரும் காப்பாற்ற மாட்டார்களா என ஏக்கத்தோடு பார்க்கும். சில எலிகள் என்னை விட்டுவிடு என கையெடுத்து கூட கும்பிடும். எளிதில் விடவா பொறி வைத்துப் பிடித்தார்கள்? இதற்கு வேலை மெனக்கட்டு பொறி வைக்க வேண்டியது இல்லையே!

ஆகையால், என்னென்ன பாடுபடுத்தனுமோ அப்படியெல்லாம் பாடாய்ப்படுத்தி இறுதியில் ஏதோவொரு வகையில் உயிரை எடுத்து விடுவார்கள். 

இது நாசம் செய்யும் எலியாக இருந்தாலும், தந்திர நரியாக இருந்தாலும், பலம் வாய்ந்த புலியாகவே இருந்தாலும் பொறியில் சிக்கினால், எப்படி வெளி வருவது என்பதில் எல்லோருடைய நிலைமையும் இதுதான்!

இதுதான் சட்டப் பிரச்சினை என்ற சட்டப் பொறிக்குள் சிக்கும் மனிதர்களின் நிலையும் என்ப தால், சரியான சட்ட விழிப்பறிவுணர்வு இருந்தால், சிக்குவதற்காக திட்டமிட்டு வைக்கப்பட்ட எப்பொறி யிலும் அகப்படாமல் தப்பி விடலாம்; அப்படியே அகப் பட்டாலும், எளிதில் வெளிவந்து விடலாம்!

ஆமாம், இது எலியை முன்னிலைப்படுத்தி உங்க ளுக்காக சட்ட ஆராய்ச்சியாளர் திரு. வாரண்ட் பாலா சொல்லும் எளிய உவமை!!

எனவேதான் சமூகத்தின் சட்ட விழிப்பறிவுணர்வுக்காக சட்ட ஆராய்ச்சியாளர் திரு. வாரண்ட் பாலா அவர்கள் எழுதி, அவரே மிகப்பரந்த மனதோடு பொதுவுடைமை என அறிவித்து உள்ள ஏழு நூல்களும் மத்திய சட்டம் மற்றும் நீதியமைச்சகத்தின் நிதியுதவியோடு கேர் சொசைட்டியால் வெளியிடப் பட்டு தமிழ்நாடு மற்றும் புதுச் சேரியில் உள்ள அனைத்துப் பொது நூலகங்களுக்கும் நன்கொடையாக கொடுக்கப்பட்டு உள்ளன. 

எனவே, உங்களது பகுதி நூலகத்தில் படித்துப் பயன் பெறுங்கள். தனிப்பட்ட முறையில் தேவைப்பட் டால், உரிய நன்கொடை செலுத்தி எங்களிடம் இருந்தும் பெற்றுக் கொள்ளலாம். இதுபோலவே, அவர் இன்னும் பல நூல்களை எழுத, நாங்கள் வெளியிட உள்ளோம்.  

இப்படி சரியான சட்ட விழிப்பறிவுணர்வு இருந் தால், நீதிமன்றத்துக்கே கூட சென்று நம் நியாயத்தைப் பெறுவது எளிதுதான் என்றாலும், எதற்கெடுத்தாலும் நீதிமன்றம் செல்ல வேண்டுமென்ற அவல நிலையை, அடிப்படை சட்ட அறிவில்லாத அரசூழியர்களும், பொய்யர்களும் தங்களின் சுயநலனுக்காக உருவாக்கி விட்டனர். 

இதனை தகர்த்து, நமக்கான நியாயத்தை அரசிடமே பெறவேண்டும். இதற்கு அரசூழியர்களின் சட்டக் கடமை கள் என்னவென்பதைப் பற்றி அறிய வேண்டும். அப்போது தான் நாம், நமக்கான ஊழியர்களை வேலை வாங்க முடியும். இல்லையேல், ஏய்த்து விடுவார்கள்; அல்ல அல்ல அவர்கள் ஏய்த்துப் பிழைக்க நட்டம் நமக்கே என்பதே இன்றைய நிலை. 

