நீ வாழ... நீயே வாதாடு... வரவேற்பு வாழ்த்து!

No law, no life. Know law, know life! என்ற நமது அடிப்படைக் கொள்கை தத்துவத்திற்கு இணங்க சட்ட விழிப்பறிவுணர்வின் (அ)வசியத்தை உணர்ந்து, ‘‘நீதியைத்தேடி... சட்டப் பல்கலைக் கழகத்திற்கு’’ வருகை தந்துள்ள உங்களை வருக என வரவேற்று, உங்களுக்கான சட்ட விழிப்பறிவுணர்வைப் பெற்று பயனைப் பெறுக என வாழ்த்துகிறோம்!
முக்கிய அறிவிப்பு : இந்த இணையப்பக்கத்தை புதுப்பிக்கும் பணி நடந்துக் கொண்டிருப்பதால், சில பதிவுகள் அல்லது இணைப்புக்கள் கிடைக்காமல் போகலாம்!

Friday, December 30, 2016

இரத்தத்தில் தேவை எச்சரிக்கை! எச்சரிக்கை!!


சில மாதங்களுக்கு முன்பு, நம் வாசகர் ஒருவரை சந்திக்க நேர்ந்தபோது, அவரது நண்பரின் மகனுக்கு கோவை கிட்னி சென்டரில் கிட்னியை மாத்துகிறார்கள் என்றும், அப்படியே அவனுக்கு உரிய ‘பி நெகட்டீவ்’ வகை இரத்தத்தின் தட்டுப்பாட்டில் சிக்காமல் இருக்க..,

அவனது இரத்தத்தை எந்த வகை இரத்தத்தோடும் பொருந்தக்கூடிய ‘ஓ வகை’ இரத்தமாக மாற்றப் போகிறார்கள் என்றும், இதற்காக சில இலட்ச ரூபாய்களை திரட்டுவதற்காக, மாற்று அறுவை சிகிச்சையை பத்து நாள்களுக்கு தள்ளி வைத்துள்ளார்கள் என்றார். 

இதனை கேட்ட எனக்கு, இவர்களது மடத்தனத்தை எண்ணி சிரிப்பதா, அழுவதா என்றே தெரியவில்லை. 

அறிமுகமில்லாத சம்பந்தப்பட்ட அவனின் தந்தையிடம்  இதுபற்றி சொன்னால், ‘அதனை அவர் காதில் வாங்கும் மனநிலையிலேயே இல்லை’ என்பதை உணர்ந்து, நம் வாசகரிடம் மட்டும், இப்படியெல்லாம் செய்ய முடியாது என்று சில விளக்கங்களைச் சொன்னேன். 

ஆனால், நண்பரான இவர் சொன்னாலே, கேட்கும் மன நிலையில் இல்லை என்று கூறிவிட்டு, இவரால் இயன்ற பண உதவியைச் செய்தார். 

மாற்று அறுவை சிகிச்சை முடிந்த பிறகு, ‘இரத்தத்தை மாற்றி விட்டார்களா’ என்று நம்ம வாசகரிடம் கேட்டேன். ‘அதென்னமோ மாற்றினோம்; ஆனால், மாறவில்லை என்று சொல்லி விட்டார்களாம்’ என்றார். 

இயற்கை நிர்ணயித்த இரத்த வகையை, இவர்கள் மாற்றினால் என்னவாகும் என்பதற்கு, உண்மையில் நடந்த சம்பவம் ஒன்றே இருக்கிறது. இதுபற்றிய செய்தி, சுமார் ஒரு மாதங்களுக்கு முன்பு தொல்லைக்காட்சிகளில் விளக்கமாக ஒளிபரப்பு செய்யப்பட்டது. ஆனால், இணையத்தில் தேடியதில் தீக்கதிர் நாளிதழ் செய்தி மட்டுமே கிடைத்தது, இதோ!  
   

18 ஆண்டுகளாக குழந்தை இல்லாமல் தவமிருந்து, நன்னிலம் அரசு மருத்துவமனையில் குழந்தை பெற்ற தாய்க்கு, ‘பி பாசிடிவ்’ வகை இரத்தத்தை ஏற்றுவதற்கு பதிலாக, ‘பி நெகட்டீவ்’ வகையை ஏற்றியதால், கோமா நிலைக்கு சென்றதான செய்தி, திருவாரூர் மாவட்ட தலைமை அரசு மருத்துவமனையால் உறுதிப்படுத்தப்பட்டு உள்ளது. 

எனக்கு தெரிய, இரத்தம் செலுத்துவதில் உள்ள கோளாறுகள் குறித்து, இப்படியொரு செய்தி இந்தியாவில் வெளியாகி உள்ளது, இதுவே முதல் முறையாகும். 

இதுமட்டுமல்ல; இப்படி இன்னும் பல அதிர்ச்சிகரமான உண்மை செய்திகள் ஆதாரப்பூர்வமாக இனி வருங்காலங்களில் வெளிவரும் என்பதை எனது தொலைநோக்கு ஆராய்ச்சியில் அறிந்தே இருந்தேன்.  

ஆமாம், உண்மையில் இதையெல்லாம் நான் ஆராய்ந்து சுமார் நான்காண்டுகளுக்கு முன்பே எழுதிய, ‘இரத்ததானம்: மக்களை மதி மயக்கி ஏமாற்றும் மருத்துவத்துறை’ கட்டுரையிலேயே எழுதி இருப்பேன்.  

ஆனால், இதில் சச்சரவு ஏற்பட்டால், அறிவியல் பூர்வமாக நிரூபிக்க வேண்டி இருக்கும். இதற்காக, ஆங்கில மருத்துக் கொள்ளை யர்களின் உதவியைத்தான் நாட வேண்டி இருக்கும். அவர்களது தொழிலுக்கு பாதகமான உண்மைகளை அவர்கள் வெளிப்படுத்த மாட்டார்கள் அல்லவா?

ஆகையால்தான், அக்கட்டுரையின் இறுதியில், 

‘‘இரத்ததானம் உடலுக்கு நல்லது என்றால், முதலில் அதை மருத்துவர்களுக்கு கட்டாயமாக்க வேண்டும். உனக்கேன் அவர்கள் மீது அவ்வளவு அக்கறை என்று சந்தேக கண்ணோட்டத்தோடோ அல்லது வேண்டா வெறுப்பாகவோ பார்க்காதீர்கள்.

ஏனெனில், அவர்கள் உடல் நலத்தோடு இருந்தால்தானே நாமும் உடல் நலத்தோடு இருக்க முடியும்! அதுவரை, மருத்துவர்கள் உண்டு கொழுப்பதற்கு உணர்ச்சி வயப்பட்டோ அல்லது புண்ணியம் தேடியோ தேவையில்லாமல் இரத்ததானம் செய்வதை தவிர்ப்போம்.

மாறாக, வி(ஆ)பத்தில் சிக்கும் உற்றார், உறவினர், நண்பர்களின் தேவைக்கு ஏற்ப இரத்ததானம் செய்து புண்ணியம் தேடிக் கொள்வதோடு, தானத்திற்கு பின் நமது உடல் நலனில் தகுந்த அக்கரை கொள்வோம். நமக்காக அடுத்தவர் தானம் செய்வதை முன்னெச்சரிக்கை நடவடிக்கையாக தடுப்போம். மருந்தில்லா மகிழ்ச்சி வாழ்வு வாழ்வோம்’’ 

என்று சூசகமாகவும், அதே நேரத்தில் எல்லோரும் புரிந்துக் கொள்ளும் விதத்திலும், என் முடிவைச் சொல்லி இருந்தேன்.

இந்தத் தலைப்பை (‘இரத்ததானம்: மக்களை மதி மயக்கி ஏமாற்றும் மருத்துவத்துறை’) கூகுளில் பதிவிட்டால், பலரும் பல தளங்களில் பதிவிட்டு இருப்பதைப் படிக்கலாம்.

அக்கு ஹீலர்கள் நடத்தும் வகுப்புக்களில், இதனை எல்லோருக்கும் அச்சிட்டே வழங்குவதாக, அவர்களும், வேறு பலருங்கூட சொல்கிறார்கள். இதைப்பற்றி முழுமையாக அறிந்துகொள்ள விரும்புபவர்களுக்காக இத்தகவலைச் சொல்கிறேன். இதனை இப்பொழுதாவது புரிந்துக் கொள்ளுங்கள். 

ஆமாம், இரத்தம் கொடுப்பவர்களுக்கு சில தீர்க்கக்கூடிய பிரச்சினைகள் என்றால், யாருடைய இரத்தம் என்றே தெரியாமல் ஏற்றிக் கொள்பவர்களுக்கு தீர்க்க முடியாத நோய்வாய்ப் பிரச்சினைகள் எண்ணில் அடங்காதவை என்று நான் சொன்னால், சில முட்டாள்கள் நகைக்கக்கூட கூடும். 

ஆனால், இம்முட்டாள்கள் தங்களது வாகனத்திற்கான பெட்ரோல் எரிபொருளைக்கூட, வெவ்வேறு பங்குக்களில் போட்டால், வண்டியின் எஞ்சின் பழுதாகி விடுமென்று, ஒரே பங்கில் எரி பொருளை நிரப்பும் புத்திசாலிகளாக இருப்பார்கள். அவ்வளவே!  
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Sunday, December 25, 2016

பைத்தியக்காரர்கள்!


பைத்தியக்காரர்கள், தங்களைத் தாங்களே பாதுகாத்துக் கொள்ள சக்தியற்றவர்களாகவும், தங்களுடைய உறவினர்கள் அல்லது நண்பர்களால் கவனிக்கப்படாமலும், ஊரில் திரிந்துக் கொண்டிருக்கும் போதாவது அவர்கள் அபாயத்துக்கிடமாயிருக்கும் போதும் அது குறித்து காவலருக்கு மட்டுமல்லாது அந்தக் கிராம அதிகார வரம்புள்ள சம்பந்தப்பட்ட நீதிபதிக்கும் உடனே அறிக்கை அனுப்ப வேண்டியது கிராம நிர்வாக அலுவலரது கடமையாகும்.  

இப்படிப்பட்ட பைத்தியக்காரர்களைக் காவலர்கள் தங்கள் பொறுப்பில் எடுத்துக் கொள்ளும் வரை அவர்களைக் கிராம நிர்வாக அலுவலர்கள் பாதுகாப்பாக வைத்திருக்க வேண்டும் என கிராம நிர்வாக ஊழியர்கள் மற்றும் குடிமக்கள் நடைமுறை நூலின் அத்தியாயம் 3 பிரிவு 7 அறிவுறுத்துகிறது. 

இதன்படி, இப்படி திரிபவர்கள் மட்டுமா பைத்தியக்காரர்கள்?


இச்சட்ட கடமையை செய்யாத கிராம நிர்வாக ஊழியர்களும், இதுபற்றிய போதிய விழிப்பறிவுணர்வு இல்லாது இருக்கும் மக்களுந்தான்!

ஆமாம், உங்களுக்காக செய்யப்படும் வேலைக்காக தனியொரு ஊழியருக்கு நீங்கள் கூலி கொடுப்பது போலவே, உங்களது வரிப்பணத்தில் இருந்து கூலி வாங்கும் அரசூழியர்களையும் சட்டப்படி வேலை வாங்க வேண்டியது, உங்களின் கடமைதான் என்பதை குறிக்கும் விதமாகவே, ‘குடிமக்கள் நடைமுறை நூல்’ என்றும் தலைப்பில் அறிவுறுத்தப்பட்டு உள்ளது. 

தனியார் நிறுவன முதலாளிகள், தங்களது ஊழியர்களை செம்மையாக வேலை வாங்குவது போலவும், அப்படிச் செய்யா விட்டால் வேலையை விட்டு அனுப்புவது போலவும், இனியாவது உங்களது அரசூழியர்களை வேலை வாங்கி உங்களது சட்டக் கடமைகளை நடைமுறைப்படுத்துவீர்களா, என்பதே என்னிடம் எஞ்சி நிற்கும் கேள்வி?!
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Friday, December 23, 2016

திருடியவர்களிடம் இருந்து மீட்க எளிமையான வழி...


உங்களின் பணமோ அல்லது விலை உயர்ந்த சிறு பொருளோ, உங்களது வசிப்பிடத்தில் இருந்து காணாமல் போய் விட்டதா? கவலை வேண்டாம்!

ஆமாம், அதனை திருடியவர்களிடம் இருந்து மீட்க எளிமையான வழி... 

உங்களது வசிப்பிடத்திற்கு அடிக்கடி வரும் அண்டை வசிப்பிடத்தார்களில் குறிப்பிட்ட ஒருவரே திருடி இருப்பா(ர், ள்) என நீங்கள் நம்பினால், 

நீ வந்து போன பிறகுதான் காணாமல் போய் இருக்கிறது அல்லது வேறு எங்காவது வைத்து விட்டு மறந்து விட்டேனா என்றும் தெரியவில்லை என்ற தொனியில், அத்திருடர்களையே தேடிப்பார்க்க அனுமதித்தால் போதும். 

அத்திருடர்கள், நம் திருட்டு (தன, குண)த்தை கண்டு படித்த விட்டார்கள் என்பதை உணர்ந்து, அதிலிருந்து தப்பிக்க, ‘‘எங்க தேடுனீங்க, இங்கயேதான் இருக்கு எனக்கூறி அத்திருடர்கள் திருடியதையே (உத்தமர்கள்போல கண்டு பிடித்து) கொடுத்து விடுவார்கள்’’. 

குறிப்பாக, அக்கம் பக்கத்து வீடுகளில் வசிக்கும் குடும்பப் பெண்களிடம், இதுபோன்ற திருட்டுக்குணம் மிகமிக அதிகம். 

இதன் பிறகு நீங்கள் விரும்பினால், நான் தேடியபோது கிடைக்காதது, உனக்கு மட்டும் எப்படி கிடைக்கும் என கேள்வி எழுப்புவதன் மூலம், அத்திருடன் நீயே என்பதை மறைமுகமாக உணர்த்தி விடலாம்.  

இதில் முக்கியமான விசயம், அவர்களை தேட அனுமதிக்கும்போது, நீங்கள் அத்திருடர்களின் அருகில் இருந்து தேடக்கூடாது. இதைவிட எளிமையான வழி கிடையாது என்பதோடு, அத்திருடர்கள் இனி உங்களது வீட்டுக்குள் நுழையவும் அச்சப்படுவார்கள். 

