சமூகத்தின் சட்ட விழிப்பறிவுணர்வுக்கான தளம்

நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Wednesday, April 19, 2017

நாம் செய்ய வேண்டிய கடமைகள் ஏராளம்!


வழக்குக்கள் குறித்த நாளிதழ் விளம்பரங்கள் என்ற முகநூல் குழுவில், தொடர்ந்து விளம்பரங்களை பதிவிட்டு வருவதோடு, அதில் தொடர்புடைய நபர்களுக்கு கடிதமும் எழுதி வருகிறேன். இதனால், எனக்கு சட்ட அறிவு மேம்பட்டு உள்ளதோடு, பலரின் தொடர்பும் கிடைத்து வருகிறது.

இம்முகநூல் குழுவில் அவ்வப்போது நடக்கும் விசயங்களையும் பகிர்ந்து உள்ளேன். ஆனால், ஆசிரியர் திரு. வாரண்ட் பாலா அவர்கள் கேட்டுக் கொண்டதற்கு இணங்க முதல் முறையாக இப்போது கட்டுரையாக எழுதி உள்ளேன். இதனை அவரே ஒழுங்குப்படுத்தியும் தந்துள்ளார்.  


இதிலுள்ள முகவரிக்கு, நாம் அனுப்பிய கடிதம் கிடைத்ததும் முகம்மது கனி என்பவர், முன்னாள் நிதிபதியும் (நீதித்துறை நடுவரும்) தற்போதைய பொய்யருமான சாகுல் அமீது அவர்களிடம், நாம் அனுப்பிய அஞ்சலட்டையை காண்பித்து ஆலோசனை கேட்டுள்ளார்.

சாகுல் அமீது தனக்குத் தெரிந்த வேறொரு பொய்யரிடம் முகம்மது கனியை அனுப்பியுள்ளார். அதன்பின் என்னை தொடர்புகொண்டு நமது சேவையை பாராட்டியதுடன் நன்றி தெரிவித்து நம்மை உற்சாகப்படுத்துவதற்காகவே அழைத்தேன் என்றும் தெரிவித்தார்.

இப்படி நாளிதழில் அறிவிப்பு வெளியிடுவதால், இதுகுறித்து பலருக்கு தெரியாமல் போய் விடுகிறது என்றும், ஆகையால் ஒரு தரப்பாக தீர்ப்பாகி விடுகிறது என்றும், நாம் எழுதும் கடித சேவை தொடர வேண்டுமெனவும் தெரிவித்தார்.

இதையேத்தான், நம்முடைய நீதியைத்தேடி... சட்டங்கள் உங்கள் பாக்கெட்டில் நூலில், அந்நூலின் ஆசிரியரும், சட்ட ஆராய்ச்சியாளரும் ஆன திரு. வாரண்ட் பாலா அவர்கள் எழுதியுள்ளார். மேலும், இக்குழுவின் தலைப்பிலேயே நூலொன்றையும் எழுதலாம் என உத்தேசித்து உள்ளார்.

மேலும், என் படிப்பு, வயது, வாழ்க்கை குறித்தும் அக்கறையோடு விசாரித்தார். நானும் சொன்னேன்.

இப்படி, நாங்கள் எழுதும் கடிதங்கள் பல போய்ச் சேருகின்றன. நீதிமன்ற அழைப்பாணை மட்டும் ஏன் போவதில்லை என தெரியாதது போல கேட்டதும், ‘‘அழைப்பாணையை கொடுக்க விடாமல், அஞ்சலக ஊழியரை சரிகட்டி விடுகிறார்கள்’’ என்றார்.  இப்படியொரு பிராடு பொய்யர்தான், இந்த வழக்கில் விளம்பரத்துக்கு ஏற்பாடு செய்துள்ளார் என்றார்.

சாகுல் அமீது அவர்களுக்கு 74 வயதாகிறதாம். சேலம், நாகர்கோவில், பட்டுக்கோட்டை, மதுரை உள்ளிட்ட ஊர்களில் நடுவராக பணியாற்றினாராம். சில இடங்களில் கைதிகளுக்கான நன்னடத்தை ஊழியராகவும் இருந்துள்ளாராம்.

பொய்யர்கள், நிதிபதிகள் தொழிலில் பல முறைகேடுகள் நடக்கிறதே என கேட்டேன். அதற்கு வக்கீல்னு சொல்லவே வெட்கப்படுகிறேன் என்றும் 100க்கு 96 வக்கீல்கள் அயோக்கியர்கள் என்றும், நிதிபதிகள் 5 லட்சம், 10 லட்சம் ரூபாயை லஞ்சமாக வாங்கிக் கொண்டு தீர்ப்பை எங்களுக்கு எதிராக வழங்கி விடுகிறார்கள் என்றார். 

