நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Wednesday, August 2, 2017

ரூபாய் விவகாரத்தில் ரூபாவின் விஸ்வரூபம்!


நாடு முழுவதும் உள்ள சிறைகளில், பல்வேறு முறைகேடுகள் நடக்கின்றன என்பதை நான் நன்கறிவேன். ஆனாலும், இதுபற்றி நூல்களில் அவ்வளவாக எழுதியதில்லை. ஏனெனில், இதுபோன்ற விடயங்கள் வெளியில் தெரிந்தால், எல்லோருமே தவறாகப் பயன்படுத்த தொடங்கி விடுவார்கள் என்பதால்தான்!

ஆனால், தற்போது சிறையைப் பற்றிய தகவல்கள் பலவாறாக வெளிவந்த வண்ணம் உள்ளது. ஆகையால், இனி மறு பதிப்பாக புதுப்பிக்க இருக்கும் நீதியைத்தேடி... பிணை (ஜாமீன்) எடுப்பது எப்படி நூலில் சிறையில் நடக்கும் பல்வேறு விடயங்களைப் பற்றி எழுத எண்ணி உள்ளேன். 

சொத்துக் குவிப்பு வழக்கில் தண்டனை உறுதிப்படுத்தப்பட்டு பரப்பன அக்ரஹார சிறையில் அடைக்கப்பட்டு இருக்கும் சசிகலா உள்ளிட்டோருக்கு, இரண்டு கோடி ரூபாயை லஞ்சம் பெற்றுக் கொண்டு சிறையில் வசதிகள் செய்து கொடுத்ததான விவகாரத்தில், தன் மீதான மான நஷ்ட வழக்கில் ரூபா  தானே வாதாடப் போவதாக அறிவித்து உள்ளார்.

உண்மையில் அரசூழியர்களுக்காக, அரசுப் பொய்யர்கள்தான் வழக்கு தொடுப்பார்கள், வாதாடுவார்கள். ஆனால், இங்கு வழக்கு தொடுப்பவரும், அதனை எதிர் கொள்பவரும் அரசூழியர்களே என்பதால், இவ்விரண்டு ஊழியர்களுக்காகவும் அரசுப் பொய்யர்கள் வாதாட முடியாத சூழ்நிலை உருவாகி உள்ளது.

இதனால் வழக்கு தொடுப்பவர் தனிப்பட்ட முறையில் பொய்யரை வைத்துதான் வழக்கு தொடர முடியும். இதுவே அவருக்கு பாதகமான, ரூபாவுக்கு சாதகமான நிலைதான்.

ஆமாம், அவர் சட்ட விதிகளுக்கு உட்பட்டு செயல்பட்டு இருந்தால், அரசே அவருக்கு அதரவளிக்கும் விதமாக அரசுப் பொய்யரை வழக்கு தாக்கல் செய்ய அறிவுறுத்தும். 

வழக்கை எதிர்கொள்ள இருக்கும் ரூபாவுங்கூட, எதிர்வழக்காட அரசின் உதவியை கோரலாம். ஆனால்,  அரசுப் பொய்யர்களையும், தனது பொய்யர்களையுங் கூட நம்பாமல் தானே வாதாடுவது என முடிவு செய்திருப்பது, நிச்சயம் திருப்பு முனைதான்!
எனவே, தன்னுடைய நியாயத்தை நிலைநாட்ட வேண்டும் என்பதற்காக இப்படியொரு முன்மாதிரி முடிவை எடுத்த ரூபாவுக்கு நம் வாழ்த்துக்கள்!!

இப்படியொரு முடிவை ஏற்கெனவே தேர்தல் வழக்கொன்றில் சகாயம் எடுத்திருந்தாலும், ரூபாவின் முடிவு சமூகத்தில் நல்லதொரு விழிப்பறிவுணர்வை ஊட்டும். குறிப்பாக, கன்னட மக்களுக்கு நல்லதொரு வழிகாட்டு செய்தி!

நம்மால் இயன்ற வழிகாயை ரூபாவுக்கு காட்டும் விதமாக நீதியைத்தேடி... குற்ற விசாரணைகள் நூலின் கன்னட பதிப்பையும், இந்திப் பதிப்பையும் அனுப்பி வைக்க உள்ளோம்.
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Translate

Follow by Email

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு உலாப்பேசி எண்கள் 09842909190 மற்றும் 09842399880 ஆகும்.

இப்படி, நன்கொடை செலுத்தி வாங்கிய நூல்களால் பயனில்லை என்று கருதும் பட்சத்தில், அப்படியே திருப்பி அனுப்பிவிட்டு, கொரியர் செலவுபோக மீதிப் பணத்தைப் பெற்றுக் கொள்ளலாம்.

எல்லாப் பதிகளும்!

பயின்றோர் (20-08-16)