ஆகையால், வாய்ச் சண்டை சச்சரவு இல்லாமல், அத்திருடர்களை நட்புறவு கொண்டாடுவதில் இருந்து புறத்தே ஒதுக்கிவிட முடியும்.   

அத்திருடர்கள் வாடகை வசிப்பிடதாரர்களாக இருந்தால், அவர்களின் திருட்டுக் குற்ற உணர்வால், வீட்டையே மாற்றிக் கொண்டு கூட போய் விடுவார்கள். 

இப்படியொரு சம்பவம் சில வருடங்களுக்கு முன்பு நான் வசித்த இடத்தில், நான் சொன்ன ஆலோசனையின்படி, அப்படியே அப்பட்டமாக நடந்தது. 


இந்தப் பத்திரிகை செய்தியைப் படித்தபோது, ஏனோ இந்த சம்பவத்தை உங்களது பொருள் திருட்டுக்கான தீர்வாக சொல்ல வேண்டுமென தோன்றியது. 

ஆமாம், இப்படி சரியான மற்றும் எளிமையான மாற்று வழிமுறைகளை யோசிப்பதை எல்லாம் விட்டுவிட்டு, காவலூழியர்களிடம் சென்றால், என்னென்ன நடக்கும் என்பது ஊரறிந்த இரகசியந்தான். 

ஆகையால், நான் எதுவுஞ் சொல்லத் தேவையில்லை. அவ்வளவே!       
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Thursday, December 15, 2016

உலக ஊழலில் கொழுக்கும் ஸ்விஸ் வங்கிகள் - முடிவு


உலக ஊழலில் கொழுக்கும் ஸ்விஸ் வங்கிகள் - பாகம் 4

ஜூலியன் அஸ்ஸான்ஜ் எனும் பெயர் கொண்ட ஒருவர் ஒருநாள் அதிகாலையில் எழுந்து குளித்துவிட்டு ஈரம் சொட்டச் சொட்ட நேராகக் கோவிலுக்குப் போனார். அங்கிருந்த அகோர வீரபத்ர மஹாகாளியின் திருவுருவத்தின் முன்னால் சாஷ்டாங்கமாக விழுந்து நமஸ்கரித்தார். 

‘இவ்வுலகில் அனைத்து அரசாங்கங்களும் பல்வேறு வகைகளில் பொது ஜனங்களை ஏமாற்றிக் கொண்டு, புளுகு மூட்டைகளை அவிழ்த்து விட்டுக் கொண்டு, மோசடிகள் செய்து கொண்டு தாங்கள் பெரிய யோக்கியர்கள் மாதிரி வெளியில் நடமாடிக் கொண்டிருக்கிறார்கள். அவர்களின் அத்தனை புளுகு, மோசடிகளையும் தேடிப்பிடித்து அவர்களின் முகமூடிகளை உரித்து உண்மைகளைப் பொதுமக்களுக்குக் காட்டுவேன். இந்தப் பணியில் எனக்கு யாரும் துணை வந்தாலும், வராவிட்டாலும் தனியாகவே இந்தப் பூவுலகில் என் வாழ்நாள் உள்ளவரை இதைச் செய்வேன்’ என்று காளிமாதாவின் முன்பாக வலது கையை நீட்டி வீர சபதம் எடுத்துக் கொண்டார். 

அவர் இதைச் சொல்லும்போது ஜகன்மாதாவின் கண்கள் அவரை ஆசீர்வதிப்பது போல் ஒருமுறை திறந்தன. ஆனால் அவர் அதைக் கவனிக்கவில்லை. அவர் கோவிலிலிருந்து வெளியே வரும் போது சூரியன் உதயமாகிக் கொண்டிருந்தது. அவர் சூரியனையும் கவனிக்கவில்லை. ஆனால் சூரிய பகவான் தன் அருட்பார்வையோடு அவரைக் கவனிக்கத் தவறவில்லை. விடு விடு வென்று நேர்ப் பார்வையோடு நடந்து கொண்டிருந்த அவர் மேனியின் மீது சூரிய பகவானின் பொற்கிரணங்கள் மிகுந்த வாஞ்சையுடன் தழுவலாயின. அவரின் ஈர உடலை வெது வெதுப்பாக்கின. இந்தப் பாலகன் இனி சூரியனையே பார்க்க முடியாதபடி ஆக்கி விடுவார்களே என்பதை சூரிய பகவானே உணர்ந்து வருந்தியது போலிருந்தது.

அவர் தான் சபதம் எடுத்த நன்னாளிலிருந்து இன்றுவரை ராப்பகல் பார்க்காமல் விடா முயற்சியுடன் உலகக் கணினி களில் கொட்டிக் குவித்திருக்கும் அத்தனை குப்பைகளையும் கிளறிக் கிளறி, பற்பல தகவல்களை சேகரித்து காலை, மதியம், மாலை, இரவு என்று வேளைக்கு ஒன்றாகப் பற்பல அதிர்ச்சித் தகவல்களை உலகெங்கும் கொடுத்து, உலகின் பற்பல அரசியல்வாதிகள், அதிகாரிகளின் ராத்தூக்கத்தைக் கெடுக்கலானார். 

அவர் எப்படியோ பெரும் முயற்சி செய்து ஒரு ஸ்விஸ் வங்கி ஊழியரின் தயவை சம்பாதித்துக் கொண்டார். எத்தனையோ அரசாங்கங்கள் எவ்வளவோ முயன்றும் அடைய முடியாத, பல பேருடைய ஸ்விஸ் வங்கி விவரங்களை அவர் ஒரே நாளில் பகிரங்கமாக்கினார். மக்கள் தாங்கள் அன்றாடம் தொலைக் காட்சிகளில் காணும், ‘ஈ’ யென்று புன்னகைத்துக் கொண்டே பற்பல பொருட்கள் விற்கும், பிரபலங்களின் பெயர்களெல்லாம் அந்தப் பட்டியலில் இருப்பதைக் கண்டு திகைப்பில் மூச்சடைத்து ஆவென்று வாயைப் பிளந்தார்கள்.

ஆனால் அந்தத் தகவல்களை வைத்துக் கொண்டு எந்த அரசாங்கமும் ஏதேனும் செய்ததா இல்லையா என்றெல்லாம் யாருக்கும் தெரியாது.          

‘இந்த அரசாங்கங்களெல்லாம் ஆங்காங்கு தங்களுக்கு ஏற்றாற்போல் வங்கிகளும் சட்டங்களும் விதவிதமாக வைத்துக் கொண்டு ஸ்விஸ் வங்கிகளை மட்டும் ஓயாமல் நெருக்கிக் கொண்டிருப்பது என்ன நியாயம், எந்த ஊரில் ஊழல் இல்லை, எந்த வங்கியில் ஊழல் இல்லை’ என்று காரமாகக் கேட்பவர்கள் இவ்வுலகில் இருக்கிறார்கள்.

இன்னொரு பக்கம் ‘ஏதோ இந்த அரசாங்கங்களெல்லாம் மிகவும் யோக்கியக்காரர்கள் போலவும் மக்களிடம் எப்பொதும் உண்மையே பேசுகிறவர்கள் போலவும், மக்களை எந்த சந்தர்ப்பத்திலும் கொஞ்சம் கூட ஏமாற்றாதவர்கள் போலவும், ’மக்களெல்லாம் எங்களை ஏமாற்றுகிறார்கள், மக்களெல்லாம் எங்களை ஏமாற்றுகிறார்கள்’, என்று உலகெங்கும் ஒவ்வொரு நாளும் கூவிக் கூவிக் குறை சொல்வது என்ன நியாயம், மக்கள் இவர்களை மதிக்கவில்லை என்று ஒப்பாரி வைக்கிறார்களே, இவர்கள் மக்களுக்கு என்ன மதிப்பு கொடுத்துக் கிழித்து விட்டார்களாம்’ என்று கோபமாகக் கேட்பவர்களும் இவ்வுலகில் இருக்கிறார்கள்.

மற்றொரு பக்கம் அரசாங்கங்களின் பல்வேறு நடவடிக்கைகளில் சிக்கி நசுங்கி, ‘உண்மையில் ஊழல் செய்பவர்களைப் பிடிப்பதற்குத் துப்பில்லாமல், தானுண்டு தன் வேலையுண்டு என்றிருக்கும் சாதாரண மக்களைப் போய் வாட்டி வதைத்துக் கொண்டிருக்கிறர்களே’ என்று விசனப் படும் அப்பாவிகளும் இருக்கிறார்கள்.

இவ்வுலகில் வல்லரசுகளால் ஆக்கிரமிக்கப்படும் பொருளாதார ஏகாதிபத்தியத்திற்கும், முதலாளித்துவ அமைப்பின் அடிப்படையில் உள்ள பல்வேறு குளறுபடிகளுக்கும், சர்வதேச பொருளாதாரத்தில் இருக்கும் பற்பல முரண்பாடுகளுக்கும், பெரு வர்த்தக சூதாட்டங்களுக்கும், ஜனநாயக, சோஷலிஸ, கம்யூனிஸ, மன்னராட்சி, சர்வாதிகார ஆட்சிகள் என்று பலவிதங்களில் ஆட்சிகள் புரிந்து கொண்டிருக்கும் அத்தனை அரசாங்கங்களின் மனசாட்சிக்கும், அதே சமயத்தில் ஒவ்வொரு தேசத்தின் பணக்காரர்களின் மனசாட்சிகளுக்கும், எளிமையான ஒரு ஒற்றை வரி சட்டத்தின் மூலம், அமைதியாக ஒரு மாபெரும் சவாலை முன்வைத்து விட்டு, இவ்வுலகில் தம் போக்கில் இயங்கிக் கொண்டிருக்கும் ஸ்விஸ் வங்கிகள் கொழுத்த லாபமும் ஈட்டிக் கொண்டிருக்கின்றன.

இதற்கிடையில் கடந்த வருடம் ஸ்விட்ஸர்லாந்து தேசத்தின் பொருளாதார அமைச்சரான ஜோஹன் அம்மான் என்பவர் இந்தியாவுக்கு விஜயம் செய்தார். நம் அரசாங்க அதிகாரிகள் எல்லாம், அவருக்கு ஷோடஸ உபசாரங்கள் எல்லாம் செய்துவிட்டு, அவர் ஓய்வாக அமர்ந்து கொண்டு வெற்றிலை பாக்கு போட்டுக் கொண்டிருக்கும் சமயமாகப் பார்த்து அவரிடம், ‘எங்கள் ஊரில் சிலர் ஊழலெல்லாம் செய்துவிட்டு உங்கள் ஊர் வங்கியில் பணத்தைப் போட்டிருக்கிறார்கள்...’ என்று இழுத்தார்கள். 

அவரும் ‘அடடா, ஊழல் செய்துவிட்டார்களா, ரொம்ப தப்பாச்சே, ச்சூ ச்சூ’ என்று வருத்தப்படவே மிகுந்த தைரியம் கொண்டு, ‘தாங்கள் பெரிய மனது பண்ணி அந்த வங்கி கணக்கு விவரங்களெல்லாம் எங்களுக்குக் கொஞ்சம் கொடுத்தால் நன்றாயிருக்கும்’ என்று மிக்க பணிவுடன் விண்ணப்பித்துக் கொண்டார்கள். அவரும், ‘ஆஹா, அதற்கென்ன கொடுத்துவிட்டால் போச்சு, நான் ஊருக்குப் போனவுடன் முதல் காரியமாக எங்கள் பாராளுமன்றத்திடம் இதைக் குறித்து பேசுகிறேன், என்ன, கொஞ்சம் சட்டத்தை மாற்ற வேண்டியிருக்கும் அவ்வளவுதான்’ என்றார்.

‘விஷயம் இவ்வளவு சுலபமாக முடிந்துவிட்டதே’ என்று சந்தோஷத்தில் திக்கு முக்காடிப்போன அதிகாரிகள் அவரிடம் மேலும், ‘தயவு செய்து தாங்கள் இப்போது சொன்னதை அப்படியே கொஞ்சம் எங்கள் ஊர் பத்திரிக்கைக் காரர்களிடமும் சொல்ல வேண்டும்’ என்று கேட்டுக் கொண்டார்கள். அவரும், ‘அதற்கென்ன, பேஷாக சொல்லிவிடுகிறேன், கூப்பிடுங்கள் பத்திரிக்கைக் காரர்களை’ என்றார். ஆங்கிலத்திலான அந்தப் பத்திரிக்கை செய்தி கீழே கொடுக்கப்பட்டுள்ளது.

“Switzerland’s Economic Affairs Minister Johann Schneider Ammann during his India visit on May 15 said that the Swiss government was sensitive to the fact that the issue of black money was very important for India and needed to be resolved.
“Switzerland has decided to follow international standards, including those framed by OECD, in sharing information and providing assistance to foreign countries probing such cases, but we have to ask our Parliament to make changes in our laws,” he said”. 

நன்றி ‘தி ஹிந்து’

ஊருக்குப் போனவர் போனவர்தான்.

இந்நிலையில் இவ்விஷயத்தில் இந்தியாவைப் பொறுத்தவரை, ஒயாமல் இதைப்பற்றிப் பேசுவதைத் தவிர சொல்லிக் கொள்ளும் படியாக எந்த முன்னேற்றமும் ஏற்பட்ட மாதிரி இதுவரை தெரியவில்லை. ஒரு வேளை உலகிற்கே மிகுந்த அதிசயமாக எதாவது முன்னேற்றம் ஏற்பட்டு அதை வெளியில் சொல்லாமல் இருக்கிறார்களா என்பதும் தெரியவில்லை.

‘ஸ்விஸ் வங்கிகளிலிருப்பதாக நம்பப்படும் பணத்தை மீட்டு இந்தியாவுக்குக் கொண்டு வருவது’ எனும் இவ்விஷயத்தைப் பொறுத்தவரை செய்வதற்கு ஏதாவது இருக்கிறதா என்பதும் தெரியவில்லை. ஆனால் அமெரிக்காவும், ஐரோப்பிய யூனியனும் கொடுக்கும் நெருக்கடிகளைப் பொறுத்து எதிர்காலத்தில் ஸ்விஸ் வங்கிகளின் நிலைப்பாடு எப்படியிருக்கும் என்பதும் தெரியவில்லை.