மேலும், இதனை எங்களது கட்சிக்காரர்களுக்கு சொன்னால், நாங்களும் 10 லட்சம் தந்திருப்போமே! வழக்கில் வெற்றி பெற்று விடலாம் என்று சொல்லிவிட்டு வழக்கை தோல்வியாக விட்டு விட்டீர்களே என்று கேட்கிறார்களாம்!!

ஆகையால் கட்சிக்காரர்களின் முகத்தைப் பார்த்து கூட பேச முடியாதா சூழ்நிலை ஆகிவிடுகிறது என்றும், பல பொய்யர்கள் இரண்டு பக்கமும் பணம் வாங்கிக் கொள்கிறார்கள் எனவும் தெரிவித்தார். 

இதுபற்றியும் நீதியைத்தேடி... குற்ற விசாரணைகளின் நூலில், நாமே வாதாடுவதற்கும் பொய்யர்கள் வாதாடுவதற்கும் இடையே உள்ள வேறுபாட்டு அட்டவனையில் திரு. வாரண்ட் பாலா அவர்கள் எழுதியுள்ளார்.

குறிப்பாக, நீங்கள் யாரென்று தெரியாது என்றும், நம்ம எஸ்.சி நண்பர்கள், இத்தொழிலுக்கு வந்து அனைத்தையும் கெடுத்து விட்டார்கள் என்றும் கூறினார். இப்படியொரு விரோதமான விசயத்தையும், நீதியைத்தேடி... சாட்சியங்களைச் சேகரிப்பது எப்படி நூலில் எழுதியுள்ளார்.

மொத்தத்தில், நம்முடைய ஆசிரியர் திரு. வாரண்ட் பாலா அவர்கள் சொல்வதைத்தான் இவரும் சொல்கிறார்.  

ஆனால், இவரையும் இவருடைய நண்பர்கள் சிலரையும் நல்லவர்களாக காட்டிக்கொள்ள 100 இல் 4 %  குறைத்துச் சொல்கிறார். அவ்வளவே! 

ஆகவே, நம் சமூகத்திற்கு, நாம் செய்ய வேண்டிய கடமைகள் ஏராளமாக உள்ளன என்பதை, என்னால் உணர முடிகிறது. உங்களால் உணர முடிகிறதா?

குறிப்பு: 
கட்டுரை ஆக்க முயற்சி: ம. பி. தாமோதரன்.
முழுமையாக்கம்: வாரண்ட் பாலா

இதே சங்கதிகளை பற்றி இதற்கு முந்தையப் பதிவுகள் வழக்குகள் குறித்த நாளிதழ் விளம்பரங்களுக்கான முகநூல் குழு
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Saturday, April 15, 2017

விளையாட்டுத்தனமான காரியங்களை ஆதரித்து வீணா(க்)காதீர்கள்!


‘‘கூடி வாழ்ந்தால் கோடி நன்மை’’ என்ற வகையில் ‘‘நாலுபேர் சேர்ந்தா நல்லா இருக்கலாம்’’ என்ற காலம்போய், ‘‘இன்று நாலுபேர் சேர்ந்தா நாசமாய் போகலாம்’’ என்றாகி விட்டது.

ஆணாக அல்லது பெண்ணாக இருந்தாலும், தனியாக இருக்கும்போது, அமைதியாகத்தான் இருக்கின்றனர். இது இரண்டு மூன்றுபேர் வரையிலுங் கூட ஒரளவிற்கு தொடர்கிறது.

ஆனால், இதுவே நாலுபேர் அல்லது அதற்குமேல் என்றாகி விட்டால், எவ்வளவுக்கு எவ்வளவு நாசமான காரியங்களில் ஈடுபட முடியுமோ, அப்படி செய்கிறார்கள் என்பதை, நீங்கள் எந்தவொரு இடத்திலும் ஆராய்ந்துப் பார்க்கலாம்.

இதற்கு அடிப்படைக் காரணம், நால்வர் மத்தியில் தன்னை (ந, வ)ல்லவராக காட்டிக் கொள்ளவேண்டும் என்ற அற்பத்தனமான ஆசையை தவிர, பெரிதாக  வேறொன்றும் இருப்பதாக தெரியவில்லை.

முதலில் ஒருவர் செய்யும் செயலுக்கு, மற்றவர்கள் ஒவ்வொருவரும் ஆதரவு தருவதால், மற்றவர்கள் எல்லை மீறிப்போய் விடுகிறார்கள். எனவே, இதுபோன்ற ஆபத்து நிறைந்த ஒருவரின் செயலை கண்டுங்காணாமல் இருந்து விட்டால், அவரவர்களும் அமைதியாகி விடுவார்கள். ஆகையால், அனைவரும் நன்மை அடையலாம். 

