சமூகத்தின் சட்ட விழிப்பறிவுணர்வுக்கான தளம்

நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Wednesday, May 24, 2017

கேரளாவின் இன்பச் சுற்றுலா!


இன்பச் சுற்றுலா என்பது பலருக்கும் எட்டாத கனியாகவே உள்ளது. எனக்கும் இதுதான் நிலைமை என்றாலும், ஏதோவொரு விதத்தில் எனக்கும் அவ்வப்போது அதிர்ஷ்டக்காற்று அடிக்கத்தான் செய்கிறது. 

இப்படிச் சொல்வதை விட, உங்களுக்கெல்லாம் தகவல் சொல்வதற்காகவே இப்படிப்பட்ட வாய்ப்புக்கள் கிடைப்பதாகவே கருதுகிறேன்.  


இப்படித்தான் சில தினங்களுக்கு முன், வாசக வம்பர்கள் சிலரின் வம்புக்காக, இன்பச் சுற்றுலாவாக கேரளாவுக்குள் செல்ல நேர்ந்தது. டில்லி, கல்கத்தா, குஜராத், திரிபுரா, கர்நாடகா, ஆந்திரா போன்ற மாநிலங்களில் நான் பயணம் செய்திருந்தாலுங்கூட, கேரளாவிற்குள் செல்வது எங்கள் அனைவருக்குமே இதுதான் முதல்முறை. ஆகையால் சிறு தயக்கம் இருந்தது. 

ஆனால், அங்கு போனப்பின் வேற்று மாநிலத்திற்குள் சென்றுள்ள உணர்வே இல்லை என்கிற அளவிற்கு அங்கு தமிழ் பேசுகிறார்கள். ஆட்டோகாரர்கள் உட்பட அனைவருமே திறந்த மனதோடு நியாயமாக நடந்து கொள்கிறார்கள். 

ஆனால், அங்கு ஆட்டோ ஓட்டும் தறுதலை தமிழர்கள் நம்மைப் போன்ற தமிழர்களை ஏமாற்றத் தயங்குவதில்லை. ஆமாம், உடுமலையை பூர்வீகமாக கொண்ட ஆட்டோ ஓட்டும் தமிழர், எங்களை ஏமாற்றி அதிக கட்டணத்தை வாங்கி விட்டார்.  

தமிழ்நாட்டோடு ஒப்பிடுகையில், தங்குமிடம் உள்ளிட்டவகைளின் கட்டணம் உட்பட அனைத்தும் நியாயமாகத்தான் இருக்கின்றன. உதவி செய்வதிலும் தாராள மனதில் இருக்கின்றனர். 

அரசுப் பேரூந்துகளில், தமிழ் மற்றும் மலையாளப் பாடல்களுக்கு இடையில், பொதுமக்களுக்கு அரசின் சார்பில் செய்யப்பட்டுள்ள மருத்துவ வசதிகள் உள்ளிட்டவை உட்பட முதல்வரின் தரமான அறிவுரைகள் மலையாளத்தில் ஒலிபரப்பப்படுகின்றன. 

குளிர்சாதன வசதி கொண்ட பேரூந்துகளின் இருக்கைக்கு பின்னால், பொதுமக்களின் பயன்பாட்டிற்காக குடிநீரை பாட்டிலில் வைத்திருக்கிறார்கள். இப்படி பல்வேறு செய்திகளைச் சொல்லலாம். 

இதையெல்லாம் சொல்வதால், தமிழனின் பெருமை தமிழனுக்கு தெரிவதில்லை என்றுகூட சிலர் எண்ணலாம். அப்படி எண்ணுவது அவரவர்களின் மடத்தனம் என்பது பின்வரும் சங்கதிகள் மூலம் நன்கு விளங்கும்

ஆமாம், தங்களது மாநில சுற்றுலாப் பகுதிகளைப் பற்றி எவ்வளவு விரிவான தகவல்களை தரமுடியுமோ, அவ்வளவு தகவல்களை தொகுத்து தர இயலுமோ, அவ்வளவையும் தொகுத்து தந்திருக்கிறார்கள் என்பதோடு, தமிழ் உட்பட, இந்தியாவில் புழக்கத்தில் உள்ள பத்து மொழிகளிலும், அயல்நாட்டு மொழிகள் பதினொன்றிலும் கூட தொகுத்து தந்திருக்கிறார்கள். 

மேலும், இதிலுள்ள குறைகளை தீர்க்கவும், விடுபட்டவைகளை சேர்க்கவும் தேவையான தகவல்களை தருமாறு கேட்டுள்ளார்கள் என்பதால், இதனை மேம்படுத்தி மக்கள் பயனடைய தேவையான தகவல்களை நீங்களும் கேரளா சுற்றுலாத் துறைக்கு தரலாம்.  

தொடர்புடைய இணையப் பக்க இணைப்புக்கள் 

https://www.keralatourism.org/

https://www.keralatourism.org/languages/

https://www.keralatourism.org/tamil/
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Friday, May 12, 2017

பள்ளிக்கல்வி துறையின் நல்லதொரு முடிவு!