அதேசமயம் ஒருவேளை அமெரிக்க ஐரோப்பிய நிர்ப்பந்தங்களுக்கு ஸ்விஸ் வங்கிகள் வளைந்து கொடுக்கலாம். ‘கூடத்துக்கு விடிந்தால் தாழ்வாரத்துக்கும்தான் விடிய வேண்டும்’ என அப்படி ஒரு சந்தர்ப்பத்துக்காகக் காத்திருக்க வேண்டியதுதான்.

அதுவரை வழக்கம் போலவே தொலைக்காட்சிகளில் தொண்டை கிழியக் கார சாரமாக விவாதங்கள் பண்ணிக் கொண்டும், இதைப் போலவே கட்டுரைகளைப் பத்திரிகைகளில் எழுதிக் கொண்டும், குண்டுச் சட்டியில் குதிரை ஓட்டிக் கொள்ளலாம்.   

இவ்வுலகில் ஒரு ஜனநாயக தேசம். சாதுவான மக்கள். அங்கு ஒரு வங்கி. அது தன் வாடிக்கையாளர்கள் யார், அவர்கள் தன் வங்கியில் என்ன பணம் போட்டார்கள் என்ன பரிவர்த்தனை செய்கிறார்கள் என்பதை யாருக்கும் சொல்ல மாட்டோம் என்று கூறுகிறது. அவ்வாறு அது கூறுவதற்கு அந்த தேசத்தின் அரசாங்கம் சட்ட பூர்வமான அங்கீகாரம் அளித்திருக்கிறது. 

அந்த சட்டத்திற்கு அந்த தேசத்து ஜனங்களும் முழு மனதோடு ஒப்புதல் அளித்திருக்கிறார்கள். ஆதலால் அந்த வங்கியில் யார் பணம் போட்டார்கள் என்று அந்த வங்கி வெளியில் சொல்லப் போவதில்லை. அந்த வங்கியில் பணம் போட்டவர்களும் வெளியில் சொல்லப் போவதில்லை. இந்த வியூகத்தை எப்படிக் கடப்பது என்று இந்த உலகில் ஏனைய எந்த அரசாங்கத்திற்கும் இன்றுவரை புரியவில்லை. இவ்வளவுதான் விஷயம். 

பின் குறிப்பு:


இந்தக் கட்டுரையை எழுதி முடித்த மறுநாள் ஒரு வரலாற்று நிகழ்வு நிகழ்ந்துள்ளதாகப் பத்திரிகை செய்திகளின் வாயிலாக அறிகிறோம். நாம் மேலேகண்ட ஸ்விட்ஸர்லாந்து அரசாங்கத்தின் நிதியமைச்சருடன் இந்தியாவின் தற்போதைய பிரதம மந்திரியானவர் பேச்சு வார்த்தை நடத்தி அதன் பின்பு இந்திய அரசாங்கம் ஸ்விட்ஸர்லாந்து அரசாங்கத்துடன் ஒரு ஒப்பந்தம் போட்டிருப்பதாக அறிகிறோம்.

நம் பத்திரிகைகள் இந்த ஒப்பந்தத்தின்படி 2019 ஆம் ஆண்டிலிருந்து ஸ்விஸ் வங்கிகள் இந்தியாவின் சம்பத்தப்பட்ட அதிகாரபூர்வ நிறுவனங்களுடன் கணக்கு விவரங்களைப் பரிமாறிக்கொள்ளும் என்று தெரிவிக்கின்றன. 

அப்படிப்பட்ட கணக்கு விவரங்கள் பரிமற்றம் எனும் விஷயம், 2018 ஆம் ஆண்டிலிருந்து புதிதாகத் தொடங்கப் படும் கணக்கு விவரங்களை மட்டுமே குறிக்கும் என்றும், வாடிக்கையாளர்களின் ரகசியங்களைப் பாதுகாக்கும் ஸ்விஸ் வங்கியின் நோக்கத்தை இந்தியா மிகவும் மதிக்கிறது என்றும் சொல்லியிருக்கின்றன.

அதேசமயத்தில் ஸ்விட்ஸர்லாந்து பத்திரிக்கைகள் இவ்விஷயத்தை ஆமோதித்தாலும் கூடவே இன்னொரு செய்தியும் போட்டிருக்கின்றன. அதாவது இந்த ஒப்பந்தத்தைக் குறித்தான விஷயங்களைப் பாராளுமன்றத்தின் ஒப்புதலுக்காக முன்வைத்து பாராளுமன்றத்தில் ஒப்புதலான பின்னும், மேலும் அதற்குரிய சட்ட மாற்றங்களையும் செய்த பின்புதான் இந்த ஒப்பந்தம் நடை முறைப்படும் என்று சொல்லியிருக்கின்றன.

மேற்கண்ட விஷயங்கள், ஸ்விஸ் வங்கியிலிருக்கும் இந்தியப் பணத்தைக் கொண்டு வருவதற்குரிய சாத்தியக் கூறுகளைக் குறித்து இக்கட்டுரை ஊகித்ததை சரியென்று ஆமோதிக்கின்றன.  

அதாவது 2018 இலிருந்து கணக்கு தொடங்குபவர்களைப் பற்றி மட்டும் தான் விவரங்களைப் பரிமாறிக் கொள்வது என ஓப்பந்தம் ஆனது போல் தெரிகிறதே தவிர, பழைய விவரங்களைக் குறித்து இனிமேல் இந்தியாவானது மூச்சுகூட விடாது என்று தெரிகிறது. 

இதன் மூலம் ஸ்விஸ் வங்கியிலிருக்கும் இந்தியப் பணத்தை மீட்டுக் கொண்டு வருவோம் எனும் வாக்குறுதியையும் இனி குழி தோண்டிப் புதைத்து விட வேண்டியதுதான் என்பதும் புரிகிறது. 

அதேபோல் ஸ்விட்ஸர்லாந்து அரசாங்கமானது தனது ஏனைய ஒப்பந்த வழக்கத்தைப் போலவே, பாரளுமன்ற ஒப்புதல் என்று மீண்டும் சொல்லியிருப்பது, அது எதிர்காலத்திலாவது கணக்குகளை ஏனைய அரசாங்கங்களுடன் பரிமாறிக் கொள்ளுமா என்பதில் எழும் ஒரு சந்தேகம் இன்னும் முழுதாகத் தீர்ந்தபாடில்லை.

ஆனாலும் எதிர்காலத்தைப் பொறுத்தவரை அது தன் பாரளுமன்ற ஒப்புதலை முறைப்படி பெற்றுக்கொண்டு ஒப்பந்தப்படி கணக்கு விவரங்களைப் பரிமாறிக் கொள்ளும் என்றுதான் எண்ணத் தோன்றுகிறது.

இது இந்தியாவின் வெற்றி எனப் பலரும் பேசிக் கொண்டிருப்பதை நாம் காண்கிறோம். ஆனால் இதை இந்தியாவின் வெற்றியாகக் கருத வாய்ப்பில்லை. இதற்குப் பின்னால் ஒரு சர்வதேச நிர்ப்பந்தம் இருப்பதாகக் கருதவே வாய்ப்புகள் இருக்கின்றன. அந்த நிர்ப்பந்தம் என்ன என்று பார்ப்போம்.

இதன் இன்னொரு புறம், இவ்வுலகில் ஸ்விஸ் வங்கிகளுக்குப் போட்டியாகப் பல்வேறு தேசங்களிலும் பல வங்கிகள் இதேபோல் ரகசியக் கணக்குகள் தொடங்க வழி வகைகள் செய்து கொடுத்துக் கொண்டிருக்கின்றன என்பதை இக்கட்டுரையில் பார்த்தோம். ஸ்விஸ் வங்கிகளாவது ஒரு கூட்டமைப்பாக செயல் பட்டுக் கொண்டு மேலும் ஒரு அரசாங்கத்தின் வெளிப்படையான ஆதரவுடன் செயல்பட்டுக் கொண்டிருக்கின்றன. ஆனால் இது போலவே இருக்கும் ஏனைய வங்கிகள் அவ்வாறு கூட்டமைப்பாக செயல்படுவது போல் தெரியவில்லை. 

உலகில் ‘ஆஃப்ஷோர் ஃபண்ட்ஸ்’ என்றழைக்கப்படும் வெளிநாட்டுப் பணத்தில் மூன்றில் ஒரு பங்குதான் ஸ்விஸ் வங்கிகளில் புழங்குவதாக அறிகிறோம். இதன் இன்னொரு புறமாக பற்பல கார்ப்பொரேட் நிறுவனங்களும் மிஸ்பிரைஸிங்’ எனப்படும், ஏற்றுமதி செய்யப்படும் பொருட்களுக்கு விலையைக் குறைத்துக் காட்டியும், இறக்குமதி செய்யப்படும் பொருட்களுக்கு விலையை அதிகரித்துக் காட்டியும், இங்கே நஷ்டக் கணக்கு காட்டி, வெளிநாடுகளிலேயே கள்ளப் பணத்தை உருவாக்கி அங்கேயே பற்பல வங்கிகளில் பரவலாகப் பதுக்குகின்றன என்றும் அறிகிறோம். 

இந்நிலையில் ஸ்விஸ் வங்கிகளிடம் ஒப்பந்தம் போட்டதைப் போலவே இவ்வுலகில் ரகசிய கணக்குகளை ஆதரிக்கும் மற்ற பல வங்கிகளுடனும் இந்தியா ஒப்பந்தம் போடுமா என்பதும் இன்னும் தெரியவில்லை. அவ்வாறு போட்டால் ஒவ்வொரு அரசாங்கத்துடனும் போடுமா அல்லது ஒவ்வொரு வங்கியுடனும் தனித்தனியாகப் போடுமா என்றும் தெரியவில்லை. அதற்கு அந்த வங்கிகளெல்லாம் ஒப்புக்கொள்ளுமா என்றும் தெரியவில்லை. அவ்வாறு ரகசியக் கணக்குகளை அடியோடு பகிரங்கமாக்காமல் ஊழல் எவ்வாறு அடியோடு ஒழிக்கப்படும் என்றும் தெரியவில்லை.    

மேலும் இந்த ஸ்விஸ் வங்கிகள் குறித்த ஒப்பந்தத்திற்கும், தற்காலத்தில் திடீரென இந்தியாவில் அமலுக்கு வந்திருக்கும் ‘டிமானடைஸேஷன்’ எனப்படும் ‘பண மதிப்பொழிப்பு’ எனும் நடவடிக்கைக்கும் அடிப்படையில் ஒரு தொடர்பு இருப்பதற்கும் காரணங்கள் உண்டு.

இந்நிலையில் ‘பண மதிப்பொழிப்பு’ எனும் விஷயத்தைப் பற்றி விரிவாக ‘செல்லாக் காசாகிப் போவார்களா இந்தியர்கள்?’ எனும் கட்டுரையில் காண்போம். அவ்வளவே! 

இக்கட்டுரைக்கு தொடர்புடைய இணையப் பக்கங்களின் இணைப்புக்கள் 


பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Saturday, December 10, 2016

உலக ஊழலில் கொழுக்கும் ஸ்விஸ் வங்கிகள் - பாகம் 4





சில ஆண்டுகளுக்கு முன் சந்திக்க நேர்ந்த ஒரு ஐரோப்பியப் பேராசிரியர், அவர் இந்திய சுதந்திரத்திற்குப் பின்னான தென்னிந்திய அரசியல் பொருளாதார வரலாற்றைக் குறித்து ஏழு ஆண்டுகளுக்கும் மேலாக ஆய்வு செய்து ஆய்வறிக்கையை சமர்ப்பித்துள்ளதாகக் கூறினார்.

உலகில் எங்கோ ஒரு கோடியில் இருப்பவர் மற்றொரு கோடியில் நடக்கும் விஷயங்களைக் குறித்து இவ்வளவு சிரத்தையாகக் கூர்ந்து கவனிக்கிறாரே என்று ஒரு கணம் வியப்பாக இருந்தாலும், இவ்வகையான ஆராய்ச்சிகளைப் பின்னணியில் இருந்து ஊக்குவிப்பவர்களின் நோக்கங்கள் ஊகித்தறிய முடியாததல்ல.

பலவிதமான அரசியலெல்லாம் செய்து கொண்டு, குடிமக்களை எல்லாம் தங்கள் பகடைக்காய்கள் போல் உருட்டிக் கொண்டு பற்பல வங்கிகளின் உதவியுடன் அவர்களைத் தங்களுடைய பொருளாதாரக் கட்டுப்பாட்டுக்குள் ஒட்டுமொத்தமாக எப்படியாவது கொண்டு வந்தே தீருவது என்று முனைந்து செயல்பட்டுக் கொண்டிருக்கும் உலகின் அனைத்து அரசாங்கங்களின் நோக்கத்திற்கும் மறைமுகமாக ஆப்பு வைத்துக் கொண்டிருக்கும் ஸ்விஸ் வங்கிகளுக்குப் பெரும் ஆதரவாக ஸ்விட்ஸர்லாந்து அரசாங்கமும், தலைமுறை தலைமுறையாகத் தாங்களும் எந்த வம்புக்கும் போகாமல், எந்த வம்புக்கும் கொஞ்சமும் இடமும் கொடுக்காமல், அதே சமயத்தில் ஸ்விஸ் வங்கிகள் விஷயத்தில் சத்தம் போடாமல் ஏனைய அனைத்து அரசாங்கங்களையும் ஒருவகையில் வம்பிழுத்துக் கொண்டிருப்பதை நன்கு உணர்ந்து, ஆனால் என்ன செய்வதென்று மிகச் சரியாகப் புரியாமல் குழம்பி இவ்வுலகின் பல அரசாங்கங்களும் பற்களை நறநற வென்று கடித்துக் கொண்டு, கைகளைப் பிசைந்து கொண்டு, கடுகடுவென இருக்கின்றன.    