இப்படித்தான், சுமார் 20 ஆண்டுகளுக்கு முன் காவலூழியரின் மகன் ஒருவன், ஒருத்தியை காதலித்து இருக்கிறான். இதனை அவனது நான்கு நண்பர்களும் ஊக்குவித்து இருக்கிறார்கள்.

ஒருநாள் அவளிடம், எனக்கு வீட்டில் திருமண ஏற்பாடுகளை செய்கிறார்கள். ஆகையால், நீயும் யாரையாவது திருமணம் செய்துக் கொண்டு சந்தோசமாய் இரு என உறுதியாய் சொல்ல, அவளோ காதலை ஊக்குவித்த அவனது நண்பர்களிடம் தூதுக்கு சென்றிருக்கிறாள்.

அவர்களும், அவன் காவலூழியரின் மகன். உன்னை போழுது போக்குக்காக காதலித்தான். அதனை நீ நம்பினால் எப்படி என சொல்லவே மனம் உடைந்து போன அவள், தன்னை தீயிட்டுக் கொண்டாள்.

கூடவே, இதையெல்லாம் மரண வாக்கு மூலத்தில் சொல்லி விட்டதால், உயர்நீதிமன்ற நிதிபதிகள் வரை ஐந்து பேருக்கும் ஆயுள் தண்டனை உறுதி செய்து விட்டார்கள். இதற்கும், அவர்கள் ஒவ்வொருவரது சொத்துக்களும் பொய்யர்களிடம் போய்விட்டன.

ஆகையால், உச்சநீதிமன்ற நிதிபதிகளிடம் மேல்முறையீடு செய்ய வசதி இல்லாமல், வேலூர் சிறையில் நான்கு பேரும் தண்டனை அனுபவித்தனர்.

அந்த காவலூழியரின் குடும்பம், தன் மகனை தண்டனையில் இருந்து காப்பாற்றி விட வேண்டுமென, எவ்வளவே அலைந்தார்கள். மற்ற நால்வரின் குடும்பத்தைப் பற்றி எனக்கு எதுவுமே தெரியாது.

இதில் கொடுமை என்னவென்றால், உண்மையிலேயே காவலூழியரின் மகன், அவளை காதலித்து இருக்கிறான். சும்மா, விளையாட்டுக்காகப் பொய் சொன்னது, நண்பர்களையும் அப்படியே சொல்லி வெறுப்பேற்றச் சொன்னது எல்லாம், அவனது வாழ்க்கையை மட்டுமல்ல; நண்பர்கள் நால்வரின் வாழ்க்கையையும் பாழாக்கி விட்டது என்பதுதான்!

இவனது பெயர்கூட, எனக்கு தற்போது நினைவில் இல்லை. நினைவுக்கு வருது; ஆனா வரமாட்டேங்குது.

சட்ட ஆராய்ச்சியில் நான் சந்தித்த ஆயிரமாயிரம் நபர்களில் யாருடைய பெயரைத்தான் நினைவில் வைத்துக் கொள்வது? மேலும், சந்தேகத்தின் பேரில் சிந்தித்து, தவறாக சொல்வதைவிட, இதுவே மேல்!

இவன்தான், வேலூர் சிறையில் உள்ள கைதிகளுக்கு யோகா சொல்லிக் கொடுத்தது. ஆகையால், வேலூர் சிறைக் கைதிகள் யார் என்னிடம் உதவியை கோரினாலும், இவனைதான் அணுகச் சொல்லுவேன்.

நீதியைத்தேடி... பிணை (ஜாமீன்) எடுப்பது எப்படி நூலில், தலைமறைவாக இருப்பது அருமையா! பெருமையா!! பாதிப்பா? என்ற தலைப்பில் அமெரிக்க டாலரையே கள்ள நோட்டாக அச்சடித்த பெரியவரை, வேலூர் சிறைக்கு மாற்றியபோது, அங்கு நான் சந்திக்க சொன்னவர்களில், இவரே முதன்மையானவர்.

இவர்கள் எல்லாம் தண்டனையை முடித்து விடுதலை ஆனார்களா, என்ன ஆனார்கள் என்பதெல்லாம் தெரியவில்லை. இப்படி, நான் (ச, சி)ந்தித்த பல்வேறு அனுபவங்களைச் சொல்லமுடியும். 
 
ஆனால், மேற்சொன்னதோடு சம்பவத்தோடு, இப்பத்திரிகை செய்தியே புத்தியுள்ளவர்களுக்கு போதுமானது என்பதால், மேன்மேலும் எழுதி, என் நேரத்தை விரயம் செய்ய விரும்பவில்லை.