இன்று காலை பத்து மணிக்கு, பனிரெண்டாம் வகுப்பு தேர்வு முடிவுகள் அறிவிக்கப்படுகின்றன. ஆனால், முன்பைப் போல கொண்டாட்டம் இல்லாமல் இருக்கும் என எதிர்ப்பார்க்கலாம். 

ஆமாம், முன்பெல்லாம் மாநில அளவில் முதல் மூன்று இடங்களுக்கு ஒருவரோ அல்லது ஓரிருவர் மட்டுமே வருவர். 

ஆனால் கடந்த பல ஆண்டுகளாக இந்த எண்ணிக்கை பத்து, நூறு ஆயிரம் என கூடியதால், ஏஞ் சாதிக்கார பயபுள்ளதான் முதலில் வந்தான் என்று சொல்லி பீற்றிக் கொள்ள முடியாமல் போய் விட்டது என்பதோடு கல்வியின் தரம் கேடுகெட்ட நிலைக்கு சென்று விட்டது என்ற என் கருத்தைப் போலவே, கல்வியாளர்களின் கருத்தும் இருந்தது. 

இதுபற்றி தொல்லைக் காட்சிகளில் தொடர்ந்து விவாதங்கள் அரங்கேறின.  பல திரைப்படங்களும் எடுக்கப்பட்டன. 

இந்த நிலையில் இந்த ஆண்டு முடிவுகளை வெளியிடும் அச்சமயம் வழக்கம்போல, மாநில மற்றும் மாவட்ட அளவில் முதல் மூன்று இடங்களைப் பிடித்த மாணவ மாணவியர்களின் பட்டியலை வெளியிடப் போவதில்லை என்ற மிகவும் முக்கியத்துவம் வாய்ந்த கொள்கை முடிவிற்கு, தமிழக பள்ளிக் கல்வித்துறை வந்திருக்கிறது. இது எதிர்க்காலத்திலும் தொடரும் எனவும் அறிவித்து இருக்கிறது.


காரணம், இதனால் மற்ற மாணவ மாணவிகளுக்கு ஏற்படும் மன இருக்கம், மன உலைச்சல் மட்டுமே காரணமாக சொல்லப்பட்டு ள்ளது. ஆனால், இதனால் பல நன்மைகள் இருக்கின்றன. 

இதுபற்றி விரிவாக ஆராய வேண்டும். சுருக்கமாக சில சங்கதிகளை சொல்லி விடலாம்.  

இப்படியொரு நிலை வரவேண்டுமென்று, எத்தனையோ வருடங்களாக நினைத்து இருந்தேன். அது தற்போது நனவாகி இருக்கிறது என்பதில் மகிழ்ச்சி!

முதல் மூன்று இடங்களை அறிவித்ததால், அம்மாணவ மாணவிகளை முன் வைத்து தனியார் பள்ளிகள் தங்களின் பிழைப்பை வெற்றிகரமாக நடத்தி வந்தன. இனி இதற்கு பெருத்தப் பின்னடைவு ஏற்படும். 

முதல் மூன்று இடங்களைப் பிடிக்காத பள்ளிகள் கூட, அந்தந்தப் பள்ளிகளில் முன்னிலையில் வந்த மாணவ மாணவிகளை தங்களின் கட்டவுட் உட்பட பல்வேறு வகையான விளம்பரங்களில் காட்சிப் பொருளாக முன்வைத்து பிழைப்பு நடத்தி வந்தன. 

இதற்கும் முற்றுப்புள்ளி வைக்கும் விதத்தில், இப்படியொரு முற்போக்கான முடிவை எடுக்காததால், இது தொடரும் என நம்பலாம். ஆனால், அம்மாணவ மாணவியரின் பெற்றோர்கள் நினைத்தால், எங்களின் எழுத்து மூலமான அனுமதியைப் பெறாமல் அப்படி வைக்கக்கூடாது என எழுத்துப் பூர்வமாகவே சொல்லி விடலாம். 

ஆனால், பெற்றோரே பேனர் வைத்துத்தான் ஊரறிய வாழ்த்து சொல்ல வேண்டுமென்ற மனநிலைக்கு சென்று விட்ட பிறகு, அடுத்தவன் வைப்பதை வேண்டாமென சொல்லுவார்களா என்பது சந்தேகந்தான். 

இவர்களை ஊடகங்களும் தங்கள் விருப்பத்திற்கு ஏற்ப ஊதிப் பெரிதாக்கி வந்தன. இதுவும் குறையுமென நம்பலாம். இவர்களை தங்களின் பக்கம் இழுக்க நினைக்கும் கல்லூரிகளுக்கும், நாங்கள் பிற்காலத்தில் இப்படியெல்லாம் சேவை செய்வோம் என பீலா விட நினைக்கும் மாணவ மாணவிகளுக்கும் வழி இல்லாமல் போகும். 

இம்முறையை உண்மையான கல்வியாளர்கள், என்னைப் போலவே வரவேற்பார்கள் என்பதில் சந்தேகமில்லை. 

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Follow by Email

Followers

முக்கியப் பக்கங்கள்

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு வாட்ஸ்அப் எண் 09842909190 ஆகும்.

நம் தள வகைகள்

பயின்றோர் (20-08-16)