அதே சமயத்தில் என்னதான் அரசாங்க அமைப்புகளாக இருந்தாலும் அதில் பல்வேறுபட்ட அரசியல் கட்சிகள், கொள்கைகள், வியாபாரங்கள், நிறுவனங்கள் இதிலெல்லாம் தொடர்புள்ளவர்கள் தனி மனிதர்கள்தான் எனும் நிலையில், பலரின் வண்ட வாளங்களைப் பற்றியும், தனிப்பட்ட முறையில், ஸ்விஸ் வங்கிகள் நன்கு அறிந்துதான் வைத்திருக்கின்றன என்று பரவலாக நிலவும் கருத்தினாலும், நிஜமாகவே ஒரு சரியான விவகாரத்தை வைத்துக் கொண்டு, ஸ்விஸ் வங்கிகளை ரொம்பவும் நெருங்கித் தோண்டினாலும், எந்தப் புற்றில் எந்தப் பாம்பு கிளம்புமோ, எதை உரசினால் எந்த பூதம் கிளம்புமோ அதனால் என்னென்ன விளைவுகள் ஏற்படுமோ என்றெல்லாம் அஞ்சித் தயங்கிக் கொண்டிருக்கும் அரசியல்வாதிகளைக் கொண்ட தேசங்களும் இவ்வுலகில் இருக்கின்றன.  

ஸ்விட்ஸர்லாந்து தேசமானது, ஐரோப்பிய யூனியன் எனும் அமைப்பு ஸ்தாபிக்கப்பட்டும் அதில் கூட உறுப்பினர் ஆகாமல், எந்த அமைப்போடும் சேராமல் காலம் காலமாகப் பிடிவாதமாக இருந்தாலும் சமீப காலங்களில், ஸ்விஸ் வங்கிகளின் மீதான அமெரிக்க மற்றும் ஐரோப்பிய யூனியன்களின் நெருக்கடிகள் மிகவும் அதிகரித்த சூழல்களிலும், ஐரோப்பாவில் பல தேசங்களிலும் தங்கள் குடிமக்கள் தங்களுக்கு கொடுக்க வேண்டிய வரிகளை ஏமாற்றி விட்டு, அந்தப் பணத்தை ஸ்விஸ் வங்கிகளில் போட்டுக் கொள்கிறார்கள் எனும் பரவலான புகார்கள் எழுவதை ஒட்டியும் தங்கள் நிலைப்பாடுகளிலிருந்து இறங்கி வரவேண்டியதானது.

ஒரு சந்தர்ப்பத்தில் தங்கள் வாடிக்கையாளர்களிடம் இருந்து ’ஹோல்டிங் டாக்ஸ்’  அதாவது வைப்புத் தொகைக்கு இருப்பு வரி வசூல் செய்து ஐரோபிய யூனியனின் வரி வசூல் நிலுவைத் தொகையை ஈடுகட்டியது. ஆனால் அந்த சந்தர்ப்பத்திலும் வாடிக்கையாளர்களில் ஒருவரின் பெயரைக் கூட வெளியிடவில்லை.  

உலகில் பிரபலமான ஒரு பயங்கரவாத இயக்கத்தின் ஸ்விஸ் வங்கிக் கணக்கிற்கான உறுதியான சான்றுகள் கிடைத்தவுடனேயே புலனாய்வுத் துறையினருடன் ஸ்விஸ் வங்கிகள் அனைத்தும் ஒத்துழைத்து அதில் தொடர்புள்ள கணக்குகளையெல்லாம் முடக்கினார்கள். இந்த நடவடிக்கையில் பல மேற்கத்திய நாடுகளின் பாராட்டையும் ஸ்விஸ் வங்கிகள் பெற்றன.

இன்னொரு பக்கம் உலகிலேயே மிகப் பெரிய வங்கிகளுள் ஒன்றென மிகப் பிரபலமான ஒரு ஸ்விஸ் வங்கியின் ஒரு ஊழியர் ஒரு நாள் மாலை வழக்கம்போலவே வங்கியை விட்டு வெளியே வந்தவர், வீட்டுக்குப் போகாமல், உடனடியாக ஒரு விமானத்தைப் பிடித்து, நேராக அமெரிக்காவிற்குச் சென்று அந்த வங்கி புரியும் பல்வேறு தகிடுதத்தங்களையும் அம்பலப்படுத்தி பற்பல விவரங்களையும் தகுந்த ஆதாரங்களுடன் கொடுத்தார். 

பல அமெரிக்கர்கள் தங்கள் தேசத்தில் வரி ஏய்ப்பின் மூலமாக ஸ்விஸ் வங்கிகளில் பெருமளவு சொத்து சேர்த்ததையும், அதற்கு அவ்வங்கி உடந்தையாக இருந்ததையும், அமெரிக்க அரசாங்கத்திற்கு பல பில்லியன் டாலர்கள் வரி இழப்பு ஆனதையும் இவ்விஷயம் வெளிக் கொணர்ந்தது.
          
’எதடா வாய்ப்புக் கிடைக்கும்’, என்று ஆலாய்ப் பறந்து கொண்டிருந்தவர்களுக்கு லட்டு மாதிரி இந்த விஷயம் கையில் கிடைத்தவுடன், அமெரிக்க அரசு ஏதோ ஒரு அமைப்பின் மூலமாக அந்த ஊழியருக்கு ஒரு பெரும் தொகையைப் பரிசாகக் கொடுத்துவிட்டு, விஷயத்தை ஒரே பிடியாகப் பிடித்துக் கொண்டு அந்த வங்கியை உண்டு இல்லை என உலுக்கலானது. 

அந்த ஊழியரின் மேலதிகாரியின் மேல் வழக்கு தொடர்ந்தது. சம்பந்தப்பட்ட ஸ்விஸ் வங்கியோ, வங்கிக்கும் தகிடு தத்தங்களுக்கும் சம்பந்தமேயில்லை என்பதுபோல் அந்த அதிகாரியை வங்கியை விட்டு வெளியேற்றியது. விவகாரம் மேலும் சிக்கலாகவே வழக்கைப் பொறுத்தவரை அந்த அதிகாரியை மாட்டிவிட்டு, தான் ஒரு பெரும் பணத்தை அபராதமாகக் கட்டிவிட்டு ஒரு வழியாக சிக்கலைத் தீர்த்துக் கொண்டது.  

இந்த வழக்கை ஒட்டிய அமெரிக்க நீதி இலாகா வெளியிட்ட அறிக்கையில் இந்த அபராதத்தைத் தவிர, இந்த விவகாரத்தை ஒட்டிய அனைத்து கணக்கு விவரங்களையும் அந்த வங்கி கொடுக்க இசைந்ததாகக் கூறப்பட்டது. கொடுத்ததா இல்லையா என்று தெரியாது.
   
அந்த வங்கியைப் பொறுத்தவரை சிக்கல் தீர்ந்தது போல் இருந்தாலும் அமெரிக்காவும் ஐரோப்பிய யூனியனும் இதை மேலும் மேலும் கிளறலாயின. கணக்கு விவரங்களைக் கொடுக்கவேண்டும் என ஸ்விஸ் வங்கிகளின் மீதான நிர்ப்பந்தங்களும் அதிகரிக்கலாயின. 
       
இதையெல்லாம் ஒட்டி கணக்கு விவரங்களின் தகவல்களைத் தொடர்புகொள்ள மட்டும், ஸ்விஸ் ஐக்கிய வங்கிக் கமிஷன் எனும் அமைப்பு சமீப காலங்களில் ஒப்புக் கொண்டுள்ளது. ஆனால் சில நிபந்தனைகளைப் போட்டது. அந்த நிபந்தனைகளுக்கு எழுத்துப் பூர்வமாக ஒப்புக் கொண்டு ஒப்பந்தம் போட்டால்தான் ஒத்துழைக்க முடியும் என்றது. 

வேறு வழிகள் எதுவும் புரியாத நிலையில், அரசாங்கங்களும் எப்படியாவது கணக்கு விவரங்கள் ஏதோ ஒரு வகையில் கிடைத்தால் போதும், நிபந்தனைகளுக்கெல்லாம் ஒப்புக் கொள்கிறோம், என்று உடனடியாகக் கையெழுத்துப்போட பேனாவின் மூடிகளைத் திறந்து கொண்டார்கள்.  

கொடுக்கப்படும் கணக்கு விவரங்கள், சம்பந்தப்பட்ட வங்கியின் அல்லது அதிகார பூர்வமான இடைப்பட்ட நிதி நிறுவனத்தின் நேரடி மேற்பார்வையில் குறிப்பிட்ட விவகாரத்திற்கு மட்டுமே மிக ரகசியமாகக் கையாளப்பட வேண்டுமே அன்றி, வேறு எந்த வகையிலும் எந்த தனிப்பட்ட நோக்கத்திற்காகவும் உபயோகித்துக் கொள்ளக் கூடாது. முக்கியமாக வருமான வரி இலாகாவுக்கு இந்த விவரங்களைக் கொடுக்கக் கூடாது.

எந்த அமைப்பு இந்த விவரங்களைக் கோருகிறதோ அந்த, முறைப்படி அங்கீகரிக்கப்பட்ட அமைப்பானது, இத்தகைய விவரங்களின் ரகசியத் தன்மையைக் காப்பதற்கு அதிகார பூர்வமாகவும் தனிப்பட்ட முறையிலும் முழுப் பொறுப்பாகும்.                                  

ஸ்விஸ் ஐக்கிய வங்கிக் கமிஷனுடன் முன்கூட்டியே ஒப்பந்தம் போடாமலும், இதைக் குறித்ததான சர்வதேச ஒப்பந்தப்படி சர்வதேச அமைப்புகளின் முறையான அதிகார பூர்வ அனுமதி இல்லாமலும், இவ்வாறு விவரங்களைக் கோரும் அதிகார பூர்வ அமைப்பானது தன்னைத்தவிர வேறு எந்த ஒரு அதிகார பூர்வமான அமைப்புடனோ, அல்லது இதை மேற்பார்வையிடும் அமைப்புடனோ அல்லது எந்தவொரு பொது ஸ்தாபனத்துடனோ  இவ்விவரங்களைப் பகிர்ந்து கொள்ளக் கூடாது.

பல அரசாங்கங்கள், ‘இது வீண் வேலை’ என்று ஸ்விஸ் மூட்டையைத் தூக்கி மீண்டும் பரண்மேல் போடலானார்கள். ஸ்விஸ் வங்கிகளோடு சம்பந்தம் வைத்திருக்கும் அரசியல்வாதிகள் கணக்கே கேட்க மாட்டர்கள். அவ்வாறன்றி முனைந்து கணக்கு கேட்பவர்கள் முதலில் ஒப்பந்தங்கள் போட்டால்தான் விவரம் கிடைக்கும். அவ்விவரங்களைப் பகிரங்கப் படுத்தினால்தான் ஏதாவது அரசியல் ஆதாயம் கிடைக்கும். அல்லது பிற இலாகாக்களோடு பகிர்ந்து கொண்டு ஏதாவது விசாரணையில் இறங்கினால்தான் குற்றம் ஏதாவது நடந்ததா இல்லையா என்றே கண்டு பிடிக்க முடியும். 

இந்நிலையில் ஒப்பந்தம் போடுவது மட்டுமல்ல விவரங்களை வைத்துக் கொண்டும் என்னதான் செய்வதென்றே பலருக்கும் புரியவில்லை. அதுவும் பல கோரிக்கைகளைப் பொறுத்தவரை பெயரும் பிறந்த தேதியும் தவிர வேறு எந்த விவரமும் கொடுக்க மாட்டோம் என்றும் ஸ்விஸ் வங்கிகள் கூறிவிட்டன.

ஆனால் அமெரிக்க அரசாங்கம் தளரவில்லை. பல கட்டங்களில் தொடர்ந்து பேச்சு வார்த்தை நடத்தி மேலே கண்ட சங்கதிகளுடன் இன்னும் சில சங்கதிகளைச் சேர்த்து சமீபத்தில் ஒரு ஒப்பந்தம் போட்டிருக்கிறது.

அதன்படி ஒரு நபர் வரி மோசடி செய்திருக்கிறார் என்று தகுந்த சான்றுகளுடன் உறுதியான சந்தேகம் ஏற்பட்டால் அந்த நபரின் கணக்கு விவரங்களை ஸ்விஸ் வங்கிகள் பகிர்ந்து கொள்ள வேண்டும். 

அத்தகைய சந்தேகமானது, முதலாவதாக, அந்த நபரின் தொழிலில் பராமரிக்கப்படும் தஸ்தாவேஜுகளாகவோ, அல்லது கணக்கு புத்தகங்களாகவோ அல்லது வங்கிக் கணக்குகளாகவோ அல்லது இவை எல்லாமோ அல்லது இவையன்றி வேறு ஒன்றின் மூலமாகவோ இருக்கலாம். இரண்டாவதாக அந்த நபரே சுயமாகக் கொடுத்த வாக்கு மூலத்தின் அடிப்படையில் இருக்கலாம். மூன்றாவதாக அவருடன் தொடர்பு கொண்ட, அல்லது மிகமிக நம்பிக்கைக்குகந்த ஒரு மூன்றாம் நபரிடமிருந்து பெற்ற செய்திகள் மூலம் இருக்கலாம். நான்காவதாக சூழ்நிலை சாட்சியங்களின் மூலம் அமையலாம். 

இந்த ஒப்பந்தத்தைத் தொடர்ந்து ‘கிரெடிட் கார்டுகள்’ ’இன்டர்நெட்’ பரிமாற்றங்கள் முதலான அனைத்து வழிகள் மூலமும் அமெரிக்கப் புலனாய்வுத் துறையானது, ஏதாவது தடயம் கிடைக்காதா என்று, ஸ்விஸ் வங்கித் தொடர்புகளை வலை வீசித் தேடலானது. 

ஐரோப்பிய யூனியனும் தன் பங்குக்கு ஒரு ஒப்பந்தம் போட்டிருக்கிறது. அதன் படி 2018 ஆம் ஆண்டு முதல் ஸ்விஸ் வங்கிகள், வரி விஷயங்களில் ஐரோப்பிய நாடுகளைச் சார்ந்தவர்களின் கணக்குகளை மட்டும் பகிர்ந்து கொள்வது என்று பரஸ்பரம் ஒப்புக் கொண்டுள்ளன என்று கூறப்படுகிறது. ஷரத்துகள் எல்லாம் தெரியாது.