நீதித்துறையில் எப்படி நிதிபதிகள் இருக்கிறார் களோ அப்படியே அரசு நிர்வாகத்திலும் இருக்கிறார் கள். இவர்கள் சட்டப்படி நிர்வாக நிதிபதிகள் ஆவர். முதலில் இவர்களே நமக்குரிய உரிமைகளை செய்து தர வேண்டியவர்கள். 

ஆகையால் (நீங், மக்)கள் முதலில் இவர்களைத் தான் சட்டப்படி அணுக வேண்டும். அவர்கள் சட்டப் படி தங்களின் கடமையைச் செய்து உங்களது உரிமையை தராத போது மீட்டுத்தராத போது அல்லது பிரச்சினையைத் தீர்த்துத் தராதபோது, அதனால் ஏற்பட்ட பாதிப்புக்கு அவ்வூழியர்களிடம் இருந்து நிவாரணம் கோருவதற்கான சட்ட நடவடிக்கைகளை மேற்கொள்ள வேண்டும். அப்போதுதான், அவ்வூழியர் கள் சட்டப்படி செய்ய வேண்டிய கடமைகளைச் செய்வார்கள். 

ஆனால், இப்படிச் செய்ய ஆரம்பித்தால், மக்களுக்கு பிரச்சினையே இல்லாமல் போய் விடுமே. ஆகையால், சட்ட விரோதத் தொழில் செய்யும் பொய்யர்கள் உட்பட பலரும் மக்களை எப்பொழுதும் பிரச்சினையிலேயே வைத்திருந்து பிழைக்க முடியாமல் போய் விடும் என்பதற்காக செய்வதில்லை. 

இவர்களைப் போலவே மக்கள் தங்களுக்கு உள்ளேயே மாறிமாறி சண்டைப்போட்டுக் கொண்டி ருந்தால், ‘ஊர் இரண்டு பட்டால் கூத்தாடிக்கு கொண் டாட்டம் என்பதுபோல, உங்களால் உங்களின் ஊழியர் களுக்கு கொண்டாட்டம்; உங்களுக்கோ என்றும் திண்டாட்டந்தான்’ என்பதை, இனியொரு போதும் மறந்து விடாதீர்கள். 

எனவே இவர்களை எப்படி வேலை வாங்குவது, வேலை செய்ய மறுக்கும்போது எப்படி வழக்குக்கு இழுப்பது என்று பற்றி திரு. வாரண்ட் பாலா அவர்கள் எழுதியுள்ள ‘நீதியைத்தேடி...’ நூல்களிலும் குறிப்பாக ‘மநு வரையுங்கலை!’ நூலிலும் விரிவாக அறிந்து அதன்படி செயல்படுங்கள். 

மிகமிக முக்கியமாக இவ்வூழியர்களுக்கான ஊழியப் பெயர்களை ‘மநு வரையுங்கலை!’ நூலில் முன் மொழிந்து உள்ளவாறே பயன்படுத்துங்கள். 

மேலும் உங்களது மாவட்டத்தில் எதற்காக யாரை அணுக வேண்டும், அவர்களின் அலுவலக தொடர்புகள் உள்ளிட்டவற்றை பெற மாவட்ட தலைமை ஊழியரின் அலுவலகத்தில் இதற்கென்றே பிரத்தியேக ஊழியராக உள்ள மக்கள் தொடர்பு ஊழியரை (பிஆர்ஓ) அணுகுங்கள்.

இவர்களின் தொடர்பு எண்கள் தமிழ்நாடு அரசின் இணையதளப் பக்கங்களில் கிடைத்தாலுங் கூட, இணையதளத்தை பார்க்க முடியாத சாதாரண மக்களை மனதில் கொண்டு இந்நூலின் இறுதியில் அனைத்து மாவட்ட மக்கள் தொடர்பு ஊழியர்களின் தொடர்பு எண்களை, அரசின் இணையத்தில் இருந்து எடுத்து, தற்போதுள்ள ஊழியர்களின் பெயரை மட்டும் நீக்கிவிட்டு அப்படியே கொடுத்து உள்ளோம். 

ஏனெனில், இந்த ஊழியர்கள் பணி மாறுதலைப் பெற்றாலும் அல்லது ஓய்வே பெற்றாலுங்கூட, அடுத்தடுத்து வரும் ஊழியர்களிடமும் இந்த தொடர்பு எண்களே நிரந்தரமாக இருக்கும் என நம்பலாம்.  