எனவே, நீங்கள் நாலுபேரில் ஒருவராக இருந்தால், மற்றவர்கள் செய்யும் விளையாட்டுத்தனமான காரியங்களை ஆதரிக்காதீர்கள், வாழ்க்கையை பாழாக்கிக் கொள்ளாதீர்கள் என்பது எனது அ(ற, றி)வுரை!
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Wednesday, April 12, 2017

செய்திகளால் பிரச்சினைகள் கூடுகின்றன


நம் பிரச்சினை செய்தியாக வெளியானால், தீர்ந்து விடும் என எண்ணும் முட்டாள்களே அதிகம். ஆகையால், லஞ்சங் கொடுத்தாவது செய்தியை வெளியிடுகிறார்கள். படத்தோடு செய்தி வெளிவர வேண்டுமெனில், கூடுதல் லஞ்சங் கொடுக்க வேண்டும்.

இதனால் பிரச்சினைகள் தீர்வதற்கு பதில் கூடுகிறது என்பதே உண்மை. எனது இக்கருத்து தவறு என்றால், முதல்நாள் வெளியான செய்தியால், பிரச்சினை தீர்ந்தது என எல்லா செய்திகளுக்கும் மறுநாள் செய்தி வெளிவர வேண்டும். 

ஆனால், இதுபோன்று எங்காவது, எப்பொழுதாவது அரிதாக நடவடிக்கை நடந்தால்தான் உண்டு என்பதற்கு, இதுபோன்ற அரிதிலும் அரிதாக என்றாவது ஒருநாள் இதுபோன்ற செய்திகளை வெளியிடும் செய்தித்தாள்களே ஆதாரம். 


இப்படி வரும் செய்திகள் பலவும் பொதுநலனை பாதிப்பதாகத்தான் இருக்கும். இதற்கு லஞ்சம் வாங்கிக்கொண்டு கண்டுங்காணாமல் இருந்த சம்பந்தப்பட்ட ஊழியர்கள் பதில் சொல்ல வேண்டியிருக்கும் என்பதால், நடவடிக்கை எடுக்கிறார்கள்.

இதையே தனியொருவராக எவர் வேண்டுமானாலும், குற்ற விசாரணை முறைவிதி 133 இன்கீழான பொது ஒழுங்கீனமாக கருதி சாதாரண அஞ்சலட்டையை எழுதியே நடவடிக்கை மேற்கொண்டு சரி செய்ய முடியும். 

பொது ஒழுங்கீனம் என்றால், பொது இடத்தில் உள்ள ஆக்கிரமிப்புகள், பொது மக்கள் பயன்படுத்தக்கூடிய ஆறு கால்வாய் உள்ளிட்டவற்றில் போடப்பட்டு ள்ள சட்ட விரோத தடுப்புகள்,

பொது மக்களின் நலத்துக்கு கேடாக யாதொரு காரணத்திற்காகவும் சேர்த்து வைக்கப்பட்டுள்ள சரக்குகள்

கீழே விழுந்து ஆபத்தை உண்டாக்கும் நிலையில் உள்ள கட்டிடங்கள், கம்பங்கள், மரங்கள்,
அபாயகரமான மிருகங்கள் உள்ளிட்டவை என கு.வி.மு.வி 133 இல் விளக்கப்பட்டு இருந்தாலுங்கூட, அதில் சொல்லப்படாத விளம்பர பதாகைகள், அரசியல் கட்சிகளின் கொடிக் கம்பங்கள்  என பலவும் உண்டு.  

இதுபற்றி நீதியைத்தேடி... குற்ற விசாரணைகள் நூலில், மனு மாதிரிப் பகுதியில் எழுதி உள்ளேன். குறிப்பாக, இவ்விதியில் குறிப்பிடப்பட்டு உள்ள செயல்துறை நடுவர் என்பது, அரசூழியர்களான வட்ட ஆட்சியரை குறிக்கும்.

நீதித்துறை நடுவர் என்று குறிப்பிட்டு இருந்தால் மட்டுமே, பொது ஊழியர்களான நீதித்துறை ஊழியர்களான நடுவர்ளை குறிக்கும்.

இந்த சாதாரண காரியத்தைத்தான், நான்காவது தூணாக குடியரசை தாங்கி நிற்பதாக சொல்லிக் கொள்ளும் ஊடகங்கள் செய்தியாக வெளியிட்டு, இதனை சாதனைகளாக வேறு விளம்பரம் தேடிக் கொள்கின்றன.
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Follow by Email

Followers

முக்கியப் பக்கங்கள்

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு வாட்ஸ்அப் எண் 09842909190 ஆகும்.

நம் தள வகைகள்

பயின்றோர் (20-08-16)