சீனா, ரஷ்யா, ஜப்பான் முதற்கொண்டு வேறு எந்த தேசமாவது ஏதாவது ஒப்பந்தம் போட்டிருக்கின்றனவா என்றெல்லாம் தெரியாது. ஸ்விஸ் வங்கிகள் இதுவரை எவ்வளவு பேரின் விவரங்களைக் கொடுத்திருக்கின்றன என்பது தெரியாது. மேலும் ஸ்விஸ் வங்கிகள், ஒப்பந்தங்களின்படி உண்மையாகவே விவரங்களைக் கொடுக்குமா என்பது தெரியாது. 

அவ்வாறு கொடுத்தாலும் உடனே சம்பந்தப்பட்ட தேசங்கள் அந்தப் பணத்தைப் பறிமுதல் செய்து தங்கள் தங்கள் தேசங்களுக்குக் கொண்டுவர முடியுமா என்பது தெரியாது.

முதலில் அப்படிப்பட்ட நபர்கள், தங்கள் பெயர்களை வங்கிகள் அரசாங்கங்களிடம் கொடுத்து, அரசாங்கங்கள் தங்களைக் குற்றவாளிகள் என நிரூபித்து அந்தப் பணத்தைப் பறிமுதல் செய்யும் வரை, தங்கள் பணத்தைத் தங்கள் கணக்கில் பத்திரமாக வைத்துக் கொண்டிருப்பார்களா அல்லது வேறு வங்கிகளுக்கு மாற்றம் செய்து விடுவார்களா என்பது தெரியாது. 

ஸ்விஸ் வங்கிக் கூட்டமைப்பு ஒவ்வொரு ஒப்பந்தத்திலும், எங்கள் ‘பாராளுமன்றத்தின் ஒப்புதல் இருந்தால்’ எனும் வார்த்தைகளை சேர்த்துக் கொள்கிறது என்றும் கூறப்படுகிறது.

இதற்கெல்லாம் ஸ்விட்ஸர்லாந்து பாராளுமன்றமும், ‘விவரங்களைக் கொடுப்பது கிரிமினல் குற்றம்’ என இதற்கு முன் போட்ட சட்டப்படி என்ன செய்யும் என்பது தெரியாது.

இந்தநிலையில் ஸ்விஸ் வங்கிகளின் பெயரெல்லாம் மிகவும் கெட்டுப் போனதாலும், வாடிக்கையாளர்களின் ரகசியங்களை யெல்லாம் முன்போல் காப்பாற்ற மாட்டார்கள் எனும் சந்தேகம் ஏற்பட்டும், ஒருவேளை அதில் பணம் போட்ட அத்தனை பேரும், ‘இந்தக்கணம் எங்கள் பணத்தையெல்லாம் திருப்பிக் கொடுத்தால்தான் ஆயிற்று’ என்று ஒரே சமயத்தில் போய்க் கேட்டால் ஸ்விஸ் வங்கிகளால் நாற்பது சதவீதம்தான் திருப்பிக்கொடுக்க முடியும்.

இதேபோல் அமெரிக்காவிலிருக்கும் ஏதோ ஒரு வங்கியில் கேட்டால், பத்து சதவீதம்தான் திருப்பிக் கொடுக்க முடியும். நம்மூர் வங்கியில் கேட்டால் ஐந்து சதவீதம் தான் திருப்பிக் கொடுக்க முடியும். அதுகூட எந்த வடிவத்தில் கொடுப்பார்கள் என்றெல்லாம் யாருக்கும் தெரியாது. அந்த வங்கிகளுக்கே தெரியாது. 

அவர்களுக்கு சாதாரண நடைமுறைகள்தான் தெரியும். அன்றாட வழக்கப்படி, ஏதோ அரசாங்கமும், ரிஸர்வ் வங்கியும் நோட்டு அச்சடித்துக் கொடுத்தால், தேசமே என்று பொதுமக்களிடம் சொத்துக்களை எழுதி வாங்கிக் கொண்டு, கடன் கொடுத்து விட்டு, வீட்டுக்குப் போய் திருவாசகம் படித்துவிட்டு, இரவில் தோசை சாப்பிட்டு விட்டு படுத்துக் கொள்வார்கள். 

அவர்களிடம் போய் உலகப் பொருளாதாரம், பின்ன வங்கி முறை, உலக வங்கிகள் எல்லாம் சொத்துக்களை எழுதி வாங்கிக் கொண்டு அச்சடித்த வெற்றுக் காகிதங்களைத் தான் கொடுக்கின்றன என்றெல்லாம் ஏதேதோ சொன்னால் திருதிரு என்று விழிப்பார்கள்.     

ஸ்விஸ் வங்கிகளில் பணம் போட்ட கனவான்களெல்லாம் அந்தப் பணத்தை சிங்கப்பூர் போன்ற வரியில்லா தேசங்களுக்கு மாற்றி கொண்டு வெளிநாட்டு முதலீடுகள் எனும் பெயரில் சர்வ சுதந்திரமாக எந்த வளரும் நாடுகளிலும் முதலீடு செய்யும் நடைமுறைகளும் இல்லாமல் இல்லை. தேசபக்தி, நாட்டுப் பற்றெல்லாம் சாதாரண மக்களுக்குத்தான்.

‘இந்த தேசத்திற்கு நான் சொந்தம், அந்த தேசத்திற்கு அவர் சொந்தம்’ என்றெல்லாம் கூறலாம். பணம் படைத்த பெரு முதலாளிகளுக்கெல்லாம் தேசமாவது பக்தியாவது, ‘யாதும் ஊரே யாவரும் கேளீர்’ தான். இவ்வுலகின் தேசங்களெல்லாம் அவர்களுக்குத்தான் சொந்தம்.       

ஸ்விட்ஸர்லாந்து தேசத்தைப் போலவே பனாமா, சிங்கப்பூர், அங்குவில்லா, பஹாமாஸ் போன்ற வேறு சில தேசங்களில் இருக்கும் சில வங்கிகளும் பல அரசாங்கங்களின் நல்லாசிகளுடனும், ஆதரவுடனும் இதேபோல் ரகசிய கணக்குகளை வைத்துக் கொள்ளுங்கள் என வாடிக்கையாளர்களை வரவேற்று சமீப காலங்களில் ஸ்விஸ் வங்கிகளுக்குப் போட்டியாக செயல்பட ஆரம்பித்துள்ளன. 

ஆனால் ஸ்விஸ் வங்கிகள் அளவுக்கு இவைகளிடம் கட்டுக் கோப்பான சட்டமெல்லாம் இருப்பதுபோல் தெரியவில்லை.

இதன் இறுதிப்பகுதி தொடரும்
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Thursday, December 8, 2016

உலக ஊழலில் கொழுக்கும் ஸ்விஸ் வங்கிகள் - பாகம் 3




இந்நிலையில், பரவலான கடும் ஏழ்மை, பஞ்சம், வறட்சி, விவசாயத்தில் பெரும் நிச்சயமில்லாத் தன்மைகள், அதிகரித்து வரும் சுற்றுச் சூழல் கேடுகள், நிலத்தடி நீரும் ஆறுகளும் வறண்டும், சாக்கடையாகியும் போதல், இயற்கை பெருமளவில் பாதிக்கப் படுதல், உணவு தானியத் தட்டுப்பாடு, மின்சாரத் தட்டுப்பாடு, கல்வி, வேலை, சிறு தொழில்கள் போன்ற அனைத்திலும் நிலவும் பல்வேறு முரண்பாடுகள், மேலும் சிக்கல்கள், வங்கிகள், பன்னாட்டு நிறுவனங்களின் ஆதிக்கங்கள் போன்ற பல்வேறு அடிப்படையான பிரச்சினைகளையும் ஒரு மூலைக்குத் தள்ளிவிட்டு, இந்தியாவின் தற்போதைய தலையாய பிரச்சனை போன்று ஸ்விஸ் வங்கிகளில் இருக்கும் இந்தியப் பணத்தைக் கொண்டுவருவதைக் குறித்துதான் பரவலாக விவாதிக்கப் படுகிறது. இந்நிலையில் அவ்வாறான சட்டபூர்வ நடவடிக்கை களைக் குறித்தும் சுருக்கமாகப் பார்ப்போம்.

கடிகாரங்கள், மருந்துப் பொருட்கள், ரசாயனப் பொருட்கள், இசைக் கருவிகள் முதலான பல்வேறு தொழில்களிலும் ஸ்விட்ஸர்லாந்து மக்கள் முன்னணியில் இருக்கும் நிலைகளில், உலகில் பல வளர்ந்த நாடுகளின் பட்டியலிலும், மக்கள் தேவைகளை உடனுக்குடன் நிறைவேற்றும் நாடுகளின் பட்டியலிலும் அவ்வரசாங்கம் முன்னணியில் இருக்கிறது. 

அதைச் சுற்றியிருக்கும் அனைத்து ஐரோப்பிய தேசங்களிலும் எத்தனைக் களேபரங்கள் நடந்தாலும், எதிலும் தலையிடாமல், யாரிடமும் வம்புக்குப் போகாமல் தன் நடுநிலைக் கொள்கைகளில் மிக உறுதியாக இருக்கும் போக்கினால் உலகின் அனைத்து அரசாங்கங்களும் அந்தக் கொள்கைக்கும், அத்தேசத்திற்கும் மிகுந்த மரியாதையும், கௌரவமும் கொடுக்கலாயின. 

போர்வெறி பிடித்த நாஜிக்கள் கூட ஸ்விஸ் வங்கிகளைத்தான் சீண்டிக் கொண்டிருந்தார்களே தவிர ஸ்விட்ஸர்லாந்து அரசாங்கத்தை எந்தத் தொந்தரவும் செய்யவில்லை. 

உலகிலேயே ஸ்விட்ஸர்லாந்து தேசத்தில்தான் ராணுவ செலவுகளைக் காட்டிலும் மக்கள் நலனுக்கு முதலிடம் கொடுக்கும் நடைமுறை இருக்கிறது. சொந்தமாக அணுகுண்டு தயார் செய்து கொள்ள வேண்டும் எனும் கோரிக்கை எழுந்தவுடன் அதை நன்கு பரிசீலித்து, அணு ஆயுதத்திற்கு செய்யும் வீண் செலவுகளை விட மக்களுக்கென ஆக்கபூர்வமாக அத்தொகையை செலவிடுவதுதான் சரி என்று அணு ஆயுதம் செய்ய வேண்டும் எனும் தீர்மானத்தையே நிராகரித்தது. 

கல்வி, முறையான அறிவியல் ஆராய்ச்சி, தத்துவ ஆராய்ச்சி, தொழில் நுட்ப ஊக்குவிப்பு, உற்பத்தி ஊக்குவிப்பு, விவசாயம், மருத்துவ வசதிகள், சுற்றுலா, பொழுதுபோக்கு, விளையாட்டு, பலவகையான சமூக நலத்திட்டங்கள் போன்ற பல்வேறு அம்சங்களிலும் மிக நிறைவாகவும், திட்டமிட்டும் செலவு செய்து தன் குடிமக்களின் நலன்களில் முழு அக்கறை கொள்வது மட்டுமின்றி பல்வேறு அண்டை நாடுகளுக்கும் பலவகையான உதவிகளை ஸ்விட்ஸர்லாந்து தொடர்ந்து செய்து வருகிறது. 

இரண்டாம் உலகப் போருக்குப்பின் சிதிலமான ஜெர்மனியை சீரமைப்பதற்காகப் போடப்பட்ட ‘மார்ஷல் திட்ட’த்திலும் ஸ்விட்ஸர்லாந்து அரசாங்கம் முக்கிய பங்காற்றியது. 

நன்கு சீரமைக்கப்பட்ட, முறையான நேரடி ஜனநாயகம் நடைமுறையில் இருக்கும் ஸ்விட்ஸர்லாந்து தேசத்தில் அரசாங்கம் எந்த ஒரு சட்டம் போட்டாலும் அதை அனைத்து மக்களும் முழுமையாக அங்கீகரிக்க வேண்டும் எனும் நடைமுறையும் இருக்கிறது. அரசாங்கம் ஒரு சட்டம் போட்டால் பொது மக்கள் மூன்று நான்கு மாதத்திற்குள், ஐம்பதாயிரம் பேரிடம் கையெழுத்து வாங்கி, அந்த சட்டத்தைக் குறை கூறலாம். உடனே அந்த சட்டம் பொது மக்களிடம் பொது வாக்கெடுப்புக்காக வைக்கப்படும். 

மக்களில் பெருவாரியானவர்கள் ஆதரவாக ஓட்டு போட்டால் மட்டுமே அந்த சட்டம் அமலுக்கு வரும் இல்லையெனில் உடனடியாக நிராகரிக்கப்படும். இவ்வகையில் அத்தேசத்தில் பெரும் பாலானோருக்கு தங்கள் தேசத்து சட்டங்கள் மட்டுமின்றி உலகில் பல்வேறு தேசங்களின் பொதுவான சட்டங்களைப் பற்றியும் புரிதல் உண்டு. 

எல்லாவற்றுக்கும் மேலாக, நமது ரிஸர்வ் வங்கியைப் போன்ற, ஸ்விட்ஸர்லாந்தின் தேசிய மத்திய வங்கியானது தேசிய வங்கிக் கமிஷனின் மேற்பார்வையுடன், ‘கேன்ட்டான்’ எனப்படும் மாநிலங்களாலும், பொதுமக்களாலும் நிர்வகிக்கப்படுகிறதே அன்றி மத்திய அரசாங்கம் தலையிடுவது கிடையாது. 

உலகிலேயே ஸ்விட்ஸர்லாந்து தேசத்தில்தான் அரசாங்கம் மக்களிடமிருந்து பெறும் வரியின் விகிதம் மிக மிகக் குறைவு. அதே போன்று உலகிலேயே ஸ்விஸ் வங்கிகளில்தான் ‘ஃபிராக்ஷனல் பாங்க்கிங்’ எனப்படும் பின்ன வங்கி விகிதாசாரம், அதாவது பரிவர்த்தனைக்கான வங்கிகளின் கையிருப்புத் தொகை மிக மிக அதிகம்.                 