இதுபோலவே காவல்துறை இயக்குநர், தொழிலா ளர் நலன், போக்குவரத்து போன்ற மற்ற சில முக்கியத் துறைகளுக்குமான மக்கள் தொடர்பு ஊழியர்களின் தொடர்பு எண்களையும் கொடுத்து இருக்கிறோம். தேவைப்பட்டால், பிரச்சினையை சந்திக்கும் இடத்தில் இருந்தே அவர்களையும் தொடர்பு கொள்ளுங்கள். 

அதாவது காவல் நிலையத்துக்கு போகும்போது அல்லது அரசு போக்குவரத்துக் கலகப் பேருந்தில் பயணி க்கும் போது எதுவும் பிரச்சினை என்றால், அங்கிருந்த படியே தொடர்பு கொண்டு பயன் பெறுங்கள்.

அரசூழியர்களுக்கு இலஞ்சம் கொடுக்க வேண்டிய சூழ்நிலை வந்தால், கொடுக்காமலேயே காரியத்தை சாதிக்க ‘நீதியைத்தேடி... சட்ட அறிவுக்களஞ்சியம்’ நூலில் சொல்லியுள்ள வழிமுறைகளைப் பின்பற்றவும்.


எது எப்படி இருப்பினும், உங்களின் பிரச்சினை யைத் தீர்க்க வேண்டிய உள்ளூர் கிராம நிர்வாக ஊழியர் (விஏஓ) முதல் உங்களின் மாவட்ட தலைமை ஊழியர் (கலெக்டர்) வரை அவர்களுக்குள்ள கடமைப் பொறுப்புகள் எல்லாம் அவரவர்களுக்கே தெரிவது இல்லை என்ற நிலையில் உங்களுக்கு தெரிந்திருந்தால் அவர்களை வேலை வாங்க எளிதாக இருக்கும் அல்லவா!  

எனவேதான், இவ்வூழியர்கள் எப்படி தோன்றி னார்கள் என்ற வரலாற்றில் இருந்து சொல்லும் இந்த நூலை அவர்கள் எந்த நோக்கத்திற்காக வெளியிட்டா ர்களோ அதே பொதுநலன் கருதி நல்லெண்ணத் தோடும், காப்புரிமைப் பற்றி எதுவும் சொல்லப்படவில்லை என்பதாலும் உள்ளதை உள்ளபடியே பொதுவுடைமையாக வெளியிடுகிறோம்.

ஏனெனில், இந்த நூலை வெளியிட்ட அறிவுச் சுடரகம் தற்போது இல்லையென தெரிகிறது. இதனை எழுதியவர்களும் இருக்கிறார்களா, இதன் திருத்திய பதிப்புகள் வெளியிடப்பட்டு உள்ளனவா என்பது உள்ளிட்ட எதுவுங்கூட தெரியவில்லை. தெரிந்தவர் கள் தக்க ஆதாரத்துடன் தெரிவித்தால் என்ன செய்ய வேண்டுமோ அதைச் செய்யலாம்.

இதுபோலவே முன்பு அரசே வெளியிட்டு, பின் வெளி யிடாமல் இருக்கிற கிராம நிர்வாக ஊழியர்கள் மற்றும் குடிமக்கள் நடைமுறை நூல் உள்ளிட்ட பல்வேறு முக்கிய நூல்களையும், திரு. வாரண்ட் பாலா அவர்களின் சட்ட ஆராய்ச்சி மேற்குறிப்புகளோடு உள்ளதை உள்ளபடியே வெளியிட உள்ளோம். 

இதற்கு தங்களால் இயன்ற ஒத்துழைப்பையும் பங்களிப்பையும் வழங்கினால், அந்த நூல்களும்  விரைவில் வெளிவரும்.

இந்நூலுக்கான வெளியீட்டாளர் உரையில் இருந்து...

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Follow by Email

Followers

முக்கியப் பக்கங்கள்

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு வாட்ஸ்அப் எண் 09842909190 ஆகும்.

எல்லாப் பதிவுகளும்!

நம் தள வகைகள்

பயின்றோர் (20-08-16)