ஒவ்வொரு தனிமனிதனின் தனிப்பட்ட விவகாரங்களும் அவர்களின் தனிப்பட்ட ஜனநாயக உரிமை என்பதை உலகில் மீண்டும் மீண்டும் வலியுறுத்தும் ஸ்விட்ஸர்லாந்து அரசாங்கம், உலகெங்கும் அரசாங்கங்களிடையே, ஸ்விஸ் வங்கிகளின் நோக்கத்தைக் கடுமையாக எதிர்த்து கடும் விமர்சனங்கள் பெருகி, -‘உலகக் கொள்ளையர்களுக்கெல்லாம் ஸ்விட்ஸர்லாந்து ஒரு குகை போன்று இருக்கிறது’- என்றெல்லாம் நிர்ப்பந்தங்கள் அதிகரிக்கவே, தன் ஜனநாயக வழக்கப்படி, ‘வங்கிகள் வாடிக்கையாளர்களின் ரகசியத்தைப் பாதுகாப்பது’ எனும் வங்கிச் சட்டத்தையும், ‘பொது மக்கள் ஆதரித்தால் சட்டம் தொடரும், இல்லையெனில் தள்ளுபடியாகும்’ எனத் தீர்மானம் இயற்றி, பொது மக்களிடையே பொது வாக்கெடுப்புக்காக முன்வைத்தது. 

ஸ்விஸ் வங்கிகள் மட்டுமல்லாது, அதன் பல லட்சக்கணக்கான வாடிக்கையாளர்கள் மட்டுமல்லாது, உலகமே பரபரப்புடன், கைவிரல் நகங்களைக் கடித்துக் கொண்டு, அந்த வாக்கெடுப்பைக் கவனித்தன. வாக்கெடுப்பின் இறுதியில், ‘ஸ்விஸ் வங்கிகள் ரகசியங்களைப் பாதுகாப்பது சரியானதே’ என்று பொது மக்கள் ஏகோபித்துப் பெருவாரியான வாக்களிக்கவே ஸ்விட்ஸர்லாந்து அரசாங்கமும் அந்தச் சட்டத்தைக் கைவிடும் உத்தேசத்தைக் கைவிட்டது.

பெருவாரியான அரசாங்கங்களின் அதிகாரிகளும் ஸ்விஸ் வங்கிகளிடமிருந்து தங்களுக்கு தேவைப்படும் கணக்கு விவரங்களைக் கொண்டு வந்தே தீருவது என்று, ஒருவருக்கொருவர் மணிக்கட்டில் கங்கணம் கட்டி விட்டுக்கொண்டு, ஸ்விட்ஸர் லாந்திற்கு விரையும் இன்றைய நிலைகளில் அதை ஒட்டிய சட்டங்களைப் பற்றியும் கொஞ்சம் பார்க்க வேண்டியதாகிறது.    

ஒவ்வொரு அரசாங்கத்தின் வேறுபட்ட சட்ட திட்டங்களுக்கு உட்படாத, அவ்வாறான அரசாங்கங்களைப் பொறுத்தவரை சட்ட விரோதமான பணங்களும், வரிகளை ஏமாற்றிய பணங்களும் தங்கள் வங்கிகளில் குவிய ஆரம்பிக்கும் என்பதை முன்பேயே உணர்ந்த ஸ்விஸ் வங்கிகள் தங்களைப் பாதுகாத்துக் கொள்வதற்காக, தனித்தனியாக இயங்கும் வங்கிகளெல்லாம் சேர்ந்து ஸ்விஸ் வங்கிகளின் கூட்டமைப்பாகச் செயல்பட ஆரம்பித்தன. 

அவ்வாறான கூட்டமைப்பின் மூலம் வங்கிகள், வாடிக்கையாளர்கள், அவர்களின் விவரங்கள் தொடர்பான சட்ட திட்டங்களை வரையறை செய்து கொண்டன.

‘ட்ரக் ட்ராஃபிக்கிங்’ எனப்படும் போதைப் பொருள் கடத்தல், ‘ஆர்கனைஸ்டு கிரைம்’ எனப்படும் திட்டமிட்டு, நிர்வகிக்கப்படும் கிரிமினல் குற்றங்கள் (பெரும்பாலும் சினிமாக்களில் காட்டுவது போல் நிரந்தரமாக அடியாட்களையெல்லாம் வைத்துக் கொண்டு, ஆள்கடத்துவது, பயமுறுத்திப் பணம் பறிப்பது, பாதுகாப்புக் கொடுப்பதாகச் சொல்லிப் பணம் பிடுங்குவது, ‘பிளாக் மெய்ல்’ செய்து தீய காரியங்கள் நிறைவேற்றிக் கொள்வது போன்றவை) ‘இன்ஸைடர் டிரேடிங்’ எனப்படும் ‘உள்குத்து அடிப்பது’ (ஒரு பொது நிறுவனத்தின் உள் ரகசியங்களைத் தெரிந்து கொண்டு அந்த விவரங்களின் மூலம் அதன் பங்குகளின் சந்தைப் போக்கைக் கணித்து சுய லாபத்துக்காக வர்த்தகம் செய்வது; இது அந்தப் பங்குகளோடு சம்பந்தப்பட்ட பொதுமக்களைப் பெருமளவில் ஏமாற்றும் செயலாகும்) ஆகிய காரியங்கள் ஸ்விஸ் வங்கிகளைப் பொறுத்தவரை பெரும் கிரிமினல் குற்றங்கள். இந்தக் காரியங்களில் ஈடுபட்டவர்களை ஸ்விஸ் வங்கிகள் ஒருபோதும் வாடிக்கையாளர்களாகக் கொள்ளாது.  

பணம் போட்டுப் புதிதாகக் கணக்குத் தொடங்கும் எவரும் தங்களுக்கு அந்தப் பணம் எங்கிருந்து வந்தது என்பதைத் தகுந்த ஆதாரங்களுடன் கொடுக்க வேண்டும்.

யாருடைய கணக்கு விவரங்களையும் யார் நிர்ப்பந்த்தித்தாலும், அது ஸ்விட்ஸர்லாந்து அரசாங்கமேயானாலும் கூட, சம்பந்தப்பட்ட வாடிக்கையாளரின் அதிகாரபூர்வ ஒப்புதல் இல்லாமல் தரப்பட மாட்டாது. 

இதன்படி எந்தவொரு ஸ்விஸ் வங்கி நிர்வாகமோ, அல்லது அதன் எந்தவொரு ஊழியரோ, அல்லது அந்த வங்கியோடு தொடர்புடைய எந்தவொரு வழக்காளரோ, அல்லது தணிக்கை யாளரோ, அல்லது அவர் சம்பந்தப்பட்ட நிறுவனத்தின் ஊழியர்களோ, யாராயினும், எந்தவொரு கணக்குடன் தொடர்புடைய வாடிக்கையாளரின் அதிகார பூர்வ ஒப்புதல் இன்றி அவரின் ரகசிய விவரங்களை வெளியிடுவது என்பது கிரிமினல் குற்றமாகும். 

வாரிசு, விவாகரத்து, ஆகிய சிவில் வழக்குகளுக்குத் தேவைப்பட்டாலும்; ஒருவர் திவாலாகிப் போனால் அவர் கடன்களை வசூல் செய்யும் நோக்கத்திலும்; ஆகிய சில குறிப்பிட்ட வழக்கு விவகாரங்களில் மட்டும் விவகாரங்களின் தன்மையைப் பரிசீலித்துக் கணக்குகளைப் பார்வையிட அனுமதிக்கப்படும்.

அதே சமயத்தில் ஒரு வாடிக்கையாளர் கிரிமினல் குற்றவாளி என்பது நிரூபிக்கப்பட்டால் உடனடியாக அவரது கணக்கு விவரங்களானது அதைக் கோரும் தகுந்த அதிகார பூர்வமான நபர்களிடம் மட்டுமே ஒப்படைக்கப்படும்.

இதைக் கேட்டு உடனே சந்தோஷமான ஏனைய அரசாங்கங்களின் முன்னால், கூடவே மூன்று சங்கதிகளையும் ஸ்விஸ் வங்கிகளின் கூட்டமைப்பு போட்டது. 

முதலாவதாக ‘ப்ரொபோர்ஷனாலிடி’ எனப்படும் ‘குற்றத்தின் தீவிர அம்சம்’ என்பதின் மூலம் தங்களிடம் ஒத்துழைப்பு கோரிய அதிகார பூர்வ நிறுவனங்களுக்கு, தாங்கள் அளிக்கும் ஒத்துழைப்பானது, அந்தக் கிரிமினல் குற்றத்தின் தீவிரத்தைப் பொறுத்துதான் அமையும்.          

இரண்டாவதாக, ‘ஸ்பெஷாலிடி’ எனும் சிறப்புத்தன்மை அம்சத்தின் மூலம், தரப்படும் அந்த விவரங்களை அந்தக் குறிப்பிட்டக் கிரிமினல் நடைமுறைகளுக்கு மட்டும்தான் பயன் படுத்திக் கொள்ள வேண்டுமே தவிர வேறு எந்த நோக்கத்திற்காகவும் பயன்படுத்தக் கூடாது.

மூன்றாவதாக, ஏதாவது ஒரு ஸ்விஸ் வங்கியில் கணக்கு வைத்திருக்கும் ஒரு வெளிநாட்டு வாடிக்கையாளர், ஒரு கிரிமினல் குற்றவாளி என, அவர் சார்ந்த தேசத்தின் நீதிமன்றங்களில் நிரூபணம் ஆனால் மட்டும் போதாது. ஸ்விட்ஸர்லாந்து தேசத்தின் நீதிமன்றத்திலும் நிரூபணமாக வேண்டும். 

இவ்வாறாக ‘ட்யூவல் கிரிமினாலிடி’ எனப்படும், ‘குற்றத்தின் இரட்டை நிரூபண அம்சம்’ திருப்திகரமாக இருந்தால்தான் விவரங்கள் கொடுக்கப்படும். ஆகையால், விவரங்கள் கோரிய அரசாங்கங்களெல்லாம் திகைத்துப் போயின.

இதன் இன்னொரு பொருள் என்னவென்றால், பெரும்பாலான வழக்குகளில், ஒருவரின் ஸ்விஸ் வங்கிக் கணக்கு பற்றிய அதிகார பூர்வமான விவரங்கள் கிடைத்தால்தான் அவர் குற்றவாளி என நிரூபிக்க முடியும். ஆனால், அவர் குற்றவாளி என நிரூபிக்கப் பட்டால்தான் அவரது ஸ்விஸ் வங்கி கணக்கு பற்றிய அதிகார பூர்வமான விவரங்கள் கிடைக்கும்.

வங்கிக் கணக்கு விவரங்கள் கோரி ஸ்விஸ் வங்கிகளை அணுகிய அதிகாரிகளுக்கெல்லாம், இது ஒரு விக்கிரமாதித்தன் வேதாளம் போன்ற புதிர் என்பதும், கணக்கு விவரங்களைப் பொறுத்தவரை தாங்கள் ஒரு முட்டுச் சந்தில் நிற்கிறோம் என்பதும் புரிவதற்கே கொஞ்ச காலம் பிடித்தது.

மேலும், இதற்கெல்லாம் முதல் படியாக, யார்யாருக்கு ஸ்விஸ் வங்கிக் கணக்கு இருக்கிறது, என்று உறுதியாகத் தெரிந்தாக வேண்டும். அதற்கு முதலில் கண்களைக் கட்டிக்கொண்டு காட்டில் தேடியாக வேண்டும். அதாவது ஸ்விஸ் வங்கிகள் விவரங்கள் கொடுக்கவில்லை என்றால் யார் கணக்கு வைத்துக் கொண்டிருக்கிறார்கள் என்பதே தெரியாது. 

ஆனால் கணக்கு வைத்திருப்பவர் இன்னார் என்று தெரிந்து கொண்டு அவர் கிரிமினல் குற்றவாளி என்று சான்றுகள் சேகரித்தால்தான் ஸ்விஸ் வங்கியின் ஒத்துழைப்பு கிடைக்கும்.   

மிச்ச தேசங்களெல்லாம் ஆயாசமாகி ரொம்பவும் தளர்ந்து போனாலும், அமெரிக்க அரசாங்கம் விடுவதாக இல்லை. அதன் புலனாய்வு இலாகா, அமெரிக்காவில் வரி ஏய்ப்பு செய்துவிட்டு ஸ்விஸ் வங்கிகளில் பணம் போட்ட நபர்களைக் குறித்ததான ஒரு பட்டியலைக் கையில் வைத்துக் கொண்டு, இவர்களைப் பற்றியதான விசாரணையில், ஸ்விஸ் வங்கிகள் ஒத்துழைப்புக் கொடுத்தால்தான் ஆயிற்று, என்று பலமாகப் பிடிவாதம் பிடித்தது. ‘இந்தப் பட்டியல் எவ்வாறு கிடைத்தது?’ எனும் ஸ்விஸ் வங்கிகளின் கேள்விக்கோ பதிலளிக்க முடியாமல் திரு திரு வென்று விழித்தது.

‘திருட்டுத்தனமாக எங்களிடம் இருந்து எடுக்கப்பட்ட விவரங்களுக்கெல்லாம் நாங்கள் எப்படி பொறுப்பெடுத்துக் கொண்டு ஒத்துழைக்க இயலும்?’ என்று ஸ்விஸ் வங்கிகள் கேட்கலாயின.

‘விவரங்களை, இவர்களாகவும் கொடுக்க மாட்டர்கள், குறுக்கு வழியில் எப்படியாவது அதைப் பெற்றாலும் ஒப்புக்கொள்ள மாட்டர்கள், வேறு என்னதான் செய்வது’ என்று உலகின் பல்வேறு புலனாய்வு அதிகாரிகளும் தலையைப் பிய்த்துக் கொள்ளலானார்கள்.              

புதுக் கணக்கு தொடங்கும் நபர்களுக்கு ஸ்விஸ் வங்கிகள் என்னதான் கட்டுப்பாடுகள் விதித்தாலும், நடைமுறையில் இதையெல்லாம் சுற்றி தாண்டி வங்கிக் கணக்கு எப்படி தொடங்குவது என்று பல கணக்கு வழக்கு நிறுவனங்களும் சொல்லிக் கொடுக்கலாயின. 

நம்மூர் அரசியல்வாதிகள் தேர்தல்களின் போது தேர்தல் கமிஷனிடம் சொத்துக் கணக்கு காட்டுவது போல் குன்ஸாக ஏதேதோ காகிதங்கள் தயார் செய்து ‘அப்போஸ்டில்’ எனும் முத்திரை அடித்து (நம்மூர் ’நோட்டரி பப்ளிக்’ போன்று தமாஷானது) கணக்குகள் தொடங்கிக் கொள்வது என்பது பரவலானது.

ஸ்விஸ் வங்கிகளும் லேசுப்பட்டவை அல்ல. நூற்றாண்டுகள் கணக்கில் வங்கி நிர்வாகம் செய்து, வழிவழியாக நடைமுறைகளும், நுணுக்கங்களும் சீரமைத்துக் கொண்டே வந்து, மிகுந்த அனுபவசாலிகளைக் கொண்டு, லட்சக் கணக்கானவர்களை வேலைக்கு அமர்த்தி, பெரும் கட்டுக்கோப்புடன் நிர்வாகம் செய்பவர்களுக்கு, தங்களிடம் வரும் நபர்களை ஆழம் பார்த்துத் தரம் பிரிப்பதிலும் நல்ல அனுபவம் இல்லாமல் இல்லை. 

மேலும் உலகில் எந்தக் கோடியில் இருக்கும் எந்தவொரு தேசத்தைப் பற்றியும், அரசியல் பொருளாதார, அமைதி, குழப்ப, நெருக்கடி நிலைகள் பற்றியெல்லாம் அன்றாட விஷயங்கள் வரைக்கும் விரல் நுனியில் தகவல்கள் வைத்துக் கொண்டிருக்கும் பற்பல வல்லுனர்களைத் தங்கள் சம்பளப் பட்டியலில் வைத்திருக்கும் ஸ்விஸ் வங்கிகள் தங்களிடம் வரும் நபர்களைக் குறித்தும் அவர்களின் பின்னணிகள் குறித்ததான சங்கதிகளையெல்லாம் ஒரு நொடியில் அறிந்து கொண்டுவிட முடியும். 

தங்களுக்குப் பின்னாளில் எதுவும் குடைச்சல்கள் இருக்காது என்று உறுதியானால்தான் உள்ளே விடுவார்கள். இம்மியளவு சந்தேகம் ஏற்பட்டால் கூட வாசல் வரை வந்து, ‘மிக்க நன்றி, மீண்டும் ஏதாவதொரு சந்தர்ப்பத்தில் சந்திக்கலாம்’ என்று வழியனுப்பி வைத்து விட்டுத்தான் மறுகாரியம் பார்ப்பார்கள். 

பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

ஓர் உரிமையியல் வழக்கில் நியாய(க்கரு)த்தை சொல்வது எப்படி?


சத்தியவான் காந்தி உள்ளிட்ட சிலர், ‘‘மக்கள் தங்களுடைய பிரச்சினையை தாங்களே தீர்த்துக்கொள்ள வேண்டுமே ஒழிய, பெ(ரு, று)ங்கூலிக்கு மாரடிக்கும் நிதிபதிகளை நம்பக்கூடாது; இவர்களது தீர்ப்பு ஒருபோதும் நியாயமாக இருந்து விடாது’’ என்பதை, நாசுக்காக சொல்லி உள்ளார். 

‘‘காசுக்காகவே மாரடிக்கும் இவர்களுக்கு எல்லாம் என்ன நாசுக்கு வேண்டி இருக்கிறது’’ என்பதால்தான் (ப, கொ)ச்சையாகவே எழுதுகிறேன். 

காந்தியின் கருத்துப்படி மக்கள் தங்களது பிரச்சினைகளை, தங்களுக்கு உள்ளேயே தீர்த்துக் கொள்ள முடிவதில்லை. தீர்த்துக் கொள்வதில் பல்வேறு வகையான சிக்கல்கள் இருக்கின்றன என்பதுபற்றி ‘‘மநு வரையுங்கலை’’ நூலில் எழுதி உள்ளேன். 

ஊரில் உள்ளவர்களோ அல்லது உறவினர்களோ அழைத்துப் பேசினால்கூட, கட்டப்பஞ்சயத்து செய்தார்கள், மிரட்டினார்கள் என்றெல்லாம் புகார் கொடுத்து பிரச்சினைகளை தீர்த்து வைக்க முயல்பவர்களை பிரச்சினையில் சிக்க வைத்து விடுகிறார்கள். 

ஆகையால், சமரசம் செய்து வைக்கும் ஆர்வலராக, அவ்வளவாக யாரும் முன்வருவதில்லை என்று சொல்வதை விட, எனக்கு ஏற்பட்ட கசப்பான அனுபவத்தால், நாங்கூட முன்வர தயாரில்லை என்பது தான் உண்மை!    

ஆனாலும், நம்ம தமிழ்நாட்டில் ஜல்லிக்கட்டுக்கு புகழ்பெற்ற ஊர்களில் ஒன்றான மதுரை பாலமேடு கிராமத்தில், இப்படியொரு அதிசயம் நடந்து கொண்டுதான் இருக்கிறது. 

இதனை எல்லாம் நேரில் சென்றும், காவல் நிலையம் உள்ளிட்டவற்றை ஆராய்ந்தும், 2010 ஆம் ஆண்டில் எழுதி வெளியிட்ட ‘‘நீதியைத்தேடி... சாட்சியங்களைச் சேகரிப்பது எப்படி?’’ நூலில், ‘கிராமத்தில் ஓர் உச்சநீதிமன்றம்’’ என்ற தலைப்பில் எழுதி உள்ளேன்.   

சரி, நம்ம விசயத்துக்கு வருவோம். 

ஒருவர் சரியான சட்ட விழிப்பறிவுணர்வைப் பெற்றிருந்தால், நீதிமன்றத்தில் நடக்கும் எந்தவொரு வழக்கிலும் சட்ட விதிகளின்படியே தலையிட முடியும்; அவரவர்களின் கருத்துக்களைப் பதிவு செய்ய முடியும். 

இதில், வழக்காளிகளுக்குள் உள்ள பிரச்சினை குறித்த, உண்மையை ஒரு தனி நபராகவோ அல்லது குழுவாகவோ கூட பதிவு செய்து, நியாயத்தை நிலைநாட்ட ஆர்வத்துடன் வலிந்து உதவ முடியும். 

இதன் மூலம், நியாயப்படி நிதிபதிகள் என்ன தீர்ப்பெழுத வேண்டும் என்பதைக்கூட, நாம் நிர்மாணிக்க முடியும். அந்த அளவிற்கு மநுவை தர்மத்தின் அடிப்படையில் தயார் செய்ய வேண்டும். இப்படி நானுங்கூட ஒருசில வழக்குக்களில் நிர்மாணித்து இருக்கிறேன் என்ற அனுபவ மநுக்களையும் ‘‘மநு வரையுங்கலை!’’ நூலில் தொகுத்து எழுதி உள்ளேன். 

ஆனால், நியாயமில்லாத ஒருவருக்கு சாதகமாக நின்றால், குற்ற விசாரணை முறை விதி 1973 இன் விதி 340 இன் கீழான நீதி நிர்வாகத்தைப் பாதிக்கச் செய்த குற்ற தண்டனைக்கு ஆளாக நேரிடும். 

ஆமாம், ஓர் வாகன விபத்து வழக்கில் நியாயத்தை நிலைநிறுத்த முயன்ற எனக்கு எதிராக, நீதி நிர்வாகத்தைப் பாதிக்கச் செய்த குற்றஞ் சாற்றிய திருட்டு நிதிபதி, பின்னர் என் பிடியில் இருந்து தப்பித்தால் போதும் என்று, என்னிடம் இருந்து தப்பித்ததைப் பற்றி ‘‘நீதியைத்தேடி... நூல்களில் குறிப்பாக பிணை (ஜாமீன்) எடுப்பது எப்படி?’’ நூலில் எழுதி உள்ளேன். 

ஆகவே, பொறுக்கித்தனம் நிறைந்த நிதிபதிகளிடம், ஒருவரின் நியாயத்தை நிலைநாட்ட முயலும்போது மிகுந்த எச்சரிக்கையாக இருக்க வேண்டும்.  

இப்படி நமக்கு தெரியாதவருக்கும் கூட, நாம் உதவ முடியும் என்பதற்கு இம்மநுவும் சிறந்த உதாரணமாக இருக்கும். இந்த மநு உருவாக காரணம் என்ன என்பதை விளங்கிக் கொள்ள விரும்புபவர்கள், கீழ்கண்ட இரண்டு கட்டுரைகளையும் படித்து விட்டு, இதனை தொடர்ந்தால் நன்கு புரியும். 


இதுபோன்று நியாயத்துக்கு விரோதமான வழக்குக்களில், நீங்களும் தேவைக்கு ஏற்ப மநுவை அனுப்ப வேண்டும் என்பதற்காகவே, இம்மநுவை தமிழ் மற்றும் ஆங்கிலத்தில் கொடுத்து உள்ளேன். ஆனால், இம்மனுவை கர்நாடக உயர்நீதிமன்றத்துக்கு ஆங்கிலத்தில் மட்டுமே அனுப்பி உள்ளோம். 

*************************
இந்திய சாசன கோட்பாடு 51எ- இன் கீழ் எங்களின் கடமையாக தாக்கல் செய்யும் கருத்துரை

Statement of Legal Opinion in performance of our duty as per Article 51A of Indian Constitution  

பெறுதல் 

பொதுப் பதிவாளர்
கர்நாடகா உயர்நீதிமன்றம்
பெங்களூரு - 1

To

Registrar General,
High Court of Karnataka,
High Court Buildings, 
Opp. to Vidhana Soudha, Ambedkar Veedhi,
Bengaluru-560 001.
+(91)-(80)-22954864
Email-id: rghck.kar@nic.in

பொருள்: உரிமையியல் விசாரணை முறை விதிகள் 1908 இன் கட்டளை 1 விதி 8எ இன்படி, எங்களின் கருத்துரை

Sub: Our statement of Legal Opinion as per Order 1, Rule 8A of Civil Procedure Code 1908  

பார்வை: 

1. சிஎம்பி 133 / 2015 

2. 29-11-2016 தேதியில், மதுரை தினமலர் பதிப்பில், இம்மன்றத்தின் பெயரில், ஆங்கிலத்தில் வெளியான விளம்பரம்.

3. இவ்விளம்பரத்தைப் பற்றிய எதிர்மனுதாரருக்கு நாங்கள் நல்லெண்ணத்தோடு அனுப்பிய அஞ்சல் அட்டையானது, "அப்படியொரு முகவரியே இல்லை" என்ற  இந்திய அஞ்சல்துறையின் மேற்குறிப்போடு திரும்பி வந்துள்ளது. 

Ref:

1. CMP No. 133/2015

2. A copy of advertisement in English under the name of the above Court, appeared in the daily ‘Dhinamalar’ on 29-11-2016

3. A copy of the post card that had been sent by us, on good intention to the said addressee, which has been returned, stating that ‘no such address’ exists, by the Indian Postal Department.  

அய்யா வணக்கம்.
முதலில், எங்களின் கடமை என்ன என்பதை தெரிவித்து, பார்வை 1 இல் கண்ட வழக்கு விசயத்துக்கு வருகிறோம்.   

நாங்கள் மத்திய சட்டம் மற்றும் நீதியமைச்சகத்தின் நிதியுதவியோடு, நீதியைத்தேடி... என்ற பொதுத்தலைப்பில் ஐந்து நூல்களையும், கடமையைச் செய்! பலன் கிடைக்கும் மற்றும் மநு வரையுங்களை என்ற தலைப்புகளில் சட்ட ஆராய்ச்சி நூல்களை வெளியிட்டு உள்ளோம். 

எங்களின் பிரதான நோக்கம், சமூகத்திற்கான சட்ட விழிப்பறிவுணர்வு மற்றும் தன் வழக்கில் தானே வாதாடுதல் ஆகியவாகும். 

ஆகையால், நான் வெளியிட்டுள்ள ஏழு நூல்களையும் தமிழ்நாடு மற்றும் புதுச்சேரியில் உள்ள அனைத்துப் பொது நூலகங்கள், உயர்நீதிமன்றம் உள்ளிட்ட நூலகங்கள் மற்றும் சிறைச்சாலை களுக்கு நன்கொடையாக வழங்கி உள்ளோம். 

Dear Sir,

Prior to speaking on the issue mentioned in ref-1, we wish to mention about our duties.
We have published five books under the general title of ‘Neethiyaithedy...’ (In Quest of Justice) and two other books namely ‘Khadamaiyai Sei Palan Kidaikkum’ (Do your duty results will follow) and ‘Manu Varayum Kalai (An Art of Drafting ) with the support of The Central Ministry of Law and Justice. 

Our prime objective is to give the society consciousness on laws and to enable them conduct their cases on their own selves.

In this connection we have donated all the seven books published by us to all the public libraries, all the courts including the Chennai High Court and also to the prisons in Tamil Nadu and Pondicherry.     

எங்களின் சட்ட ஆராய்ச்சியில், உரிமையியல் விசாரணை முறை விதி 1908 இன் கட்டளை 5 விதி 20 (1எ) இன்படி, செய்தித்தாளில் வெளியாகும் நீதிமன்ற விளம்பரங்கள் குறித்து, சம்பந்தப்பட்டவருக்கு அஞ்சல் அட்டையின் மூலம் தகவலை தெரிவிப்போம். 

In the course of our research in laws, as per Order- 5, Rule 20 (1A), of Civil Procedure Code 1908, we used to intimate the concerned parties through a post card, regarding any advertisement issued by a court.

எங்களின் தகவல் கிடைத்து, எங்களது வழிகாட்டுதலோடு, தங்களது சட்ட உரிமைகளை நிலை நாட்டிக் கொண்டவர்கள் பலர். 

There are a number of people thus benefited who could establish their right of justice through such guiding efforts by us.  

இந்த வகையில், தங்களது 11-11-2016 தேதிய உத்தரவின்படி, பார்வை 2 இல் கண்ட நாளிதழ் அறிவிப்பு 29-11-2016 அன்று வெளியாகி உள்ளது. பதினெட்டு நாட்கள் கால தாமதமாக காரணம் என்ன என்பது தெரியவில்லை.
In this connection, the notice as per your order dated 11-11-2016 had appeared in the daily on 29-11-2016 as per ref- 2. The reason for the delay of 18 days is not known.   

இந்த அறிவிப்பு குறித்து, எதிர்மனுதாரருக்கு பார்வை 3 இல் கண்டுள்ளபடியான அஞ்சலட்டையை 30-11-2016 அன்று அனுப்பினோம்.  
ஆனால், அந்த அஞ்சல் அட்டையானது, அப்படியொரு முகவரியே இல்லை என்ற இந்திய அஞ்சல்துறையின் மேற்குறிப்போடு, எங்களுக்கே திரும்பி வந்துள்ளது. 
We sent a post card as per ref- 3, as intimation, to the respondents on 30-11-2016. But the post card has been returned to us by the Indian Postal Department, stating that there is ‘no such address’. 

இதன் மூலம், அப்படியொரு முகவரியே இல்லை என்பது, இந்திய அரசின் கீழ் இயங்கும் அஞ்சல் துறையின் ஆதாரச் சான்று. இது இந்திய சாட்சிய சட்டம் 1872 இன் உறுபு 74 மற்றும் 76 இன்கீழ், மத்திய அரசின் சான்று நகலாகும்.

This stands as evidence provided by the Postal Department functioning under the Government of India that no such address exists. This is also a copy of documental evidence from the Central Government, as per section 74 and 76 of Indian Evidence Act 1872.     

எனவே, இந்த வழக்கில் எதிர்மனுதாரரின் சட்ட உரிமைகள் பாதிக்கப்படும் விதத்தில், எந்த விதமான உத்தரவையும் நீங்கள் பிறப்பிக்க கூடாது என்பதை, எங்களின் கடமையாக பதிவு செய்கிறோம். 

We, therefore, as per our constitutional duties, file our statement of Legal opinion that your court shall abstain from any judgment against the interest and the lawfull rights of the respondents.

ஆயிரக்கணக்கான நீதியைத்தேடி... வாசகர்களின் சார்பாக சமர்ப்பிக்கப்படுகிறது. 

This is submitted on behalf of thousands of readers of ‘‘Neethiyaithedy...’’.


நகல் சமர்ப்பிக்கப்படுகிறது: 


1. பதிவாளர், இந்திய உச்சநீதிமன்றம், புதுதில்லி. மின்னஞ்சல்  supremecourt@nic.in வழியாக



2. தகவலுக்காக நீதியைத்தேடி... இணையப்பக்கம் உள்ளிட்ட சமூக வலைத்தளங்களான முகநூல், சுட்டுரை, கட்செவியில் பகிரப்படுகிறது.  


Copy to: 

1. The Registrar, The Supreme Court of India, New Delhi. Via  Email supremecourt@nic.in

2. Shared through ‘‘Neethiyaithedy...’’ website and other social media like FaceBook, Twitter, Whatsapp etc for information  


*************************

முக்கிய குறிப்புகள்: 

1. இப்படி கடிதத்தை திரும்பப் பெற்றவர்கள், சம்பந்தப்பட்ட நீதிமன்றத்துக்கு மநு அனுப்பும் பட்சத்தில் அதனை பத்திரமாக வைத்திருப்பது மிக முக்கியம். ஏனெனில், நிதிபதிகள் அழைப்பாணை அனுப்பி கேட்கலாம்.

2. அப்படி அழைப்பாணை வந்தால், அதுபற்றி அந்த அழைப்பாணையில் தெளிவாக குறிப்பிட்டிருந்தால் மட்டுந்தான் கொடுக்க அல்லது அனுப்ப வேண்டும். 

3. நீங்கள் நீதிமன்றத்துக்கு வரக்கோரும் அழைப்பாணையாக இருந்தால், முன்பணமாக செலவுத் தொகையை பெற்றுக்கொள்ள உரிமையியல் விசாரணை முறை விதிகளின்படி உரிமையுண்டு.   

4 இப்படிப்பட்ட மநுக்களை நிதிபதிகளுக்கு மின்னஞ்சலில் அனுப்பினாலே போதும். இதில் கையொப்பம் தேவைப்படாது. 

5. சம்பந்தப்பட்ட நிதிபதிக்கு நேரடியான மின்னஞ்சல் இல்லாத போது, இதையே காரணமாக சொல்லி, அம்மாவட்டத்தின் நிதிபதியின் மின்னஞ்சலுக்கு அனுப்பலாம். இதன் நகலை, அதன் மேல்நிலை நீதிமன்றங்களுக்கு அனுப்புவதும் அவசியமாகும். 

6. இந்திய நீதிமன்றங்களுக்கான இந்த பிரத்தியேக இணைய இணைப்பின் வழியாக இந்தியாவின் எந்தவொரு நீதிமன்றத்தின் மின்னஞ்சல் முகவரி உள்ளிட்ட தொடர்புகளைப் பெறமுடியும்.  

7. இப்படிப்பட்ட சிறிய ஆதார ஆவணங்களை, பின் இணைப்பாக சேர்த்து அனுப்பாமல், சம்பந்தப்பட்ட அந்தந்த செய்திகளுக்கு இடையிடையே புகுத்தி விடுவது, இதுபோன்ற ஆதாரச்சான்றுகள் வரவில்லை என்று சொல்லவோ அல்லது ஆதாரத்தை மறைத்து, ‘‘நிதிபதி கேனச் சந்துருவைப் போல’’ நிதிபதிகள் வேறு விதத்தில் நியாயத்தை திரித்து எழுதுவதை தடுக்கும்.     
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

Wednesday, December 7, 2016

‘சோ’ என்று பெய்த அரசியல் விமர்சன மழையும் விடை பெற்றது


நான் எதையெல்லாம் எழுத வேண்டுமென நினைத்து, காலங்கருதி எழுதாமல் தள்ளிப் போட்டுக் கொண்டே வந்தேனோ, அதையெல்லாம் எழுதும் படியான சூழ்நிலை, ஏனோ ஒவ்வொரு நாளும் உருவாகிக் கொண்டே இருக்கிறது. 

எனது கொள்கையின்படி, நான் யாரிடமும் எதற்காகவும், எனக்காக கூடப் பரிந்துப் பேச ஆட்களைப் பிடிப்பதில்லை. இது எனக்காக நானே வாதாடுவதில் ஆரம்பித்து அனைத்திற்கும் பொருந்தும். 

இதனால், அநீதியாக எதை இழந்தாலும், அது கோடானு கோடியாகவே இருந்தாலுங்கூட அதற்காக கவலைப்படுவதில்லை என்பது, எனது கொள்கை முடிவின் உச்சம். 

இந்த வகையில், பொதுவுடைமை நீதியைத்தேடி... நூல்களுக்கு தனிப்பட்ட முறையில் எவரையும் நாடி அணிந்துரை, மதிப்புரைகளை கேட்டு வாங்கியதில்லை. 

மாறாக, அந்நூல்கள் வெளியான பின், ஆன்மீகம், பகுத்தறிவு, இடது மற்றும் வலதுசாரி என ஒவ்வொரு விதமான கொள்கையோடும் வெளிவரும் நாளிதழ் உள்ளிட்ட எல்லா விதமான இதழ்களுக்கும், அனுப்பி விடுவோம். இதற்கு அடிப்படையான காரணம், மதிப்புரை பெறுவது மட்டுமல்ல; 

மாறாக, அவர்களும் சட்ட விழிப்பறிவுணர்வைப் பெறவேண்டும், நிதிபதிகள் வழங்கும் நியாயத்துக்கு புறம்பான தீர்ப்புக்களை விமர்சிக்கப் பழக வேண்டும், அவரவர்களும் (நிதிபதிகளும், அச்சு ஊடகங்களும்) செய்யும் சட்டத் தவறுகளை உணர வேண்டும் என்பன உட்பட பல்வேறு சங்கதிகள் இதில் அடங்கி இருக்கின்றன. 

பொதுவாக, அச்சு ஊடகங்களில் செய்திகள் வருவதால் பிரச்சினை தீரும் என நம்புபவர்கள் அதிகம். ஆனால், ஆராய்ந்துப் பார்த்தால் அதிகமாகிக் கொண்டுதான் இருக்கிறது என்ற அதிர்ச்சி வரலாற்றை அறிய முடியும். 

இதுபற்றி சத்தியவான் காந்தி எழுதியதன் சுருக்கத்தை, பாராளுமன்றம், பத்திரிகை குறித்து மகாத்மா காந்தி! என்றத் தலைப்பில் படிக்கலாம். 

நம் நூல்களை பொய்யர்கள் நடத்தும் இதழ்களுக்கு மட்டும் அனுப்புவது இல்லை. ஏனெனில், அவர்கள் விசயத்தை தெரிந்து கொள்வதற்காக படிப்பார்கள், அதில் பணஞ் சம்பாதிக்க வழி உள்ளதா என்பதைக் கண்டறிந்து பணம் சம்பாதிப்பார்களே அன்றி, அதுகுறித்த தங்களின் உண்மையான கருத்தைக்கூட பதிவுசெய்ய மாட்டார்கள். 

அப்படிப் பதிவு செய்தால், ஊரை ஏமாற்றிப் பிழைக்கும் அவர்களின் பொய்ப் பிழைப்பும் போய், பிச்சைதான் எடுக்க வேண்டி இருக்கும்.   

ஆனால், அப்பொய்த்தொழிலை உணர்ந்து கை விட்டவர்கள், உண்மையை எழுதுவார்கள். இப்படி வெகுசிலர்தான் இருக்கிறார்கள். 

இந்த வகையில், மூத்த பத்திரிகையாளர், எழுத்தாளர், பொய்த் தொழிலை துட்சமாய் நினைத்து உதறிய (சட்டத்தொழில் மற்றும் நடிப்புத் தொழில் ஆகிய இரண்டையும்) சோ. ராமசாமி அவர்களும், முதல் மூன்று நீதியைத்தேடி... நூல்களுக்கு அவர் எழுதி வந்த துக்ளக் வார இதழில் மதிப்புரையை எழுதி, நமது சட்ட விழிப்பறிவுணர்வுக் கொள்கையை பரப்பிய அவரை இந்த நேரத்தில் நினைவு கூர்கிறேன். 


இப்படி பல்வேறு வகையான இதழ்களும் எழுதிய மதிப்புரைகளை, நம் நூல்களுக்கான மதிப்புரைகளில் சில... என்ற தொகுப்பு ஆக்கத்தில் படிக்கலாம். இம்மதிப்புரைகள், மறு பதிப்பு நூல்களில் அச்சிடப்படுகின்றன.  
  
எனவே, இப்படி அனுப்பிய நீதியைத்தேடி... நூல்களை ஏற்று, கிட்டத்தட்ட அனைத்து இதழ்களுமே மதிப்புரையை வழங்கி உள்ளார்கள் என்பதை நீங்களே புரிந்து கொள்ள முடியும்.   
பகிர்ந்து கொள்ள

வாசகர்களின் கவனத்திற்கு...

இதுபோன்ற இணையப் பக்கங்களில், ஒருவரின் பெயரில் யார் வேண்டுமானாலும் பின்னூட்ட முடியும். இதனை தடுக்கவே இங்கு பதிவிடுபவர்களின் மின்னஞ்சல் முகவரியை கேட்டுள்ளோம்.

இக்கட்டுரையின் கருத்துக்கு மாறான கருத்தை, பின்னூட்டமாக இடுவதாக இருந்தால், அதற்கான அடிப்படை ஆதாரங்களைச் சுட்டிக் காட்டியே பதிவிட கோருகிறோம். அப்போதுதான், உங்களது கருத்துக்கு மதிப்பளித்து, இப்பதிவு குறித்த கருத்துக்களை சீர்தூக்கிப் பார்த்து சீராய்வு செய்ய முடியும்.

சமூகம் இதுபோன்ற விழிப்பறிவுணர்வுகளைப் பெற வேண்டுமென நினைப்பவர்கள், இதுபற்றிய உங்களது கருத்துடன் சமூக வலைப்பக்கங்களில் பகிருங்கள்.

நூல்களின் முகப்பு

நியாயந்தான் சட்டம்

Translate

Follow by Email

அடிப்படை சட்டங்கள்

  • 1. இந்திய சாசனம் 1950
  • 2. நீதிமன்ற சாசனம் 1872
  • 3. இந்திய தண்டனை சட்டம் 1860
  • 4. குற்ற விசாரணை முறை விதிகள் 1973
  • 5. உரிமையியல் விசாரணை முறை விதிகள் 1908

நம் நூல்களைப் பற்றி

நீதியைத்தேடி.... நீங்களும் நீதிமன்றத்தில் வாதாடலாம் வரிசையில்...
1 குற்ற விசாரணைகள்
2 பிணை (ஜாமீன்) எடுப்பது
எப்படி?
3 சட்ட அறிவுக்களஞ்சியம்
4 சட்டங்கள் உங்கள் பாக்கெட்டில்
5 சாட்சியங்களைச் சேகரிப்பது
எப்படி?
6 கடமையைச் செய்!
பலன் கிடைக்கும்
7 மநு வரையுங்கலை!Recent Posts Widget

இந்நூல்கள் அனைத்தும் உங்களின் சட்ட விழிப்பறிவுணர்வுக்காக
மத்திய சட்டம் மற்றும் நீதியமைச்சகத்தின் நிதியுதவியோடு
தமிழ்நாடு மற்றும் புதுச்சேரியில் உள்ள நான்காயிரத்துக்கும் மேற்பட்ட பொது நூலகங்கள், மத்திய சிறைச்சாலைகள் மற்றும் சென்னை உயர்நீதிமன்றம் உள்ளிட்ட நீதிமன்றங்களுக்கு வழங்கப்பட்டுள்ளன.

சொந்தமாக தேவைப்படுவோர், உ(ய)ரிய நன்கொடையைச் செலுத்திப் பெற்றுக் கொள்ளலாம். தொடர்பு உலாப்பேசி எண்கள் 09842909190 மற்றும் 09842399880 ஆகும்.

இப்படி, நன்கொடை செலுத்தி வாங்கிய நூல்களால் பயனில்லை என்று கருதும் பட்சத்தில், அப்படியே திருப்பி அனுப்பிவிட்டு, கொரியர் செலவுபோக மீதிப் பணத்தைப் பெற்றுக் கொள்ளலாம்.

எல்லாப் பதிகளும்!

பயின்றோர் (20-08-16)